1Ndicakuʋoŋgai nomŋoyo waŋgu wose;
Ndicakuimbirai nziyo dzokurumbidza pamberi paʋamŋari.
2Ndicanamata ndakatarira kutembere yenyu tȿene,
Nokuʋoŋga zita renyu nokuɗa kwoʋunyoro bgenyu nokutendeka kwenyu;
Nokuti makakurisa shoko renyu kupfuʋura zita renyu rose.
3Pazuʋa randakaɗana makandipindura,
Makandisimbisa nesimba pamŋeya waŋgu.
4Madzimambo ose enyika acakuʋoŋgai, Jehova,
Nokuti ʋakanzwa mashoko omuromo wenyu.
5Ɀirokwaɀo, ʋacaimba ʋacireʋa nzira dzaJehova;
Nokuti kubginya kwaJehova kukuru.
6Nokuti Jehova uri kumsoro, kunyaŋge ɀakaɗaro unehanya nounoɀininipisa;
Asi unamanyawi Jehova unomuziʋa ari kure.
7Kana ndicifamba pakati penhamo, imi mucandiponesa;
Mucatambanudza ruʋoko rwenyu kudziʋisa kutsamŋa kwaʋaʋeŋgi ʋaŋgu,
Ruʋoko rwenyu rworudyi rucandiponesa.
8Jehova ucandikwanisira ɀinhu ɀaŋgu;
Ŋgoni dzenyu, Jehova, dzinogara nokusiŋgaperi;
Musarega maɓasa amaʋoko enyu.
Who We AreWhat We EelieveWhat We Do
2025 by iamachristian.org,Inc All rights reserved.
