Mapisarema 33 - Original Shona Union Bible 1949 (Doke Orthography)（SUB1949）

Rwiyo rwokurumbidza Jehova.

1Farisai munaJehova, imi ʋakarurama;

Kurumbidza kwakafanira ʋakarurama.

2Ʋoŋgai Jehova nembira;

Muimbirei nziyo dzokurumbidza nomuteŋgeranwa unehuŋgiso dzinegumi.

3Muimbirei rwiyo rutȿa;

Ridzai ɀakanaka nokuridza kukuru.

4Nokuti shoko raJehova rakarurama,

Unoita ɀose nokutendeka.

5Iye unoɗa kururama nokururamisa;

Nyika izere noʋunyoro bgaJehova.

6Kuɗeŋga‐ɗeŋga kwakaitwa neshoko raJehova,

Ʋuye hondo dzose dzo’ko nokufema kwomuromo wake.

7Unoʋuŋganidza mvura zhinji yeguŋgwa pamŋe cete somurwi;

Unoceŋgeta mvura zhinji dzakadzika mumatura.

8Nyika yose ŋgaitye Jehova;

Ʋose ʋagere panyika ŋgaʋaɗeɗere pamberi pake.

9Nokuti iye wakataura, ɀikaitika;

Wakaraira, ɀikamira ɀikasimba.

10Jehova unoparadza zano raʋahedeni;

Mifuŋgo yendudzi dzaʋanhu unoishaisa simba.

11Zano raJehova rakasimba nokusiŋgaperi,

Nendaŋgariro dzomŋoyo wake kuȿikira kundudzi dzose.

12Rwakakomborerwa rudzi rwakaita Jehova Mŋari warwo;

Rudzi rwaakatsaura kuʋa nhaka yake.

13Jehova unotarira ari kuɗeŋga;

Unoʋona ʋanakomana ʋose ʋaʋanhu;

14Unotarira ari ipapo paagere

Aciʋona ʋanhu ʋose ʋagere panyika.

15Iye unoʋumba mŋoyo yaʋo ʋose,

Unocerekedza maɓasa aʋo ose.

16Hapanamambo unoponeswa nokuwanda kwehondo;

Mhare hairwirwi nesimba guru.

17Biza hariɓatsiri pakukunda;

Harigoni kurwira nesimba raro guru.

18Tarirai, ziso raJehova rinotarira ʋanomutya,

Iʋo, ʋanorindira tsitsi dzake;

19Kurwira mŋeya waʋo parufu,

Nokuʋararamisa paŋguʋa yenzara.

20Mŋeya yeɗu yakarindira Jehova;

Ndiye muɓatsiri weɗu nenhoʋo yeɗu.

21Nokuti mŋoyo yeɗu icafara kwaɀo maari,

Ɀatakaʋimba nezita rake dɀene.

22Tsitsi dzenyu ŋgadziʋe nesu, Jehova,

Seɀatakakurindirai.