1Ket ni Jehova kinunana ken Moises, Ex. 32:16, 19. Deut. 10:1.Mangdalumpinasca cadagiti dua a tapi a bato a cas cadagiti immuna: ket isuratconto cadagiti taptapi a bato dagiti sasao a nailugan cadagiti immuna a taptapi a binoongmo.
2Ket agsaganaca agingga iti bigat, ket iti bigat sumang-atca iti bantay Sinai, ket dumatagca caniac idiay iti Ex. 19:20.pantoc ti bantay.
3Ket Ex. 19:12, 13, 21.awanto ti maicuyog kenca nga sumang-at; wenno awan met makita a tao iti sacup ti bantay; wenno awan met agarab a pangen dagiti an-animal a babassit uray dadackel iti sango daydiay a bantay.
4Ket ni Moises dinalumpinasna dagiti dua a taptapi a bato a capada dagiti immuna; ket ni Moises bimmangon a nasapa iti bigat, ket simmang-at iti bantay Sinai, cas imbilin ni Jehova kencuana, ket iniggamanna dagiti dua a taptapi a bato.
5Ket ni Jehova bimmaba iti maysa nga ulep, ket nakitacder kencuana sadiay, ket Ex. 33:19.imbunannagna ti nagan ni Jehova.
6Ket ni Jehova limmasat iti sangoanan ni Moises ket imbunannagna, Num. 14:18. Sal. 86:15; 103:8.Jehova, Jehova, Dios a manangngaasi ken managparabur, nainayad nga agpungtot, ken aglaplapusanan iti kinaimbag a siaayat ken kinapudno;
7 Ex. 20:6. Deut. 5:10. Juan 1:9. Manalimetmet iti caasi a siaayat a maipaay cadagiti rinibribu, mamacawan iti kinadakes ken salungasing ken basol; Ex. 23:7, 21. Jos. 24:19.ket iti uray caano dina canunungan ti nacabasol, ipasarungcarna iti kinadakes dagiti amma cadagiti annac, ken cadagiti annac dagiti annac, agpapan maicatlo ken cadagiti maicapat a caputotan.
8Ket ni Moises dinagdagusna nga Ex. 4:31.inrucnoy ti olona iti daga, ket nagdaydayaw.
9Ket kinunana, No ita natumpungacon ti parabur iti imatangmo, O Apo, dawatec kenca, magna coma ti Apo iti baetmi; ta isu ili a natangken ti panagtelteltelna; ket pacawanem ti kinadakesmi ken ti basolmi, ket Ex. 33:15, 16.alaennacami a tawidmo.
10Ket ni Jehova kinunana, Adtoy, Siac buangayec ti maysa a tulag: iti sangoanan dagiti amin a cailiam Sal. 77:14; 78:12.aramidecto dagiti datdatlag, a dida pay naaramid iti amin a lubong, wenno iti uray ania nga nacion; ket amin dagiti tattao, a ti tengngada isu ti yanmo, macakitadanto ti aramid ni Jehova; Deut. 10:21. Sal. 145:6.ta nacakigkigtot ti aramidec iti pannacaaramatmo.
11Tungpalem ti ibilinco kenca itoy nga aldaw: adtoy ta papanawec iti sangoanam ti Amorrheo, ken ti Cananeo, ken ti Hetteo, ken ti Perezeo, ken ti Heveo, ken ti Jebuseo.
12 Ex. 23:32. Oc. 2:2. Agannadca, di la ket ta aramidem ti maysa a tulag cadagiti agnaed iti daga nga papanam, di la ket ta maysanto a pagsilo iti tengngam:
13Ngem Deut. 7:5; 12:3.rugpoenyonto dagiti al-altarda, ket burakenyonto dagiti tedteddecda, Oc. 6:25. 2 Ar. 18:4; 23:14.ket putdenyonto dagiti Aserimda;
14(Ex. 20:3, 5.Ta dicanto agdayaw iti sabali a dios: ta ni Jehova, a ti Isa. 9:6; 57:15.naganna Naimun, Ex. 20:5.isu ti Dios a naimun);
15Di la ket ta bangonem ti maysa a tulag cadagiti agnaed iti daga, Deut. 31:16. Oc. 2:17.ket isuda mannakiabigda babaen cadagiti didiosenda, ken agdatonda cadagiti didiosenda, ket ti Num. 25:2. 1 Cor. 10:27.maysa ayabannaca a Sal. 106:28. 1 Cor. 8:4, 7, 10.mangan iti datonna;
16 Deut. 7:3, 4. 1 Ar. 11:2. Esd. 9:2, 12. Neh. 13:25. Ket mangalaca cadagiti annacda a babbai nga ipaay cadagiti lallaki nga annacmo, ket dagiti annacda a babbai makiabigda babaen cadagiti didiosenda, ket pakiabigenda dagiti annacmo a lallaki babaen cadagiti didiosenda.
