1Ispalennac, O Jehova, iti dakes a tao; saluadannac iti nauyong a tao:
2Dagiti agpanagem cadagiti ranggas iti pusoda; Sal. 56:6.cancanayon nga agtitiponda a makigubat.
3Pinatiradda ti dilada a cas iti uleg; Sal. 58:4.ti gita ti carasaen adda iti las-ud dagiti bibigda. (Selah)
4 Sal. 71:4. Aluadannac, O Jehova, cadagiti im-ima dagiti nadangkes; saluadannac iti nauyong a tao: isuda a nangisicat a mangiligasi cadagiti ad-addangco.
5 Sal. 35:7; 141:9; 142:3. Jer. 18:10. Dagiti natangsit nangipacatda iti pangsilo caniac, ken banbanteng; nangibistrada iti bateng iti igid ti dalan; incabilandac cadagiti paratignay. (Selah)
6Kinunac ken Jehova, Sica ti Diosco: allingagem ti timec dagiti ar-ararawco, O Jehova.
7O Jehova nga Apo, ti bileg ti pannacaisalacanco, sica inabbongam toy uloc idi aldaw ti bacal.
8Dica cadi itden, O Jehova, dagiti tarigagay ti nadangkes: nangnangrona pay a saan iti dakes ti panagemna, di la ket ta Deut. 32:27.agpalangguadda. (Selah)
9No maipanggep iti ulo dagiti manglacub caniac, ti Sal. 7:16. Prov. 12:13; 18:7.ranggas dagiti bibbigda met laeng isu cadi ti mangtaccab cadacuada.
10 Sal. 11:6. Agdisso coma cadacuada dagiti bumarbara a begbeggang: maitappuacda cadi iti apuy, cadagiti nauneg nga ab-abut, a didanto lung-awanen.
11Ti mannanao ti dakes dinto agtalinaed ditoy daga: ti dakes anupennanto ti nauyong a tao tapno daddaelenna.
12Ammoc a ni Jehova 1 Ar. 8:45. Sal. 9:4.igagananto ti calintegan dagiti maparparigatan, ken ti kinajusticia cadagiti macasapul.
13Kinapudnona a ti sililinteg agyamanto ita naganmo: ti nalinteg agnaedto dita saclangmo.
Who We AreWhat We EelieveWhat We Do
2025 by iamachristian.org,Inc All rights reserved.
