Ɀireʋo 3 - Original Shona Union Bible 1949 (Doke Orthography)（SUB1949）

Munhu ŋgaatye Jehova, aʋimbe naye, amuterere.

1Mŋanakomana waŋgu, usakaŋganwa kudzidzisa kwaŋgu;

Asi mŋoyo wako ŋgauceŋgete mirairo yaŋgu;

2Nokuti ɀicakuwedzera mazuʋa mazhinji,

Namakore oʋupenyu, norugare.

3Ruɗo neɀokwaɗi ŋgaɀirege kukusiya;

Uɀisuŋgire pamutsipa wako;

Uɀinyore pahwendefa romŋoyo wako;

4Nokuɗaro ucawana nyasha nenjere dzakanaka

Pamberi paMŋari naʋanhu.

5Ʋimba naJehova nomŋoyo wako wose,

Urege kusendama panjere dzako.

6Umutende panzira dzako dzose,

Agoruramisa makwara ako ose.

7Usaɀiti wakacenjera;

Itya Jehova, ubve paneɀakaipa;

8Ɀicaʋa mushoŋga womuʋiri wako,

Nomŋoŋgo wamafupa ako.

9Kudza Jehova neɀaunaɀo,

Ʋuye neɀitȿa ɀaɀose ɀawakawana;

10Ipapo matura ako acazadzwa neɀakawanda,

Makate ako acapfacuka newaini itȿa.

11Mŋanakomana waŋgu, usaɀidza kuraŋga kwaJehova;

Usaneta nokuraira kwake.

12Nokuti Jehova unoraira muɗikanwa wake;

Seɀinoita ɓaɓa mŋanakomana waʋo waʋanofarira.

Mufaro womunhu, wawana ʋucenjeri.

13Munhu, wawana ʋucenjeri, unomufaro,

Naiye munhu, unowana njere.

14Nokuti kuʋuwana ibgo kunopfuʋura kuwana sirveri;

Nokuʋufuma ibgo kunopfuʋura kufuma ndarama.

15Ʋunokosha kupfuʋura korari;

Hakunefuma yako iŋgaenzaniswa nabgo.

16Mazuʋa mazhinji oʋupenyu ari muruʋoko rwabgo rworudyi;

Muruʋoko rwabgo rworuɓoshwe munefuma nokukudzwa.

17Nzira dzabgo inzira dzeɀinofadza;

Makwara abgo ose ndoorugare.

18Ndiwo muti woʋupenyu kunaʋanoʋunamatira;

Mumŋe nomumŋe unoʋuɓata unomufaro.

19Jehova wakateya pasi noʋucenjeri;

Wakasimbisa kuɗeŋga‐ɗeŋga nenjere.

20Mvura iri makadzika yakadzutuka neziʋo yake;

Ƌeŋga rose rakaɗonha ɗoʋa.

21Mŋanakomana waŋgu, ŋgaɀirege kubva pameso ako;

Ceŋgeta ʋucenjeri caibgo nokuŋgwara.

22Ipapo ɀicaʋa ʋupenyu bgomŋeya wako;

Noʋukomba pamutsipa wako.

23Ipapo ucafamba nenzira yako wakasimba;

Rutsoka rwako haruŋgagumburwi.

24Kana uciʋata pasi hauŋgatyi;

Ʋuye kana waʋata pasi hope dzako dzicaʋa dzakanaka.

25Usatya hako civunduso cinokuwira kamŋe‐kamŋe,

Kunyaŋge kuparadzwa kwaʋakaipa, kana kuciȿika;

26Nokuti Jehova ucaʋa ciʋimbo cako;

Ucaceŋgeta rutsoka rwako, kuti rurege kuɓatwa.

Munhu ŋgaave nomŋoyo murefu nokutendeka.

27Munhu, wakafanirwa, usaramba kumuitira ɀakanaka

Kana ruʋoko rwako ruciŋge runesimba kuɀiita.

28Usati kunowokwako: Enda, ugodzoka ɀe,

Maŋgwana ndicakupa;

Kana uciŋge unaɀo’po.

29Usafuŋga kuitira wokwako ɀakaipa,

Ɀaanogara hake newe acikutenda.

30Usarwa nomunhu pasinemhoȿa,

Kana asina‐kukuitira ɀakaipa.

31Usagoɗora munhu unomanikidza;

Usateʋera kunyaŋge nomumŋe wemitoʋo yake.

32Nokuti mutsauki inyaŋgadzi kunaJehova;

Asi unoʋukama naʋakarurama.

33Kutuka kwaJehova kuri mumba mowakaipa;

Asi unoropafadza ʋugaro bgaʋakarurama.

34Kana ʋari ʋaɗaɗi, unoʋaɗaɗira,

Asi ʋanoɀininipisa unoʋaitira nyasha.

35Ʋakacenjera ʋacagara nhaka yokukudzwa;

Asi mapenzi anoɀiwanira kunyadziswa.