Mapisarema 76 - Original Shona Union Bible 1949 (Doke Orthography)（SUB1949）

Kumutuŋgamiriri wokuimba; nemiteŋgeranwa. Pisarema raAsafi. Rwiyo.

1Mŋari unozikanwa pakati paJuda;

Zita rake iguru pakati paIsraeri.

2PaSaremi ʋo ndipo panetabernakeri yake,

NapaZioni ʋugaro bgake.

3Ndipo paakavuna miseʋe yoʋuta;

Nenhoʋo, nomunondo, nokurwa.

4Imi munokubginya, makanaka kwaɀo,

Kupfuʋura makomo eɀakapambga.

5Ʋakatsuŋga pamŋoyo, ʋakapambga, ʋakaʋata hope dzaʋo;

Pakati paʋarume ʋanesimba hakuna‐wakawana maʋoko ake.

6Pakutuka kwenyu, Mŋari waJakobo,

Ŋgoro nebiza ɀose ɀinoɓatwa nehope dzorufu.

7Imi, iyemi, munofanira kutyiwa;

Ndianiko uŋgamira pamberi penyu kana matsamŋa?

8Makanzwisa ʋanhu kutoŋga kwenyu kucibva kuɗeŋga;

Pasi pakatya, pakanyarara,

9Paŋguʋa yokumuka kwaMŋari kuzotoŋga,

Kuti aponese ʋanyoro ʋose ʋapasi.

10Ɀirokwaɀo, kutsamŋa kwaʋanhu kucakurumbidzai;

Munoɀisuŋga ciʋuno nokutsamŋa kwakasara.

11Pikai, muripire Jehova Mŋari wenyu;

Ʋose ʋakamupoteredza ŋgaʋaʋuye neɀipo kunaiye unofanira kutyiwa;

12Iye ucagura mŋeya yamacinda;

Unotyisa kwaɀo madzimambo apasi.