APOCALIPSIS 7 - Ilokano Form-Based Bible: Ti Biblia (1973)

Ti bilang dagiti naselloan.

1Ket calpasan daytoy, nacakitaac cadagiti uppat nga angel nga agtatacder cadagiti uppat a suli ti daga, Dan. 7:2.a laplappedanda dagiti uppat nga angin ditoy daga, tapno awan ti angin nga agpuyupoy iti rabaw ti daga, wenno iti rabaw ti baybay wenno iti aniaman a cayo.

2Ket nakitac ti sabali nga angel nga umuli manipud iti leleggacan ti init, nga adda kencuana ti sello Sal. 42:2.ti Dios a sibibiag; ket pinuccawanna iti dackel a timec dagiti uppat nga angel a naiccan ti pannacabalin a mangranggas iti daga ken iti baybay.

3A cunana: Apoc. 6:6; 9:4.Dicay ranggasan ti daga ken castamet ti baybay wenno dagiti caycayo, agingga iti dicam maselloan dagiti adipen ti Diostayo cadagiti mugmuginda.

4Ket nangngegco ti bilang Apoc. 9:16.dagidi namarcaan, Apoc. 14:1.sangagasut uppat a pulo ket uppat a ribo dagiti naselloan cadagiti isu-amin a capututan dagiti annac ti Israel:

5Iti capututan ni Juda naselloan dagiti sangapulo ket dua a ribo; iti capututan ni Ruben, sangapulo ket dua a ribo; iti capututan ni Gad, sangapulo ket dua a ribo;

6Iti capututan ni Aser, sangapulo ket dua a ribo; iti capututan ni Neftali, sangapulo ket dua a ribo; iti capututan ni Manases, sangapulo ket dua a ribo;

7Iti capututan ni Simeon, sangapulo ket dua a ribo; iti capututan ni Levi, sangapulo ket dua a ribo; iti capututan ni Isacar, sangapulo ket dua a ribo;

8Iti capututan ni Zabulon, sangapulo ket dua a ribo; iti capututan ni Jose, sangapulo ket dua a ribo; iti capututan ni Benjamin naselloan dagiti sangapulo ket dua a ribo.

Ti dackel a caadu.

9Calpasan dagitoy, kimmitaac, ket adtoy, ti umariwecwec, nga awan ti nacabalin a bumilang, Apoc. 5:9.a naggapuda cadagiti isu-amin a pagarian ken tribu ken il-ili ken pagsasao, nga agtatacderda iti sangoanan di trono ken iti sangoanan daydi Cordero, a Apoc. 3:4.nagcawesda cadagiti pagananay a puraw, ket adda Lev. 23:40.palpalma cadagiti im-imada;

10Ket agpucpuccawda iti dackel a timec, a cuncunada: Apoc. 19:1.Ti pannacaisalacan nagtaud iti Diostayo, Apoc. 5:13.nga agtutugaw iti trono, ken iti Cordero.

11Ket isu-amin dagidi angel addada nga sitatacder iti aglicmut daydi trono ken dagidi lallacay ken dagidi uppat a parsua a sibibiag; ket inrucnoyda dagiti rupada agingga iti baba, iti sangoanan daydi trono, ket nagdaydayawda iti Dios,

12A cuncunada: Apoc. 5:12, 14.Amen: Bendicion ken dayag, ken sirib, ken panagyaman, ken dayaw, ken bileg, ken pannacabalin, ti maadda coma iti Diostayo iti agnanayon: Amen.

13Ket simmungbat daydi maysa cadagiti lallacay, a cuncunana caniac: Dagitoy a nagcawes cadagiti pagan-anay a puraw, siasinoda, ket sadino ti naggapuanda?

14Ket kinunac kencuana: Apoc, sica ammom. Ket isu kinunana caniac: Dagitoy isuda dagiti naggapu iti dackel a rigat, ket Isa. 1:18. Zac. 3:3, 5. Heb. 9:14. 1 Juan 1:7. Apoc. 1:5.binuggoanda dagiti pagananayda, ket pinapudawda ida iti dara ti Cordero.

15Gapu itoy addada iti sangoanan ti trono ti Dios, ket agserservida kencuana iti aldaw ken rabii iti templona: ket daydiay nagtugaw iti trono Apoc. 21:3.isalucubnanto ti tabernaculona cadacuada.

16Didanto agbisinen Isa. 49:10.wenno mawawen; ket didanto met mainitanen wenno aniaman a pudot:

17Ta ti Cordero nga adda iti tengnga, ti trono, Sal. 23:1. Juan 10:11, 14.ipastorannanto ida, ket iturongnanto ida cadagiti ubbog ti danum ti biag ket Isa. 25:8. Apoc. 21:4.punasento ti Dios ti amin a lulua cadagiti matada.