Mapisarema 118 - Original Shona Union Bible 1949 (Doke Orthography)（SUB1949）

Rwiyo rwokuʋoŋga pamutambo.

1Ʋoŋgai Jehova; nokuti wakanaka;

Nokuti ŋgoni dzake dzinogara nokusiŋgaperi.

2Israeri ɀino ŋgaʋati:

Ŋgoni dzake dzinogara nokusiŋgaperi.

3Imba yaAroni ɀino ŋgaiti:

Ŋgoni dzake dzinogara nokusiŋgaperi.

4Aʋo ʋanotya Jehova ɀino ŋgaʋati:

Ŋgoni dzake dzinogara nokusiŋgaperi.

5Ndakaɗanidzira kunaJehova pakutambudzika kwaŋgu:

Jehova akandipindura, akandiisa pakafarikana.

6Jehova uri kurutiʋi rwaŋgu; handiŋgatyi;

Munhu uŋgandiiteiko?

7Jehova uri kurutiʋi rwaŋgu pakati paʋanondiɓatsira;

Saka ndicaʋona kukundwa kwaʋanondiʋeŋga.

8Ɀiri nani kutizira kunaJehova

Pakuʋimba nomunhu.

9Ɀiri nani kutizira kunaJehova

Pakuʋimba namacinda.

10Ʋahedeni ʋose ʋakandikomba;

Ndicaʋaparadza nezita raJehova.

11Ʋakandikomba, ɀirokwaɀo, ʋakandikomba,

Ndicaʋaparadza nezita raJehova.

12Ʋakandikomba senyuci; ʋakadzimŋa somŋoto weminzwa;

Ndicaʋaparadza nezita raJehova.

13Kundisundidzira wakandisundidzira iwe kuti ndiwe;

Asi Jehova wakandiɓatsira.

14Jehova ndiye simba raŋgu norwiyo rwaŋgu;

Iye wakaʋa muponesi waŋgu.

15Inzwi rokufara nerokuponeswa riri mumatente aʋakarurama;

Ruʋoko rworudyi rwaJehova runokunda.

16Ruʋoko rworudyi rwaJehova rwakasimudzwa,

Ruʋoko rworudyi rwaJehova runokunda.

17Handiŋgafi, asi ndicararama,

Ndicaɗudzira maɓasa aJehova.

18Kundiraŋga Jehova wakandiraŋga;

Asi haana‐kundiisa pakufa.

19Ndizarurirei masuʋo okururama;

Ndicapinda nawo, ndiʋoŋge Jehova.

20Iri ndiro suʋo raJehova;

Ʋakarurama ʋacapinda naro.

21Ndicakuʋoŋgai, nokuti makandipindura,

Mukaʋa muponesi waŋgu.

22Ibge rakarashwa naʋaʋaki

Ndiro rakazoʋa musoro wekona.

23Ici cinhu cakabva kunaJehova;

Ɀinoshamisa kana ticiɀiʋona.

24Rino izuʋa rakaitwa naJehova;

Ŋgatifare kwaɀo tirifarire.

25 Tiponesei ɀino, Jehova — ndiɀo ɀatinonyeŋgetera;

Jehova, tipei mufarwa — ndiɀo ɀatinonyeŋgetera.

26Wakaropafadzwa iye unoʋuya nezita raJehova;

Takakuropafadzai tiri mumba maJehova.

27Jehova ndiye Mŋari, ndiye wakativenekera;

Suŋgirai ciɓayiro namaɓote ipo panyaŋga dzeartari pamene.

28Imi muri Mŋari waŋgu, ndicakuʋoŋgai;

Muri Mŋari waŋgu, ndicakukudzai.

29Ʋoŋgai Jehova; nokuti wakanaka;

Nokuti ŋgoni dzake dzinogara nokusiŋgaperi.