1Munomirireiko kure, Jehova?
Munoɀiʋanzireiko paŋguʋa dzokutambudzika?
2Pakuɀikudza kwake wakaipa unotambudza murombo ɀikuru;
Ŋgaʋaɓatwe namano aʋakafuŋga.
3Nokuti wakaipa unoɀirumbidza pamsoro peɀinoɗa mŋoyo wake,
Unoruciʋa unoramba Jehova nokumuɀidza.
4Nokuɀikudza kweciso cake, wakaipa unoti: Haaŋgabvunzi.
Ndaŋgariro dzake dzose dzinoti: HakunaMŋari.
5Nzira dzake dzakasimba ŋguʋa dzose;
Ɀamunotoŋga imi ɀiri kure kumsoro, haaɀiʋoni;
Kana ʋari ʋadziʋisi ʋake ʋose, unoʋashoʋora.
6Unoti mumŋoyo make: Handiŋgazunuŋguswi;
Handiŋgaʋi panhamo kuȿikira kumarudzi aŋgu ose.
7Muromo wake uzere nokutuka nokunyeŋgera nokumanikidza;
Ɀakashata neɀakaipa ɀiri pasi porurimi rwake.
8Unogara panɀimbo dzokuʋanda dzemisha;
Pakaʋanda ndi’po paanoʋuraya usinemhoȿa;
Meso ake anoʋandira usina‐wokumuɓatsira.
9Unoʋandira pakaʋanda seshumba panɀimba yayo;
Unoʋanda kuti aɓate murombo;
Unoɓata murombo, kana acimukakatira mumumbure wake.
10Unonyaŋgira, unokotama pasi,
Ʋasinomuɓatsiri ʋanowiswa nesimba rake.
11Unoti mumŋoyo make: Mŋari wakaŋganwa;
Unoʋanza ciso cake, haaŋgatoŋgoɀiʋoni.
12Simukai Jehova; Mŋari simudzai ruʋoko rwenyu;
Regai kukaŋganwa ʋarombo.
13Wakaipa unoɀidzireiko Mŋari,
Aciti mumŋoyo wake: Haaŋgabvunzi?
14Maɀiʋona henyu; nokuti munoʋona kutambudzika nokucema, kuti muɀiɓate muruʋoko rwenyu;
Usinomuɓatsiri unoɀiisa kwamuri;
Makaʋa muɓatsiri wenherera.
15Vunai ruʋoko rwowakaipa.
Kana ari munhu wakashata, nɀerai ɀakaipa ɀake, kuȿikira musiŋgazoɀiwani.
16Jehova ndiye Mambo nokusiŋgaperi‐peri;
Ʋahedeni ʋakaparadzwa munyika yake.
17Jehova, makanzwa ɀinoɗikanwa naʋanyoro;
Mucasimbisa mŋoyo yaʋo, mucarerekera nzeʋe yenyu;
18Kuti mutoŋgere nherera nounotambudzwa,
Kuti munhu wapanyika arege kuramba acivundusa.
Who We AreWhat We EelieveWhat We Do
2025 by iamachristian.org,Inc All rights reserved.
