Mapisarema 69 - Original Shona Union Bible 1949 (Doke Orthography)（SUB1949）

Munyeŋgetero waDavidi pakutambudzika kukuru.Kumutuŋgamiriri wokuimba; nomuimbirwe weShoshanimi. Pisarema raDavidi.[ kukuʋanzirwai ]

1Ndiponesei, Mŋari,

Nokuti mvura zhinji yaȿikira pamŋeya waŋgu.

2Ndinonyura munhope yakadzika, pasina pokumira;

Ndaȿika pamvura zhinji yakadzika, pandinofukidzwa nenzizi.

3Ndaneta nokucema kwaŋgu; huro dzaŋgu dzawoma;

Meso aŋgu anoʋaʋa nokurindira Mŋari waŋgu.

4Ʋanondiʋeŋga ndisinemhoȿa ʋazhinji kupfuʋura vudzi romusoro waŋgu;

Aʋo ʋanoɗa kundiparadza ʋanesimba, kunyaŋge ʋacindiʋeŋga ndisinemhoȿa;

Ndakafanira kudzosera ɀandineŋge ndisina‐kutora.

5Mŋari munoziʋa ʋupenzi bgaŋgu;

Mhoȿa dzaŋgu hadzina‐kukuʋanzirwai.

6Ishe Mŋari wehondo, ʋanokurindirai ŋgaʋarege kunyadziswa nokuɗa kwaŋgu;

Mŋari waIsraeri, ʋanokutȿakai ŋgaʋarege kuɀidzwa nokuɗa kwaŋgu.

7Nokuti ndakatenda kushoʋorwa nokuɗa kwenyu;

Kunyadza kwakafukidza ciso caŋgu.

8Ndakaʋa mutorwa kuhama dzaŋgu,

Nomubvakure kuʋana ʋamai ʋaŋgu.

9Nokuti kushiŋgairira imba yenyu kwakandipedza;

Nokushoʋora, kwaʋanokushoʋorai, kwakawira pamsoro paŋgu.

10Paŋguʋa yokucema kwaŋgu nokutambudza mŋeya waŋgu ndiciɀinyima,

Ndakashoʋorwa nokuɗa kwaɀo.

11Paŋguʋa yandakafuka magumbu ndikaaita ŋguʋo dzaŋgu,

Ndakaʋa shumo pakati paʋo.

12Ʋanogara pasuʋo ʋanondireʋa;

Ndiri ciimbo caʋakaɓatwa neɗoro.

13Asi kana ndiri’ni, munyeŋgetero waŋgu uri kwamuri, Ishe, paŋguʋa yakafanira;

Mŋari, netsitsi dzenyu zhinji

Ndipindurei nokuponesa kwenyu kwakatendeka.

14Ndirwirei munhope, ndirege kunyura;

Ndirwirwe kunaʋanondiʋeŋga, napamvura zhinji yakadzika.

15Ƃoporodzi remvura rirege kundikunda,

Mvura yakadzika irege kundimedza;

Gomba rirege kuzarira muromo waro pamsoro paŋgu.

16Ndipindurei, Jehova; nokuti ʋunyoro bgenyu bgakanaka;

Riŋgirai kwandiri nokuɗa kwetsitsi dzenyu zhinji.

17Regai kuʋanzira muranda wenyu ciso cenyu;

Nokuti ndiri pakutambudzika; kurumidzai kundipindura.

18Sweɗerai kumŋeya waŋgu, muudzikinure;

Ndidzikinurei nokuɗa kwaʋaʋeŋgi ʋaŋgu.

19Munoziʋa kushoʋorwa kwaŋgu, nokunyadzwa kwaŋgu nokuɀidzwa kwaŋgu;

Ʋadziʋisi ʋaŋgu ʋose ʋari mberi kwaŋgu.

20Kushoʋora kwakaputsa mŋoyo waŋgu; ndaremerwa kwaɀo;

Ndakatȿaka ʋaŋgandinzwira nyasha, asi kwakaŋga kusinomunhu;

Ndakatȿaka ʋaʋaraidzi, asi handina‐kuwana nomumŋe.

21Ʋakandipa nduru ɀiʋe ɀokudya ɀaŋgu;

Pakunzwa nyota kwaŋgu ʋakandinwisa vinega.

22Tafura yaʋo ŋgaiʋe musuŋgo pamberi paʋo;

Neriʋa, kana ʋakagarika haʋo.

23Meso aʋo ŋgaapofomadzwe, ʋarege kuʋona,

Ɀiʋuno ɀaʋo ŋgaɀirambe ɀiciguɗa-guɗa.

24Ƌururai kutsamŋa kwenyu pamsoro paʋo,

Hasha dzenyu dzinopfuta, ŋgadziʋaɓate.

25Ʋugaro bgaʋo ŋgaʋuparadzwe;

Ŋgakurege kuʋa nomunhu unogara pamatente aʋo.

26Nokuti ʋanotambudza uyo wamakaroʋa;

Ʋanotaura ɀokurwadziwa kwaʋamakakuʋadza.

27Wedzerai ɀakaipa paɀakaipa ɀaʋo;

Ŋgaʋarege kupinda pakururama kwenyu.

28Ŋgaʋadzimŋe parugwaro rwoʋupenyu,

Ʋarege kunyorwa pamŋe cete naʋakarurama.

29Asi ini ndiri murombo, ndinorwadziwa;

Kuponesa kwenyu, Mŋari, ŋgakundiise pakakwirira.

30Ndicarumbidza zita raMŋari norwiyo,

Ndicamukudza nokuʋoŋga.

31Iɀo ɀicafadza Jehova kupfuʋura nzombe,

Kana hando inenyaŋga namahwanda.

32Ʋanyoro ʋakaɀiʋona ʋakafara;

Imi munotȿaka Mŋari, mŋoyo yenyu ŋgairarame.

33Nokuti Jehova unonzwa ʋashaiwi,

Haashoʋori ʋasuŋgwa ʋake.

34Kuɗeŋga napasi ŋgaɀimurumbidze,

Makuŋgwa, neɀose ɀinopfakanyika’mo.

35Nokuti Mŋari ucaponesa Zioni, nokuʋaka maguta aJuda;

Ʋacagara’mo, iʋe nhaka yaʋo.

36Icaʋa nhaka yaʋana ʋaʋaranda ʋake;

Ʋanoɗa zita rake ʋacagara’mo.