DAGITI SALMO 109 - Ilokano Form-Based Bible: Ti Biblia (1973)

Awagan ti Pammales cadagiti Cabcabusor. Ken pangolo a Musico. Salmo ni David.

1Dica agtalna, Sal. 28:1.O Dios a pagdaydayawac.

2Ta ti ngiwat ti nadangkes ken ti ngiwat ti kinaulbod inngangada caniac: nagsaoda caniac a siuulbod ti dilada.

3Inalicubcubdac met cadagiti sasao ti gura, ket nakibacalda caniac nga Sal. 35:7, 19. Juan 15:25.awan gapgapuna.

4Gapu iti ayatco isu ti pakicabusoranda caniac: ngem cumararagac.

5Ket insupapacda caniac ti dakes gapu iti imbag, ken gura gapu iti ayatco.

6 Aginga bil. 15. Sal. 35:4-8; 69:22, 28. Mangicabilca iti dakes a tao nga agimaton kencuana; ken tumacder coma iti maysa a Zac. 3:1.mangrupir idiay macanawan nga imana.

7 Sal. 1:5. Intono maocom, rumsua coma a nacabasol; ket ti Prov. 28:9.cararagna agbalin coma a basol.

8 D. Ara. 1:20. Bumassit coma dagiti al-aldawna; ket alaen coma ti sabali ti saadna.

9 Ex. 22:24. Maulila coma dagiti annacna, ken mabalo ti asawana.

10 Sal. 59:15. Agallaalla coma dagiti annacna, ken makilimlimosda; ket agsapsapulda coma iti taraonda cadagiti langlangalang a yanda.

11Ti managagum cuycuyenna coma amin nga adda kencuana; ket dagiti Isa. 5:17.gangannaet samsamenda coma ti pagbannoganna.

12Awan cadi uray maysa a mangigay-at iti ayat kencuana; awan met coma ti siasino man a mangngaasi cadagiti ulila nga annacna.

13Magudas coma ti Sal. 21:10.inaudina; iti sumaganad a caputotan mapunas coma ti naganda.

14 Ex. 20:5. Ti kinadakes dagiti dadackelna maipalpalagip coma ken Jehova; ket ti basol ti inana di coma mapunas.

15Addada coma a cancanayon iti saclan ni Jehova, tapno Sal. 34:16.gudasenna ti pacalaglagipan cadacuada ditoy daga;

16Gapu ta dina linagip nga imparangarang ti ayat, intuggudna ketdi ti Sal. 86:1.napanglaw ken nanumo a tao, ken ti nadanar ti pusona, tapno patayenna ida.

17 Ex. 35:6. Wen, nagayatanna ti panagilunod, ket isu ti dimteng kencuana; ket dina nagrayoan ti pammarabur, ket isu ti nayadayo kencuana.

18 Sal. 73:6. Incawesna met iti bagina met laeng ti panagilunod a cas pannacapagan-anayna, ket simrec a cas danum cadagiti caungan a bagina, ken cas lana cadagiti tultulangna.

19Isu coma kencuana ti cas cagay nga icapetna, ken pannacabarikes a pagbarikesna a cancanayon.

20Daytoy ti gunguna dagiti casupadic gapu ken Jehova, ken cadagidiay nga agsao iti dakes a maicaniwas itoy cararwac.

21Ngem bumiangca cadi caniac, O Jehova, nga Apo, a maigapu Sal. 25:11.ita naganmo: Sal. 69:16.yantangay naimbag ti kinamanagayatmo, ispalennac cadi;

22Ta napanglawac ken nanumoac, ket toy pusoc nadanar itoy unegco.

23Maawanacon Job 14:2. Sal. 102:11.a cas ti aniniwan no agpucaw; maisaysayagac a casla dudon.

24Dagiti Heb. 12:12.tumtumengco aglucaylucaydan gapu iti panagayayuno; ket ti lasagco awananen iti taba.

25Agbalinac met a Sal. 22:6, 7.nacababain cadacuada: no makitadac, Mat. 27:39.iwingiwingda ti uloda.

26 Sal. 119:86. Tulongannac, O Jehova a Diosco; O isalacannac cas mayalubog ita kinamanagayatmo:

27Tapno maammoanda a daytoy ti imam; a sica, Jehova, ti nangaramid.

28Ala agilunodda laeng, ngem sica mangbendicionca: no bumangonda, maibabaindanto, ngem toy adipenmo Isa. 65:14.agragrag-onto.

29 Sal. 71:13. Macawesan coma dagiti casupadic iti pannacaibabain, ket macumotanda coma iti panagbainda met laeng a casla cagayda.

30Agyamanacto iti dackel ken Jehova babaen itoy ngiwatco; wen, Sal. 22:25.idaydayawconto iti tengnga ti dackel a gimong:

31Ta Sal. 16:8.isu agtacderto iti macanawam nga ima ti nanumo, tapno isalacanna cadagiti mangocom iti cararwana.