Mapisarema 28 - Original Shona Union Bible 1949 (Doke Orthography)（SUB1949）

Davidi unonyeŋgetera kuti arwirwe naJehova.Pisarema raDavidi.

1Ndicaɗana kwamuri, Jehova;

Ƌombo raŋgu, regai kundinyararira;

Ɀimŋe, kana mukandinyararira,

Ndiŋgafanana naʋanoɓurukira kugomba.

2Inzwai inzwi remikumbiro yaŋgu, kana ndicicema kwamuri,

Kana ndicisimudzira maʋoko aŋgu kunɀimbo yomukati yeimba yenyu tȿene.

3Musandibvuta pamŋe cete naʋakaipa,

Naʋanoita ɀakashata;

Iʋo, ʋanotaura rugare kunaʋaʋanogara naʋo,

Asi ɀakashata ɀiri mumŋoyo maʋo.

4Muʋape ɀakaenzana neɓasa raʋo, ʋuye ɀakaenzana neɀakaipa ɀaʋakaita,

Muʋape ɀakaenzana nokuɓata kwamaʋoko aʋo;

Muʋaitire seɀakaʋafanira.

5Ɀaʋasina‐kuraŋgarira maɓasa aJehova,

Neɀaakaɓata namaʋoko ake,

Iye ucaʋaputsa, akasaʋaʋaka ɀe.

6Jehova ŋgaaʋoŋgwe,

Nokuti wakanzwa inzwi rokukumbira kwaŋgu.

7Jehova ndiye simba raŋgu nenhoʋo yaŋgu;

Mŋoyo waŋgu wakaʋimba naye, ndikaɓatsirwa;

Saka mŋoyo waŋgu unofara kwaɀo,

Ndicamurumbidza norwiyo rwaŋgu.

8Jehova ndiye simba raʋo,

Ndiye nhare yokuponesa kumuzodziwa wake.

9Ponesai ʋanhu ʋenyu, muropafadze nhaka yenyu;

Muʋafudze ʋo, muʋatakure nokusiŋgaperi.