Mapisarema 147 - Original Shona Union Bible 1949 (Doke Orthography)（SUB1949）

Rumbidzai Jehova nokuti ŋgoni dzake dzinoʋonekwa pose‐pose.

1Hareruya!

Nokuti ɀakanaka kuti Mŋari weɗu aimbirwe nziyo dzokurumbidza;

Ɀinofadza, ʋuye kurumbidza kwakafanira.

2Jehova unoʋaka Jerusarema;

Unoʋuŋganidza ʋakadziŋgwa ʋaIsraeri.

3Unoporesa ʋanemŋoyo yakaputsika,

Unosuŋga maʋaŋga aʋo.

4Unotara kuwanda kwenyeredzi;

Unodzipa dzose mazita adzo.

5Ishe weɗu mukuru, unesimba guru;

Njere dzake hadziperi.

6Jehova unoɓatsira ʋanyoro;

Ʋakaipa unoʋawisira pasi.

7Imbirai Jehova mucimuʋoŋga,

Imbirai Mŋari weɗu nziyo dzokurumbidza nembira;

8Iye unofukidza ɗeŋga namakore,

Unogadzirira pasi mvura,

Unomeresa ʋuswa pamakomo.

9Unopa ɀipfuwo ɀokudya ɀaɀo,

Naʋana ʋamakuŋguʋo, ʋanocema.

10Haafadzwi nesimba rebiza;

Haafariri makumbo omurume.

11Jehova unofara naʋanomutya,

Naʋanotarira ŋgoni dzake.

12Rumbidza Jehova, iwe Jerusarema;

Rumbidza Mŋari wako, iwe Zioni.

13Nokuti wakasimbisa mazarira amasuʋo ako;

Wakaropafadza ʋana ʋako mukati mako.

14Unoisa rugare panyika yako;

Unokugutisa neɀiyo ɀakaiȿo‐naka.

15Unotuma mirairo yake panyika;

Shoko rake rinomhanya kwaɀo.

16Unopa ʋanhu cando samakushe amakwai,

Unoparadzira cando samaɗota.

17Unokanda cimvuramabge cake seɀimeɗu;

Ndianiko uŋgamira pacando cake?

18Unotuma shoko rake, ndokuɀinyausa;

Unovuvutisa mhepo yake, mvura ndokuyerera.

19Unoziʋisa Jakobo shoko rake,

NaIsraeri mitemo yake neɀaakatoŋga.

20Haana‐kutoŋgoitira rumŋe rudzi saiɀoɀo;

Kana ɀiri ɀaakatoŋga, haʋanakuɀiziʋa.

Hareruya!