Mapisarema 83 - Original Shona Union Bible 1949 (Doke Orthography)（SUB1949）

Munyeŋgetero kuti Mŋari arwire ʋanhu ʋake.Rwiyo, Pisarema raAsafi.

1Haiwa Jehova, regai kuramba munyerere;

Regai kuramba musiŋgatauri, musanyarara Mŋari.

2Nokuti tarirai, ʋaʋeŋgi ʋenyu ʋanoita ɓope;

Ʋanokuʋeŋgai ʋakasimudza misoro yaʋo.

3Ʋanofuŋga mano kuti ʋanyeŋgere ʋanhu ʋenyu,

Ʋanoraŋgana pamsoro paʋakaʋanzwa nemi.

4Ʋakati: Ʋuyai, tiʋaparadze, ʋarege kuzoʋa rudzi;

Kuti zita raIsraeri rirege kuzoraŋgarirwa.

5Nokuti ʋakaraŋgana nomŋoyo mumŋe;

Ʋanoita suŋgano kuzorwa nemi.

6Matente aEdomi naʋaIshmaeri;

Moabi naʋaHagari;

7Gebari, naAmoni, naAmareki;

Firistia pamŋe cete naʋagere Tire;

8Asiria ʋo wakasaŋgana naʋo;

Ʋakaɓatsira ʋana ʋaRoti.

9Muʋaitire seɀamakaitira Midiani;

NaSisera, naJabini, paRwizi Kishoni;

10Iʋo ʋakaparadzwa paEndori;

Ʋakaʋa mupfudze wapasi.

11Itai ʋakuru ʋaʋo saOrebi naZeebi;

Ɀirokwaɀo, macinda aʋo ose saZeba naZarmuna;

12Iʋo ʋakati: Ŋgatiɀitorere

Ʋugaro bgaMŋari ʋuʋe bgeɗu.

13Mŋari waŋgu, muʋaite seguruʋa rinondeyeswa nemhepo;

Samakoto anodziŋgwa nemhepo.

14Somŋoto unopisa ɗondo,

Somuraɀo womŋoto unopisa makomo;

15Muʋateʋerere saiɀoɀo neɗutu renyu remhepo,

Muʋavunduse necampupuri cenyu.

16Fukidzai ɀiso ɀaʋo nokunyadziswa;

Kuti ʋatȿake zita renyu, Jehova.

17Ŋgaʋanyadziswe, ʋavunduswe nokusiŋgaperi;

Ɀirokwaɀo, ŋgaʋanyadziswe ʋafe;

18Ʋaziʋe kuti imi moga, imi munezita rinonzi Jehova,

Ndimi Wokumsoro‐soro kumsoro kwapasi pose.