1Hareruya!
Rumbidzai Jehova, imi muri kuɗeŋga;
Murumbidzei panɀimbo dzokumsoro.
2Murumbidzei imi ʋatumŋa ʋake ʋose;
Murumbidzei imi hondo dzake dzose.
3Murumbidzei imi zuʋa nomŋedzi;
Murumbidzei imi nyeredzi dzose dzinovenekera.
4Murumbidzei imi kuɗeŋga kwokuɗeŋga‐ɗeŋga,
Newe mvura zhinji, iri kumsoro kwokuɗeŋga‐ɗeŋga.
5Ŋgaɀirumbidze zita raJehova;
Nokuti iye wakaraira, ɀikasikwa.
6Wakaɀisimbisa ʋo nokusiŋgaperi‐peri;
Wakatema cireʋo cisiŋgafaniri kuɗarikwa.
7Rumbidzai Jehova imi ʋapasi,
Imi ɀikara ɀeguŋgwa, neɀiri makadzika;
8Mŋoto necimvuramabge, cando noʋutsi;
Ƌutu guru, rinoita ɀaakareʋa;
9Makomo neɀikomo ɀose;
Miti inoɓereka, nemisidari yose;
10Mhuka, neɀipfuwo ɀose;
Ɀinokambaira neshiri dzinobururuka;
11Madzimambo apasi nendudzi dzose dzaʋanhu;
Macinda naʋatoŋgi ʋose ʋapasi;
12Majaya nemhandara;
Ʋatana naʋana;
13Ŋgaʋarumbidze zita raJehova;
Nokuti zita rake roga rakakurumbira;
Ʋumambo bgake ʋuri kumsoro kwapasi nokuɗeŋga.
14Wakasimudza runyaŋga rwaʋanhu ʋake,
Kuti arumbidzwe naʋatȿene ʋake ʋose;
Naiʋo ʋana ʋaIsraeri, iʋo ʋanhu ʋari pedyo naye.
Hareruya!
Who We AreWhat We EelieveWhat We Do
2025 by iamachristian.org,Inc All rights reserved.
