DAGITI PROVERBIO 23 - Ilokano Form-Based Bible: Ti Biblia (1973)

Nadumaduma nga al-alagaden ken pangpaannad.

1No tumugawca a makipangan iti agturay, pampanunotem a siaanep ti adda iti sangom;

2Ket iccam iti maysa nga immoco ta carabucobmo, no maysaca a tao a mannangan.

3Dica aggartem cadagiti naimas a canenna; ta taraon ida a mangallilaw.

4 Prov. 15:27; 28:20. Mat. 6:19. 1 Tim. 6:9, 10. Heb. 13:5. Dica maringgoran a bumacnang; agtalnaca gapu ita kinasiribmo met laeng.

5Itaengmonto aya dagiti matam iti daydiay awan? Ta dagiti kinabacnang pudno nga agcayabcabda, cas iti aguila a tumayab nga agpalangit.

6 Sal. 141:4. Dica mangan iti Deut. 15:9.tinapay ti nadangkes ti matana, dica met garteman dagiti naimas a canenna:

7Ta cas iti panpanunotenna iti unegna, isu casta met: manganca ken uminumca, Sal. 12:2.cunana kenca; ngem ti pusona awan kenca.

8Ti sangcasacmol a kinnanmo Prov. 25:16.isaruamto, Prov. 9:8. Mat. 7:6.ket mapucawmonto dagiti nasam-it a sasaom.

9Dica agsao iti pagdengngeg ti maag; ta uyawennanto ti kinasirib dagiti sasaom.

10 Prov. 22:28. Dica iyalis ti cadaanan a dolon; dica met lumas-ud cadagiti dagdaga dagiti ululila:

11 Prov. 22:23. Job 31:21, 22. Ta ti Manubbot cadacuada napigsa, isu salacnibannanto ti calinteganda a maibusor kenca.

12Ipaaymo ta pusom iti sursuro, ken dagiti lapayagmo cadagiti sao ti pannacaammo.

13 Prov. 13:24. Dica igawid ti panangpatigmaan iti ubing; ta no baotem, saanto a matay.

14Baotemto, ket 1 Cor. 5:5.maispalmonto ti cararuana iti patay.

15Anacco, no ta pusom masirib, uray siac, toy pusoc maragsacanto met:

16Wen, ti pusoc agrag-onto, no dagiti bibigmo agsaoda cadagiti nalinteg a banbanag.

17 Sal. 37:1; 73:3. Prov. 3:31; 24:1. Ta pusom di coma umapal cadagiti managbasol; ngem adda coma laeng iti panagbuteng ken ni Jehova iti agmalmalem;

18 Prov. 24:14. Luc. 16:25. Ta di bumurong nga addanto gunguna; ket ti inanamam saanto a matungday.

19Dumngegca, anacco, ket agsiribca, ken Prov. 4:23.iturongmo ta pusom iti dalan.

20 Isa. 5:11, 22. Mat. 24:49. Luc. 21:34. Rom. 13:13. Dica makitipon cadagiti mangnginum iti arac; cadagiti narawet nga agsida iti lasag:

21Ta ti mammartec ken nabuclis pumanglawdanto; ket ti saguyepyep cawesannanto ti tao iti rutayrutay.

22 Prov. 30:17. Ipangagmo ni amam a nagputot kenca, ken dica lalaisen ni inam intono bumaket.

23 Prov. 4:5, 7. Mat. 13:14. Gatangem ti pudno, ken dica lacoen; wen, kinasirib, sursuro, ken pannacaawat.

24Ti ama ti nalinteg Prov. 10:1.agragrag-onto unay; ket ti nagputot iti masirib nga ubing maragsacanto kencuana.

25Maragsacan coma da amam ken inam, Prov. 17:25.ket agrag-o coma ti nangipasngay kenca.

26Anacco, itdem caniac ta pusom; ket dagiti matam pagayatanda coma dagiti daldalanco.

27 Prov. 22:14. Ta ti balangcantis paayas a mangliwengliweng, ket ti babai a gangannaet dariwangwang a nailet.

28Wen, isu agsaneb a cas tulisan, ket paaduenna dagiti nagulib cadagiti tattao.

29 Isa. 5:11, 22. Siasino ti addaan ay-ayen? siasino ti addaan ladingit? siasino ti addaan ringringgor? Siasino ti addaan asug? siasino ti addaan sugat nga awan gapgapuna? Siasino ti addaan labbasit dagiti matana?

30 Prov. 20:1. Efe. 5:8. Dagiti agtalinaed a napaut iti arac; dagiti Sal. 75:8. Prov. 9:2.mangbirbiruc iti naggampor nga arac.

31Dica mingmingan ti arac no nalabaga, no cumilapkilap iti uneg ti copa. No agpababa a silalamuyot:

32Panungpalanna cumagat a casla uleg, ket sumippit a cas carasaem.

33Dagiti matam maimatangandanto dagiti datdatlag a kita, ket ta pusom agyebcasto cadagiti naulpit a banbanag.

34Wen, cascanto laeng itay agidda iti tengnga ti taaw, wenno cas itay agidda iti mordong ti palo ti sasacayan.

35Kinabildac, Jer. 5:3.cunaemto, ket saanac a nadunor; binabaotdac, ket diac naricna: caanonto ti panagriingco? Deut. 29:19. Isa. 56:12.Birukecto pay manen.