Mapisarema 45 - Original Shona Union Bible 1949 (Doke Orthography)（SUB1949）

Rwiyo pamutambo waMambo Mukuru.Kumutuŋgamiriri wokuimba; nomuimbirwe weShoshanimi; Pisarema raʋanakomana ʋaKora. Rwiyo rweMashiri. Rwiyo rworuɗo.

1Mŋoyo waŋgu unotutuma namashoko akanaka;

Ndinotaura ɀinhu ɀandakaita ɀinoreʋa mambo;

Rurimi rwaŋgu ipeni yomunyori unokurumidza kunyora.

2Imi makanaka‐naka kupfuʋura ʋana ʋaʋanhu;

Nyasha yakaɗururirwa pamiromo yenyu;

Saka Mŋari wakakuropafadzai nokusiŋgaperi.

3Suŋgai munondo wenyu paciʋuno cenyu, imi wamasimba,

Ʋukuru bgenyu noʋumambo bgenyu.

4Fambai noʋumambo bgenyu mucikunda,

Nokuɗa kweɀokwaɗi noʋunyoro nokururama;

Ruʋoko rwenyu rworudyi ŋgarukudzidzisei ɀinotyisa.

5Miseʋe yenyu inopinza;

Ʋanhu ʋanokundwa nemi;

Inoɓaya pamŋoyo yaʋaʋeŋgi ʋamambo.

6Cigaro cenyu coʋushe, imi Mŋari, ciri’po nokusiŋgaperi‐peri;

Tȿimbo yoʋushe bgenyu itȿimbo yakarurama.

7Makaɗa kururama, mukaʋeŋga kusarurama;

Naiɀoɀo Mŋari, Mŋari wenyu, wakakuzodzai

Namafuta okufara kupfuʋura shamŋari dzenyu.

8Ŋguʋo dzenyu dzose dzinonhuwira nemura nearosi nekasia;

Maɗimbga akakufadzai aciridzwa mudzimba dzamambo dzenyaŋga dzenzou.

9Ʋakunda ʋamadzimambo ʋari pakati paʋanhukadzi ʋenyu ʋanokudzwa;

Paruʋoko rwenyu rworudyi ʋahosi ʋamire ʋakashoŋga ndarama yeOfiri.

10Terera mukunda, raŋgarira, urereke nzeʋe yako;

Kaŋganwa ʋo ʋanhu ʋako, neimba yaɓaɓa ʋako;

11Ipapo mambo ucaɗa kunaka kwako;

Nokuti ndiye Ishe wako; unamate kwaari iwe.

12Ʋuye mukunda weTiro ucaʋa’po necipo;

Ʋafumi pakati paʋanhu ʋacakumbira ŋgoni dzako.

13Mukunda wamambo wakanaka kwaɀo‐kwaɀo mukati meimba yamambo;

Ŋguʋo dzake dzakarukwa nendarama.

14Ucaperekwa kunamambo neŋguʋo dzakarukwa dzinamaʋara;

Mhandara, shamŋari dzake dzinomuteʋera,

Ʋacaiswa kwamuri.

15Ʋacaperekwa nomufaro nokufarisisa;

Ʋacapinda mumba mamambo.

16Panɀimbo yamadziɓaɓa ako ʋana ʋako ʋacaʋa’po,

Ʋaucaita macinda panyika yose.

17Ndicayeʋudzira zita renyu kuȿikira kumarudzi ose;

Naiɀoɀo ndudzi dzaʋanhu dzicakuʋoŋgai nokusiŋgaperi‐peri.