Mapisarema 57 - Original Shona Union Bible 1949 (Doke Orthography)（SUB1949）

Rugare rwomŋoyo pakati penjodzi.Kumutuŋgamiriri wokuimba; nomuimbirwe weAritasheti. Pisarema raDavidi, rwiyo rweMiktami; paŋguʋa yaakatiza Sauro paɓako.

1Ndinzwirei tsitsi, Mŋari, ndinzwirei tsitsi;

Nokuti mŋeya waŋgu unotizira kwamuri;

Ɀirokwaɀo, ndicatizira kumumvuri wamapapiro enyu,

Kuȿikira njodzi dzapfuʋura.

2Ndicaɗanidzira kunaMŋari Wokumsoro‐soro;

KunaMŋari unondiitira ɀose.

3Ucatuma muɓatsiri ari kuɗeŋga, andiponese,

Kana iye, unoʋaʋarira kundimedza, acindishoʋora;

Mŋari ucatuma tsitsi dzake neɀokwaɗi yake.

4Mŋeya waŋgu uri pakati peshumba;

Ndinoʋata pasi pakati paʋanopfuta somŋoto,

Iʋo ʋanakomana ʋaʋanhu, ʋanameno aneŋge mapfumo nemiseʋe,

Ʋuye rurimi rwaʋo munondo unopinza.

5Imi mukudzwe Mŋari, pamsoro pokuɗeŋga‐ɗeŋga;

Kurumbidzwa kwenyu ŋgakuʋe kumsoro kwapasi pose.

6Ʋakateyira tsoka dzaŋgu mumbure;

Mŋeya waŋgu wakakotamiswa;

Ʋakacera hunza pamberi paŋgu;

Ʋawira mukati mayo ʋamene.

7Mŋoyo waŋgu wakasimba, Mŋari, mŋoyo waŋgu wakasimba;

Ndicaimba, ɀirokwaɀo, ndicaimba nziyo dzokurumbidza.

8Muka iwe mŋoyo waŋgu, muka iwe muteŋgeranwa nembira;

Ini ndimene ndicamuka maŋgwanani.

9Ndicakuʋoŋgai, Ishe, pakati pendudzi dzaʋanhu;

Ndicakuimbirai nziyo dzokurumbidza pakati paʋahedeni.

10Nokuti ŋgoni dzenyu ihuru kuȿikira kuɗeŋga‐ɗeŋga,

Ɀokwaɗi yenyu inoȿikira kuɗeŋga rose.

11Imi mukudzwe Mŋari, kumsoro kwokuɗeŋga‐ɗeŋga;

Kurumbidzwa kwenyu ŋgakuʋe kumsoro kwapasi pose.