Mapisarema 31 - Original Shona Union Bible 1949 (Doke Orthography)（SUB1949）

Davidi unokumbira kuɓatsirwa, aciʋoŋga ʋunyoro bgaJehova.Kumutuŋgamiriri wokuimba. Pisarema raDavidi.

1Jehova, ndinoʋimba nemi; ŋgandirege kutoŋgo‐nyadziswa;

Ndirwirei pakururama kwenyu.

2Rerekerai nzeʋe yenyu kwandiri; kurumidzai kundirwira;

Iʋai ɗombo raŋgu rakasimba, neimba yenhare yokundiponesa.

3Nokuti ndimi ɗombo raŋgu nenhare yaŋgu;

Naiɀoɀo ndituŋgamirirei mundifambise nokuɗa kwezita renyu.

4Ndibvutei pamumbure waʋakandidzikira pakaʋanda;

Nokuti ndimi nhare yaŋgu.

5Ndinoisa mŋeya waŋgu muruʋoko rwenyu;

Makandidzikinura Jehova, imi Mŋari waɀokwaɗi.

6Ndinoʋeŋga ʋanokudza ɀenhema ɀisinamaturo;

Asi ndicaʋimba naJehova.

7Ndicafara nokufarisisa netsitsi dzenyu;

Nokuti makaʋona kutambudzika kwaŋgu;

Makaziʋa kumanikidzwa kwomŋeya waŋgu;

8Hamuna‐kundiisa muruʋoko rwomuʋeŋgi;

Makamisa tsoka dzaŋgu panɀimbo yakafarikana.

9Ndinzwirei tsitsi Jehova, nokuti ndiri panjodzi;

Ziso raŋgu rapera nokucema, ɀirokwaɀo, nomŋeya waŋgu nomuʋiri waŋgu ʋo.

10Nokuti ʋupenyu bgaŋgu bgapera nokucema, namakore aŋgu nokugomera;

Simba raŋgu rapera nokuɗa kwokutadza kwaŋgu, ʋuye mafupa aŋgu asakara.

11Ndaʋa cinhu cinoɀidzwa nemhaka yaʋadziʋisi ʋaŋgu ʋose,

Ɀirokwaɀo, ɀikuru kunaʋandinogara naʋo, necinotyisa kuʋazikani ʋaŋgu;

Ʋakandiʋona kunze ʋakanditiza.

12Ndakaŋganikwa sowakafa usati acafuŋgwa;

Ndaʋa somudziyo wakaputsika.

13Ndakanzwa ʋazhinji ʋacindipomera,

Ɀinotyisa kumatiʋi ose;

Pakuraŋgana kwaʋo pamsoro paŋgu

Ʋakafuŋga mano kuti ʋanditorere ʋupenyu bgaŋgu.

14Asi ndakaʋimba nemi Jehova;

Ndakati: Ndimi Mŋari waŋgu.

15Ŋguʋa dzaŋgu dziri muruʋoko rwenyu;

Ndirwirei paruʋoko rwaʋaʋeŋgi ʋaŋgu, nokunaʋanonditambudza.

16Venekesai ciso cenyu pamsoro pomuranda wenyu;

Ndiponesei noʋunyoro bgenyu.

17Ŋgandirege kunyadziswa, Jehova; nokuti ndakaɗana kwamuri;

Ʋakaipa ŋgaʋanyadziswe, ŋgaʋanyarare paSheori.

18Miromo inoreʋa nhema ŋgainyarare;

Iyo inotaura namanyawi kunaʋakarurama,

Iciɀikudza nokuʋaɀidza.

19Haiwa, ɀakanaka ɀenyu ɀamakaceŋgetera ʋanokutyai ɀakakura sei,

Ɀamakaitira ʋanoʋimba nemi, pamberi paʋanakomana ʋaʋanhu!

20Mucaʋaʋanza pakaʋanda pamberi penyu, ʋabve pamano aʋanhu;

Mucaʋaceŋgeta pakaʋanda patente ʋabve panharo dzendimi.

21Jehova ŋgaaʋoŋgwe:

Nokuti wakandiratidza ʋunyoro bgake ʋunoshamisa paguta rakasimba.

22Kana ndiri’ni, ndakati pakukaruka kwaŋgu: Ndabviswa pamberi penyu;

Kunyaŋge ɀakaɗaro, makanzwa inzwi rokukumbira kwaŋgu pakucema kwaŋgu kwamuri.

23Iɗai Jehova, imi ʋatȿene ʋake mose;

Jehova unoceŋgeta ʋakatendeka,

Unotsiʋa ɀikuru munhu unoɀikudza.

24Iʋai nesimba, ʋuye mŋoyo yenyu itsuŋge,

Imi mose munorindira Jehova.