Mapisarema 7 - Original Shona Union Bible 1949 (Doke Orthography)（SUB1949）

Davidi unokumbira kuti Jehova amururamisire.Rwiyo rwaDavidi rwaakaimbira Jehova nokuɗa kwamashoko aKushi, muBenjamini.

1Jehova Mŋari waŋgu, ndinoʋimba nemi;

Ndiponesei kunaʋose ʋanonditeʋerera, mundirwirei;

2Kuti arege kubvambura mŋeya waŋgu seshumba,

Aubvamburanye, ndicishaiwa unondirwira.

3Jehova Mŋari waŋgu, kana ndiciŋge ndakaita iɀoɀi;

Kana ɀakaipa ɀiri’mo mumaʋoko aŋgu;

4Kana ndiciŋge ndakaitira ɀakaipa munhu waiʋa noʋukama neni;

(Iɀo, ndakarwira waiʋa mudziʋisi waŋgu ndisinemhoȿa;)

5Muʋeŋgi ŋgaateʋerere mŋeya waŋgu, auɓate;

Ŋgaatsikire ʋupenyu bgaŋgu pasi,

Aise kukudzwa kwaŋgu muguruʋa.

6Simukai Jehova, pakutsamŋa kwenyu,

Simukirai hasha dzaʋadziʋisi ʋaŋgu;

Mumuke nokuɗa kwaŋgu; ndimi makaraira kuti ɀakarurama ɀiitwe.

7Ʋuŋgano yendudzi dzaʋanhu ŋgaikupoteredzei;

Mudzokere kumsoro pamsoro paʋo.

8Jehova unotoŋga ndudzi dzaʋanhu;

Nditoŋgei Jehova sokururama kwaŋgu, ʋuye neɀokwaɗi iri mandiri.

9Haiwa, kuipa kwaʋakaipa ŋgakugume, asi simbisai wakarurama;

Nokuti Mŋari, wakarurama, unoidza mŋoyo netȿo.

10Nhoʋo yaŋgu iri kunaMŋari,

Iye unoponesa ʋanemŋoyo yakarurama.

11Mŋari mutoŋgi wakarurama,

Ɀirokwaɀo, ndiMŋari unoȿotwa zuʋa rimŋe nerimŋe.

12Kana munhu asiŋgatendeʋuki, iye ucarodza munondo wake;

Wakakuŋga ʋuta bgake, akaʋugadzira.

13Wakaɀigadzirira ʋo nhumbi dzokuʋuraya nadzo;

Unoɀiitira miseʋe inopisa.

14Tarira, unotambudzika pakuɓereka ɀakaipa;

Ɀirokwaɀo, wakaʋa nemimba yeɀakashata, akaɓereka nhema.

15Wakacera hunza, akaidzikisa,

Akawira mugomba raakacera iye.

16Ɀakashata ɀake ɀicadzokera pamusoro wake amene,

Ʋuye kumanikidza kwake kucaʋuya pamsoro peɗehenya rake.

17Ndicaʋoŋga Jehova nokuɗa kwokururama kwake;

Ndicaimbira zita raJehova Wokumsoro‐soro.