JOB 41 - Ilokano Form-Based Bible: Ti Biblia (1973)

Maipalawag ti pannacabalin ti Dios iti buaya.

1Mairuarmo aya ti buaya babaen iti maysa a Sal. 74:14; 104:26. Isa. 27:1.banniit? Wenno mairutam aya ti dilana iti maysa a lubid?

2Maicabilmo aya ti maysa a tali idiay agongna? Wenno salputem aya ti sangina iti maysa a lawin?

3Agaramidto aya cadagiti adu a dawdawat kenca? Wenno mangisaonto aya kenca cadagiti nalamuyot a sasao?

4Makianamongto aya kenca iti maysa a tulag, tapno alaem coma a maysa nga adipen iti agnanayon?

5Makiay-ayamcanto aya kencuana a cas iti maysa a tumatayab? Wenno isu ti reppetemto aya a maipaay cadagiti babbalasangmo?

6Ti bunggoy dagiti cumacalap Luc. 5:7, 10.tagilacoendanto aya? isu ti bingayendanto aya iti tengnga dagiti Prov. 31:24.agtagtagilaco.

7Mapunnom aya ti cudilna cadagiti sinimaam a landoc, wenno ti olona cadagiti gayang ti ican?

8Ipataymo ta imam kencuana; lagipem ti bacal, ket dica aramidenen ti casta.

9Adtoy, ti panangnamnama kencuana ubbaw; dinto aya maupay ti asinoman a cumita kencuana.

10Awan ti cauyungan nga agtured a mangriing kencuana; asino ngarud ti macapagtacder iti sangoanac?

11 Rom. 11:35. Asino ti nangted nga immuna caniac tapno agbayadac kencuana? Ex. 19:5. Ti aniaman nga adda iti baba ti amin a langit cucuac.

12Diacto agulimec a maipapan cadagiti camcamengna, wenno iti mannacabalin a pigsana, wenno iti naimbag a bagina.

13Asino ti macarabsut iti akinruar nga aruatenna? Asino ti macagteng iti uneg dagiti sangina?

14Asino ti macalucat cadagiti ruangan ti rupana? ti aglicmut cadagiti ngipenna nacakigkigtot.

15Dagiti nalagda a Job 40:13.sicsicna isuda dagiti pagtangsitna. Agpunitda a sangsangcatipon a cas iti maysa a naripcan a tanda.

16Casta ti idedecket ti maysa iti sabali, nga awan ti angin a macastrec iti baetda.

17Isuda matiponda iti maysa ken maysa; isuda agdedecketda, iti casta dida mapagsina.

18Dagiti panagbabaenna, mangisilnagda iti lawag, ket dagiti matana casda la cadagiti calub ti mata ti bigat.

19Iti ngiwatna rumuar ti mangpasged cadagiti aluten a pagsilaw. Ket dagiti arisangasang ti apuy agrissicda.

20Cadagiti abut ti agongna rumuar ti maysa nga asoc, cas iti maysa a lumlumuag a banga ken cadagiti mapupuuran a badobadoc.

21Ti angesna pasgednna dagiti uging, ket maysa darang ti rumuar iti ngiwatna.

22Idiay tengngedna agnaed ti pigsa, ket ti nacakigkigtot agsala iti sangoananna.

23Dagiti paspaset ti lasagna matiptiponda: isuda nalagdada kencuana; isuda dida macuti.

24Tipusona di-magunay cas maysa a bato; wen, di-magunay a cas iti akinbaba a bato ti gilingan.

25No bumangon, agbuteng dagiti mannacabalin: gapu iti lagaw agmauyongda.

26No ti maysa iduyocna kencuana ti campilan, awan magungunana: wenno ti pica, ti gayang, wenno ti natarumamis a daga.

27Isu ibilangna ti landoc a cas garami, ket ti gambang a cas matumoy a cayo.

28Isu ti saan a mapagtaray ti pana: dagiti batbato a maipallatibong agbalinda kencuana a punget ti garami.

29Dagiti pangpang-or maibilangda a cas punget ti garami: isu catawaanna iti panagtayab ti gayang.

30Dagiti akinbaba a paspasetna caslada cadagiti natadem a gibgibac, isu yucradna a cas a pagregnas iti rabaw ti pitac.

31Isu palluagenna ti yuyeng a cas maysa a banga: isu paburkenna ti taaw a cas maysa a banga ti sapsapo.

32Isu parangrangenna ti danana iti licudanna; pagarupen ngata a ti yuyeng aguban.

33Iti rabaw ti daga awan ti caaspingna, a maaramid nga awan ti buteng.

34Isu matmatanna ti isu-amin a nangato: isu ti ari dagiti amin nga annac a lallaki ti kinapusong.