Numeri 23 - Original Shona Union Bible 1949 (Doke Orthography)（SUB1949）

1Ɀino Barami akati kunaBaraki: Ndiʋakire pano artari nomŋe, undigadzirire pano nzombe nomŋe namakondobge manomŋe.

2Baraki akaita seɀakataura Barami; Baraki naBarami ʋakaɓayira paartari imŋe neimŋe nzombe imŋe negondobge rimŋe.

3Ɀino Barami akati kunaBaraki: Cimira iwe pacipiriso cako cinopiswa, asi ini ndicaenda; ɀimŋe Jehova ucaʋuya kuzosoŋgana neni; ɀose ɀaanondiratidza, ndicakuʋudza iɀo. Akaenda pakakwirira, pakaŋga pasinecinhu.

4Ipapo Mŋari akasoŋgana naBarami, iye akati kwaari: Ndagadzira artari nomŋe, ndikaɓayira nzombe negondobge paartari imŋe neimŋe.

5Jehova akaisa shoko mumuromo waBarami, akati: Dzokera kunaBaraki, utaure kwaari kuɗai.

6Akadzokera kwaari, akamuwana amire pacipiriso cake cinopiswa, iye namacinda ose aMoabi.

7Ipapo akataura nomufananidzo wake, akati:

Baraki wakanditora paArami,

Mambo waMoabi wakanditora pamakomo okumabvazuʋa,

Aciti: Ʋuya unditukire Jakobo,

Ʋuya, unditsamŋire Israeri.

8Ini ndiŋgatuka seiko usina‐kutukwa naMŋari;

Ini ndiŋgatsamŋira seiko usina‐kutsamŋirwa naJehova?

9Nokuti ndinomuʋona ndiri pamsoro pamatombo,

Ndinomutarira ndiri pamsoro peɀikomo;

Tarira, ndiʋanhu ʋanogara ʋari ʋoga,

Haʋaŋgaʋereŋgwi pakati pendudzi.

10Ndianiko uŋgaʋereŋga guruʋa raJakobo,

Kana kuʋereŋga cikamu cecinna caIsraeri?

Kuguma kwaŋgu ŋgakufanane nokwake!

11Ɀino Baraki akati kunaBarami: Wandiiteiko? Ndandokutora kuti utuke ʋaʋeŋgi ʋaŋgu; tarira, waramba uciŋgoʋaropafadza.

12Akapindura, akati: Ko handifaniri kucenjera kuti nditaure ɀinoiswa naJehova mumuromo maŋgu here?

13Baraki akati kwaari: Ƌoʋuya hako neni kuneimŋe nɀimbo, pauŋgaʋaʋona uri’po; uŋgaŋgoʋona ʋokumudziʋo ʋoga, hauŋgaʋaʋoni ʋose; nditukirei iʋo uri ipapo.

14Ɀino akaenda naye kumunda waZofimi, pamsoro pePisga, akaʋaka artari nomŋe, akaɓayira nzombe negondobge paartari imŋe neimŋe.

15Akati kunaBaraki: Cimira pano pacipiriso cako cinopiswa, ini ndindosoŋgana naJehova uko.

16Ipapo Jehova akasoŋgana naBarami, akaisa shoko mumuromo make, akati: Dzokera kunaBaraki, utaure kuɗai.

17Iye akaenda kwaari, akamuwana amire pacipiriso cake cinopiswa, macinda aMoabi anaye. Baraki akati kwaari: Jehova wakataureiko?

18Ipapo akataura nomufananidzo wake, akati:

Simuka, iwe Baraki, unzwe;

Nditerere, iwe mŋanakomana waZipori:

19Mŋari haazi munhu, haaŋgareʋi nhema;

Kunyaŋge mŋanakomana womunhu, haaŋgashanduki;

Caakataura, haaŋgaciiti kanhi?

Caakataura, haaŋgacisimbisi kanhi?

20Tarira, ndakarairwa kuti ndiropafadze;

Iye wakaropafadza, ini handigoni kuɀishandura.

21Haana‐kuʋona ɀakaipa kunaJakobo;

Haana‐kuʋona ɀakashata kunaIsraeri;

Jehova Mŋari wake unaye,

Ʋanopupurira mambo pakati paʋo.

22Mŋari wakaʋaɓuɗisa Egipita,

Unesimba rakafanana nerenyati.

23Ɀirokwaɀo hakunoʋuŋaŋga kunaJakobo,

Ʋuye hakuno‐kuʋuka kunaIsraeri;

Ɀino ɀicarebga pamsoro paJakobo napamsoro paIsraeri,

Ɀakaitwa naMŋari.

24Tarirai, ʋanhu aʋo ʋanosimuka seshumbakadzi,

Ʋanosimuka seshumba.

Haʋaŋgaʋati pasi ʋasati ʋadya cakaɓatwa,

Nokunwa ropa recakaʋurawa.

25Ɀino Baraki akati kunaBarami: Usatoŋgoʋatuka, kana kutoŋgoʋaropafadza.

26Asi Barami wakapindura, akati kunaBaraki: Handina‐kukuʋudza here, ndikati: Ɀose ɀinotaurwa naJehova, ndiɀo ɀandinofanira kuita?

27Baraki akati kunaBarami: Ʋuya ɀino, ndiende newe kuneimŋe nɀimbo; ɀimŋe Mŋari uŋgafara naɀo kuti unditukire iʋo, uri ipapo.

28Ɀino Baraki akaenda naBarami pamsoro pePeori, panotarira pasi kurenje.

29Barami akati kunaBaraki: Ndiʋakire pano artari nomŋe, undigadzirire pano nzombe nomŋe namakondobge manomŋe.

30Baraki akaita seɀakarebga naBarami, akaɓayira nzombe negondobge paartari imŋe neimŋe.