DAGITI SALMO 86 - Ilokano Form-Based Bible: Ti Biblia (1973)

Salmo ti Panagararaw ken Panagtalec. Cararag ni David.

1Itimudmo cadi ta lapayagmo, O Jehova, ket sungbatannac; Sal. 40:17; 70:5.ta napanglawac ket nacurapayac.

2Salacnibam toy cararwac; Sal. 50:5.yantangay sitataengac iti Dios: sica O Diosco, isalacanmo cadi ti adipenmo nga agtalec kenca.

3 Sal. 56:1. Mangngaasica caniac, O Apo; ta sica ti umumkisac nga agmalmalem.

4Paragsakem ti puso ti adipenmo; Sal. 25:1.ta kenca, O Apo, itangadco toy cararwac.

5Ta sica, Apo, naimbagca, ken sisasaganaca a mamacawan, ken Ex. 34:6.aglaplapusananca iti kinamagayat cadagiti amin nga umawag kenca.

6 Sal. 55:1, 2. Imdengam cadi, O Jehova, ti cararagco; ket timudem ti timec dagiti ar-ararawco.

7 Sal. 77:2. Iti aldaw a panagducotco umawagacto kenca; ta sica sungbatannacto.

8Awan ti cas kenca cadagiti didiosen, Ex. 15:11.O Apo; awan met ti cas cadagiti ar-aramidmo.

9 Sal. 22:31. Isa. 66:18. Apoc. 15:4. Amin dagiti nasnacion nga inaramidmo umaydanto nga agrucbab iti saclangmo, O Apo; ket ipaduyacyacdanto ti tan-oc ti naganmo.

10Ta sica naidaclanca, ket agaramidca cadagiti nacascasdaaw: Deut. 6:4; 32:39. Isa. 37:16. 1 Cor. 8:4.sicsica laeng ti Dios.

11 Sal. 27:11. Isurom caniac ti dalanmo, O Jehova; cayatco ti Sal. 26:3.magna iti kinapudnom: pagcaycaysaem toy pusoc tapno agbuteng ita naganmo.

12Idaydayawcanto, O Apo a Diosco, iti amin a pusoc; ket idaydayawconto ti naganmo iti agnanayon.

13Ta dackel ti kinamanagayatmo caniac; ken Sal. 58:13; 116:8.inaonmo toy cararwac iti caungan a Tanem.

14O Dios, Sal. 54:3.dagiti nacuspag bimmangonda a bumusor caniac, ket sangcabunggoy a tattao a managrabsut binirocda toy cararwac, ket saandaca nga insaad iti saclangda.

15 Ex. 34:6. Ngem sica, O Apo, Diosca a naasi ken managparabur, naanatca nga agpungtot, ken aglaplapusananca iti kinamanagayat ken kinapudno.

16 Sal. 25:16. O tumaliawca caniac, ket caasiannac; itdem ta bilegmo Sal. 116:16.itoy adipenmo, ket isalacanmo toy anac ti adipenmo a babai.

17Iparangannac iti tanda a Neh. 5:19; 13:31.pagimbagan, tapno dagiti gumurgura caniac makitada, coma ket mabainanda, ta sica, Jehova, binadangannac, ket liniwliwanac.