1Ti sao a dimteng ken Jeremias a naggapu ken Jehova idi Jer. 39:14.a ni Nabuzaradan a capitan ti guardia isu napalubusannan a pumanaw iti Rama idinto nga innalana a sicacawar iti nagtengngaan dagiti amin a nacayawan iti Jerusalem ken Juda, a naipanda a nacayawan idiay Babilonia.
2Ket ti capitan ti guardia innalana ni Jeremias, ket Jer. 50:7. Deut. 29:24, 25.kinunana kencuana, Ni Jehova a Diosmo binalicasna daytoy a dakes a maicaniwas itoy a disso.
3Ket ni Jehova inyegna, ket inaramidna a cas ti panagsaona idi: agsipud ta nagbasolcayo a maicaniwas ken Jehova, ket saancayo a nagtulnog iti timecna, gapuna a daytoy immapay cadacayo.
4Ket ita, adtoy, siac palubusanca itoy nga aldaw cadagiti cawar nga adda iti imam. No ipapanmo a nasayaat iti icucuyogmo caniac agingga idiay Babilonia, umayca, ket siac taripatoencanto a naimbag; ngem no pagarupem a dakes ti icucuyogmo caniac agingga sadi Babilonia, dica aramiden: adtoy, ti amin a daga adda iti sangom; iti sadinoman a pagarupem a naimbag ken maiparbeng a papanam, inca sadiay.
5Ket idi isu saan pay a nagsubli, Agsublica ngarud, kinunana, ken Jer. 39:14.Gedalias nga anac ni Ahicam, nga anac ni Safan, 2 Ar. 25:22.isu a ti ari ti Babilonia insaadna a gobernador cadagiti il-ili ti Juda, ket makipagnaedca kencuana iti tengnga dagiti tattao; wenno mapanca iti uray sadinoman a pagarupem a maiparbeng a papanam. Iti casta ti capitan ti guardia intedna kencuana ti taraon ken maysa a 2 Sam. 11:8.sagut, ket isu pinalubosannan.
6Idin napan ni Jeremias ken Gedalias nga anac ni Ahicam sadi Jer. 41:6.Mizpa, ket nakipagnaed kencuana iti tengnga dagiti tattao a nabati iti daga.
7 Aginga bil. 9. 2 Ar. 25:23, 24. Ket idi dagiti amin a cacapitan dagiti buybuyot nga adda iti away, isuda met laeng ken dagiti lallakida, nangngegda a ti ari ti Babilonia insaadna ni Gedalias nga anac ni Ahicam a gobernador iti daga, ket incumitna idi kencuana dagiti lallaki, ken babbai, ken ubbing, ken dagiti capanglawan iti daga, isuda a saan a naipan idi a nacayawan sadi Babilonia;
8Idin immayda ken Gedalias sadi Mizpa, da Jer. 41:1-3; 6:16, 18.Ismael nga anac ni Netanias, ken Jer. 41:11; 13:16.Johanan ken Jonatan nga annac ni Carea, ken Saraya nga anac ni Tanhumet, ken dagiti annac ni Efai a Netofatita, ken Jezanias nga anac ti Maacatita, isuda ken dagiti lallakida.
9Ket ni Gedalias nga anac ni Ahicam nga anac ni Safan nagsapata cadacuada ken cadagiti lallakida, a kinunana, Saancayo coma a mabuteng nga agservi cadagiti Caldeos: agnaedcayo iti daga, ket agservicayo iti ari ti Babilonia, ket naimbagto cadacayo.
10No maipapan caniac, adtoy, agnaedacto iti Mizpa, tapno sumango cadagiti Caldeos nga umayto cadatayo: ngem dacayo urnongenyo ti arac ken bungbunga iti pannawen ti pudot ken lana, ket icabilyo ida cadagiti alicamenyo, ket agnaedcayo cadagiti il-iliyo nga innalayon.
11Casta met dagiti Judios nga adda idi sadi Moab, ken cadagiti annac ti Ammon, ken sadi Edom, ken cadagiti amin a dagdaga, nangngegda a ti ari ti Babilonia imbatina idi ti natda ti Juda, ket isu insaadna iti ngatoenda ni Gedalias nga anac ni Ahicam nga anac ni Safan;
12 Jer. 43:5. Idin dagiti amin a Judios nagsublida a naggapu cadagiti amin a disso a nacaibellenganda idi, ket napanda iti daga a Juda ken Gedalias sadi Mizpa, ket inurnongda ti arac ken bungbunga a nawadwad unay iti pannawen ti pudot.
13Castamet ni Johanan nga anac ni Carea, ken bil. 7.amin a cacapitan dagiti buybuyot nga adda idi iti away napanda ken Gedalias sadi Mizpa.
14Ket kinunada kencuana, Dica ammo aya a ni Jer. 41:10.Baalis nga ari dagiti annac ti Ammon imbaonnan ni bil. 8.Ismael nga anac ni Netanias tapno alaenna ta biagmo? Ngem ni Gedalias nga anac ni Ahicam saanna idi a pinati.
15Iti casta ni Johanan nga anac ni Carea nagsao ken Gedalias sadi Mizpa a sililimed, a kinunana, Dawatec kenca, a palubosannac, ket innacto papatayen ni Ismael nga anac ni Netanias, ket awanto ti tao a macaammo: ania ti gapuna nga alaenna coma ta biagmo, tapno dagiti amin a Judios a nagurnong kenca mawarawarada coma, ken ti matda ti Juda mapucaw?
16Ngem ni Gedalias nga anac ni Ahicam kinunana ken Johanan nga anac ni Carea, Dicanto aramiden daytoy a panggep; ta ulbod ti sasawem a maipapan ken Ismael.
Who We AreWhat We EelieveWhat We Do
2025 by iamachristian.org,Inc All rights reserved.