17Dicanto agaramid cadagiti didiosem a sinucug.
18 Ex. 12:15; 23:15. Ti pannacafiesta ti tinapay a di-nalevaduraan ngilinemto. Cadagiti pito nga aldaw mangancanto iti di-nalevaduraan a tinapay, cas imbilinco kenca, Ex. 12:2.iti aldaw a natudingan iti bulan ti Abib; ta iti bulan nga Abib ti ipapanawmo sadi Egipto.
19 Ex. 13:2, 12. Amin a manglucat iti aanacan isu ti cucuac; ken amin nga an-animal no lalaki, ti umuna nga anac ti vaca ken carnero.
20Ket ti umuna nga anac ti asna subbutemto iti maysa a cordero: no dica subbutento, tuccolemto ngarud ti tengngedna. Ex. 23:5.Amin nga inauna cadagiti annacmo a lallaki subbutemto. Ket awanto ti dumatag nga ima-ima iti saclangco.
21 Ex. 20:9. Innem nga aldaw ti panagtrabajomto ngem iti maicapito nga aldaw aginanacanto: uray no panagaarado ken no panagaapit aginanacanto.
22 Ex. 23:16. Deut. 16:10, 13. Ket ngilinemto ti fiesta dagiti lawlawasna, uray dagiti umuna a bungbunga ti trigo a maapit, ken ti fiesta ti apit iti gibus ti tawen.
23 Ex. 23:14, 17. Mamitlo a daras iti macatawen nga agparangto amin dagiti lallakim iti saclang ni Apo Jehova, nga Dios ti Israel.
24Ta papanawecto dagiti tattao iti imatangmo ket palawaecto dagiti bed-beddengmo: Prov. 16:7.awanto met ti agcalicagum iti dagam no umulica nga agparang iti saclang ni Jehova a Diosmo iti mamitlo iti macatawen.
25 Ex. 23:18. Dicanto idatag ti dara ti daton caniac a mapacuyogan iti tinapay a nalevaduraan; Ex. 12:10.ti daton ti fiesta ti pascua dinto met mabigatan.
26 Ex. 23:19. Ti umuna cadagiti bungbunga nga umuna ti dagam yegmonto iti balay ni Jehova a Diosmo. Ex. 23:19. Deut. 14:21.Dicanto lutoen ti urbon a calding iti gatas ni inana.
27Ket ni Jehova kinunana ken Moises, Sica isuratmo dagitoy a sasao: ta iti maitutup cadagitoy a sasao inaramidco ti maysa a tulag kenca ken iti Israel.
28 Ex. 24:18. Deut. 9:9, 18. Ket isu nakipagyan idiay ken Jehova cadagiti uppat a pulo nga aldaw ken uppat a pulo a rabii; saan a nangnangan iti tinapay wenno im-mininum iti danum. bil. 1. Deut. 4:13; 11:2, 4.Ket insuratna cadagiti taptapi a bato dagiti sasao ti tulag dagiti sangapulo a bilin.
29Ket naaramid nga idi simmalog ni Moises iti bantay nga Ex. 32:15. Mat. 17:2. 2 Cor. 3:7, 13.iniggamanna dagiti dua a taptapi ti pamanecnec idi simmalog iti bantay a ni Moises saanna nga ammo idi a ti cudil ti rupana rimmaniag gaput ta nakisasao ken Jehova.
30Ket idi a ni Aaron ken amin dagiti annac ti Israel nakitada ni Moises, adtoy, ti cudil ti rupana nagraniag; ket isuda nagbutengda nga umusideg kencuana.
31Ket ni Moises inayabanna ida; ket ni Aaron ken amin dagiti pangpangoloen ti gimong nagsublida kencuana: ket ni Moises nakisao cadacuada.
32Ket iti calpasanna, amin dagiti annac ti Israel immasidegda: Ex. 24:3.ket intedna a bilbilin dagup ti sinao kencuana ni Jehova idiay bantay Sinai.
33Ket ni Moises idi nalpasna ti pannakisaona cadacuada, 2 Cor. 3:13.incabilna ti maysa nga abbong iti rupana.
34Ngem ni Moises 2 Cor. 3:16.idi napan iti sango ni Jehova a makisao kencuana, iniccatna ti abbong inggana iti ipapanawna; ket rimmuar ket imbagana cadagiti annac ti Israel ti naibilin kencuana.
35Ket dagiti annac ti Israel nakitada ti rupa ni Moises, a ti cudil ti rupa ni Moises rimmaniag; ket incabil ni Moises ti abbong iti rupana manen, agingga iti iseserrecna a pannakisao ken Jehova.
Who We AreWhat We EelieveWhat We Do
2025 by iamachristian.org,Inc All rights reserved.
