Mapisarema 55 - Original Shona Union Bible 1949 (Doke Orthography)（SUB1949）

Davidi unocema pakutambudzika kwake kukuru, asi unoʋimba naJehova.Kumutuŋgamiriri wokuimba; nemiteŋgeranwa. Rwiyo rweMashiri rwaDavidi.

1Rerekerai nzeʋe yenyu kumunyeŋgetero wangu, Mŋari;

Regai kuɀiʋanza pakukumbira kwaŋgu.

2Nditererei, mundipindure;

Ndinoshaiwa zororo mukucema kwaŋgu, ndiciʋuʋura;

3Nokuɗa kwenzwi romuʋeŋgi,

Nokuɗa kwokumanikidza kwowakaipa;

Nokuti ʋanondipomera ɀakaipa,

Ʋanonditambudza nokutsamŋa kwaʋo.

4Mŋoyo waŋgu unorwadziwa kwaɀo mukati maŋgu;

Garudzo rorufu rakandiwira,

5Kutya nokubvunda ɀakandiwira.

Kutya kukuru kwakandifukidza.

6Ini ndikati: Haiwa, ɗayi ndaiʋa namapapiro senjiʋa!

Ndaibururuka, ndikandozorora.

7Tarirai, ndiŋgaɗayi ndaitizira kure,

Ndaindogara kurenje.

8Ndaikurumidza kundoʋanda,

Nditize mhepo inovuvuta neɗutu guru.

9Paradzai, Ishe, mukaŋganise marimi aʋo;

Nokuti ndakaʋona kumanikidza nokurwa muguta.

10Masikati noʋusiku ʋanoripoteredza pamaȿiŋgo aro;

Ɀakaipa ʋo neɀakashata ɀiri mukati maro.

11Kushata kuri pakati paro;

Kumanikidza nokunyeŋgera haɀibvi panzira dzaro.

12Nokuti wakaŋga asi muʋeŋgi wakandishoʋora;

Ipapo ndaigona kutsuŋga;

Wakaŋga asi iye waindiʋeŋga wakaɀikudza kwandiri;

Ipapo ndaimuʋanda.

13Asi wakaŋga uri’we, munhu wakaenzana neni,

Shamŋari yaŋgu, nomuzikani waŋgu.

14Taisiraŋgana ɀakanaka,

Taifamba mumba maMŋari pamŋe cete naʋanhu ʋazhinji.

15Rufu ŋgaruʋawire kamŋe‐kamŋe,

Ŋgaʋaɓurukire kuSheori ʋari ʋapenyu;

Nokuti kushata kuri paʋugaro bgaʋo, imo mukati maʋo.

16Kana ndiri’ni, ndicaɗana kunaMŋari;

Jehova ucandiponesa.

17Maɗekwana namaŋgwanani namasikati ndicacema ndiciʋuʋura;

Iye ucanzwa inzwi raŋgu.

18Wakadzikinura mŋeya waŋgu norugare, kukasaʋa nomumŋe wakasweɗera kwandiri;

Nokuti ʋakaŋga ʋacirwa neni, ʋaiʋa ʋazhinji.

19Mŋari ucanzwa, ucaʋapindura,

Iye uri’po kare nakare,

Nokuti haʋashanduki,

Haʋatyi Mŋari.

20Wakatambanudzira maʋoko ake kunaʋaiʋa norugare naye;

Wakashoʋora suŋgano yake.

21Mashoko omuromo wake akatedza samafuta,

Asi kurwa kwakaŋga kuri pamŋoyo pake;

Mashoko ake akaŋga ari manyoro kupfuʋura mafuta,

Kunyaŋge ɀakaɗaro yaiʋa minondo yakavomorwa.

22Kandira mutoro wako pamsoro paJehova, iye ucakusimbisa;

Haaŋgatoŋgotenderi wakarurama kuti azunuŋguswe.

23Asi imi Mŋari mucaʋaɓurusira kugomba rokuparadzwa;

Ʋanhu ʋanokarira ropa naʋanonyeŋgera haʋaŋgapedzi hafu yamazuʋa aʋo;

Asi ini ndicaʋimba nemi.