LEVITICO 9 - Ilokano Form-Based Bible: Ti Biblia (1973)

Ni Aaron idatonna dagiti sacrificio.

1Ket Eze. 43:27.naaramid iti maicawalo nga aldaw nga ni Moises inayabanna ni Aaron ken dagiti annacna a lallaki, ken dagiti lallacay ti Israel;

2Ket kinunana ken Aaron, Ex. 29:1. Lev. 4:3; 8:14.Alaem ti maysa nga urbon cadagiti vacvaca a maipaay a daton gapu iti basol, ken ti maysa a Lev. 8:18.carnero a lalaki a maipaay a daton a mapuuran, nga awan pacapilawanda, ket idatonmo ida iti saclang ni Jehova.

3Ket ibagamto cadagiti annac ti Israel ket cunam, Lev. 4:23. Esd. 5:17.Mangalacayo iti maysa a calding a lalaki a daton gapu iti basol; ken maysa nga urbon a vaca ken maysa a cordero nga awan pacapilawanda, a saggaysa ti tawenda nga agservi a daton a mapuuran;

4 Lev. 3:1, 12. Ken maysa a vaca a lalaki ken maysa a carnero a lalaki a datdaton iti cappia nga irucbab iti sango ni Jehova; Lev. 2:4.ken maysa a daton a macan a nalaocan iti lana: bil. 6, 23. Ex. 29:43.ta ita nga aldaw ni Jehova agparang cadacayo.

5Ket inyegda ti imbilin ni Moises iti sango ti tolda ti gimong: ket amin ti gimong immadanida ket nagtacderda iti saclang ni Jehova.

6Ket ni Moises kinunana, Daytoy ti imbilin ni Jehova a rebbengyo nga aramiden: ket ti dayag ni Jehova agparangto cadacayo.

7Ket ni Moises kinunana ken Aaron, Umasidegca iti altar, Lev. 4:3. Heb. 5:3; 7:27; 9:7.ket ipaaymo ti datonmo gapu iti basol, ken ti datonmo a mapuuran, ket aramidem a pacaabbongam met laeng, ken iti ili; Lev. 4:16, 20. Heb. 5:1.ket irucbabmo ti daton ti ili, ket aramidem a pacaabbonganda: cas imbilin ni Jehova.

8Idin ni Aaron immasideg iti altar, ket pinatayna ti urbon a vaca a daton gapu iti basol, isu maipaay kencuana met laeng.

9 Lev. 8:15. Ket dagiti annac a lallaki ni Aaron indatagda ti dara kencuana, Lev. 4:7.ket isu insawsawna ti ramayna iti dara, sana incabil cadagiti sarsara ti altar, ket imbuyatna ti dara iti poon ti altar;

10 Lev. 8:16. Ngem ti taba, ken dagiti beckel, ken ti culapot ti dalem ti daton gapu iti basol pinuuranna iti rabaw ti altar; cas imbilin ni Jehova ken Moises.

11 Lev. 4:11; 8:17. Ket ti lasag ken ti lalat pinuuranna iti apuy iti ruar ti pacarso.

12Ket pinatayna ti daton a mapuuran; ket dagiti annac a lallaki ni Aaron inyawatda kencuana ti dara Lev. 1:5; 8:19.ket isu inwarsina iti lawlaw ti rabaw ti altar.

13 Lev. 8:20. Ket isuda inyawatda kencuana ti daton a mapuuran a marangrangcay, ken ti olo: ket pinuuranna ida iti altar.

14Ket binuggoanna dagiti lalaem ken dagiti sacsaca, sana pinuuran ida iti ngatoen ti daton a mapuuran iti rabaw ti altar.

15 bil. 3, 7. Heb. 2:17; 5:2. Ket indatagna ti daton ti ili, ket innalana ti calding ti daton gapu iti basol a maipaay iti ili sana pinatay, ket indatonna gapu iti basol, cas iti immuna.

16Ket indatagna ti daton a mapuuran, ket Lev. 1:3, 10.indatonna cas mayannurot iti linteg.

17 bil. 4. Lev. 2:1, 2. Ket indatagna ti daton a macan ket nangrakem itoy ket pinuuranna iti rabaw ti altar, Ex. 29:38, 39.a nayon ti daton a mapuuran ti bigat.

18Pinatayna met ti vaca a lalaki ken ti carnero a lalaki, isuda a sacrificio dagiti datdaton iti cappia, a naipaay iti ili: ket dagiti annac a lallaki ni Aaron Lev. 3:1, 12, 16.inyawatda kencuana a dara nga inwarsina iti lawlaw ti rabaw ti altar.

19Ket ti taba ti vaca ken ti carnero, ti nalucmeg nga ipus, ken ti mamungon cadagiti lalaem, ken dagiti beckel, ken ti culapot ti dalem:

20Ket incabilda ti taba iti rabaw dagiti barucong, ket pinuuranna ti taba iti rabaw ti altar:

21Ket ni Aaron inlilina dagiti barbarucong ken ti macanawan a luppo, Ex. 29:24, 26. Lev. 7:30, 34.daton a maitayag iti sango ni Jehova; cas imbilin ni Jehova.

22Ket ni Aaron intayagna dagiti imana nga insango iti ili, Num. 6:23-27. Deut. 21:5. Luc. 24:50.ket binendicionanna ida; ket immulog iti nangidatonanna iti daton gapu iti basol, ken iti daton a mapuuran, ken cadagiti datdaton iti cappia.

23Ket da Moises ken Aaron simrecda iti tolda ti gimong, ket sada rimmuar, ket binendicionanda ti ili: ket ti dayag ni Jehova bil. 4, 6. Num. 14:10.nagparang cadagiti amin a tattao.

24 1 Ar. 18:38. 2 Cron. 7:1. Ket ti apuy rimmuar iti sango ni Jehova, ket pinuuranna iti rabaw ti altar ti daton a mapuuran ken ti taba: ket idi nakita amin dagiti tattao, 1 Ar. 18:38. 2 Cron. 7:3. Esd. 3:11.nagdir-ida, ket nagpaclebda.