JEREMIAS 31 - Ilokano Form-Based Bible: Ti Biblia (1973)

Ti pannacaibsuli ti Israel. Ni Raquel mamaliwliwa. Iti casacbayan nga irarang-ay ti Israel. Ti baro ken nalagda a tulag.

1Iti dayta met laeng a pannawen,

6Ta addanto aldaw, a dagiti tattao nga agbanbantay iti rabaw dagiti turturod ti Efraim agpuccawdanto, Bumangoncayo, Isa. 2:3. Jer. 30:3.ket intayo sumang-at idiay Sion ken Jehova a Diostayo.

7Ta castoy ti cuna ni Jehova; Agcantacayo a siraragsac a maipaay ken Jacob, ket agdir-icayo a maipaay iti cangronaan cadagiti nasnacion: agibunannagcayo, agdaydayawcayo, ket cunayo, O Jehova, ispalem ti ilim, ti matda iti Israel.

8Adtoy, siac iyegconto ida Jer. 3:18.manipud iti daga iti amianan, ket urnongecto ida manipud cadagiti caadayuan a paspaset ti daga, ket maicuyog cadacuada Isa. 35:5, 6.ti bulsec ken ti pilay, ti babai a masicug ken castamet daydiay nga agpasical nga agipasngay: agsublidanto ditoy a dackel a bunggoy.

9Isuda umaydanto Jer. 50:4.nga agsangsangit, ket babaen ti panagpacaasi siac idalanconto ida: papagnaecto ida iti Isa. 35:7; 49:10.sibay dagiti carcarayan ti danum, iti nalinteg a dalan a didanto pacaitibcolan: ta siac Isa. 45:11. Rom. 8:15.ti ama ti Israel, ket ni bil. 18.Efraim ti Ex. 4:22. Sal. 89:27.inauna nga anacco.

10Denggenyo ti sao ni Jehova, O dacayo a nasnacion, ket ipalawagyo cadagiti adayu a purpuro; ket cunayo, Ti nangiwaras iti Israel Isa. 40:11.urnongennanto, ket aywanannanto a cas ti pastor cadagiti arbanna.

11Ta ni Isa. 43:1; 44:23; 48:20.Jehova sinubbotna ni Jacob, ket isu inispalna iti ima daydiay a napigpigsa ngem isu.

12Ket umaydanto agcanta Ex. 17:23; 20:40.idiay tapaw ti Sion, ket agpunipondanto Os. 3:5.iti kinaimbag ni Jehova, iti trigo, ken iti baro nga arac, ken iti lana, ken cadagiti urbon dagiti pangen ken arban: ket ti cararuada caslanto Isa. 38:11.maysa a minuyungan a madandanuman; Isa. 35:10.ket saandanton nga agleddaang a pulos.

13Iti casta ti balasang agragsacto iti panagsala, ken dagiti agtutubo a lalaki ken dagiti lallacay nga aggigiddan: ta pagbalinecto ti leddaangda a rag-o, ket liwliwaecto ida, ket manipud iti leddaangda pagragsakecto ida.

14Ket bil. 25. Prov. 5:19.pennekecto ti cararua dagiti papadi iti kinataba, ket ti ilic mapnecto iti kinaimbagco, cuna ni Jehova.

15Castoy ti cuna ni Jehova: Mat. 2:18.Mangngegan ti timec sadi Gen. 35:19, 20; 48:7. 1 Sam. 10:2.Rama, ununnoy, ken napait a panagsangsangit, ni Raquel sangitanna dagiti annacna; ket madi a maliwliwa maipuon cadagiti annacna, agsipud ta awandan.

16Castoy ti cuna ni Jehova: Medmedam dayta timecmo iti panagsangit, ken dagita matam cadagiti luluam; ta dayta aramidmo magungunaanto, cuna ni Jehova, Esd. 1:5. Os. 1:11.ket umaydanto manen manipud iti daga ti cabusor.

17Ket adda inanama a maipaay iti masangoanam, cuna ni Jehova, Isa. 65:20.ket dagiti annacmo umaydanto mannen iti beddengda met laeng.

18Kinapudnona a nangngegac ni Efraim nga umas-asug a castoy, Sica dinusanac, ket nadusaac a cas iti urbon ti vaca a saan a nairuam iti sangol: D. Un. 5:21.pasubliennac, ket mapasubliacto; ta sica ni Jehova a Diosco.

19Kinapudnona calpasan Deut. 30:2.ti pannacabawingco, nagbabawiac; ket calpasan ti pannacaisuroc, dinanogco, Isa. 21:12.toy luppoc: nagbainac, wen, mariroac met laeng, ta sinagabac ti pannacaumsi ti kinaagtutuboc.

20Ni Efraim aya ti ay-ayatec nga anacco? isu aya ti dong-dongngoen nga anac? ta no maminano nga agsaoac iti maibusor kencuana, sipapasnecac pay laeng a manglagip kencuana: Isa. 63:15.gapuna a ti pusoc mailiw kencuana; kinapudnona addanto caasic kencuana, cuna ni Jehova.

21Mangipatacderca cadagiti pagtandaanam mangaramidca cadagiti teddec a mangiturong kenca; Isa. 57:14; 62:10.iturongmo ta pusom iti calsada, ti met laeng dalan a napanam: agsublica manen, O virgen ti Israel, agsublica manen cadagitoy nga il-ilim.

22Casano ti cabayagmo nga agal-laal-la, Jer. 2:18, 23, 36.O sica managlicud nga anac a babai? ta ni Jehova pinarsuana ti baro a banag ditoy daga: Ti babai lawlawennanto ti Zac. 13:7.lalaki.

23Castoy ti cuna ni Jehova dagiti buybuyot, a Dios ti Israel: Aramatendanto manen daytoy a sao idiay daga ti Juda ken cadagiti il-ilina, intono pagbaliwec ti pannacacayawda; ni Jehova Sal. 122:6-8.bendicionannaca, O pagnaedan ti kinalinteg, Zac. 8:3.O bantay ti kinasanto.

24Ket ti Juda ken castamet Jer. 33:12, 13.amin nga il-ilina agnaeddanto sadiay, dagiti mannalon ken dagidiay cumuyog cadagiti arban.

25Ta pinenneccon ti nautoyan a cararua, ket ti tunggal naladingit a cararua pinunnoc manen.

26Ket iti daytoy nagriingac, ket kimmitaac; ket ti turogco nasamit caniac.

27Adtoy, dagiti al-aldaw dumtengda, cuna ni Jehova, a Os. 2:23.siac imulacto ti balay ni Israel ken ti balay ni Juda agraman Sal. 22:30. Isa. 53:10.capuonan ti tao ken agraman capuonan ti animal.

28Ket maaramidto a cas iti Jer. 44:27.panangaywanco idi, a mangparut ken mangrugpo, ken mangrebba, ken mangdadael, ken mangpasagaba cadacuada; castanto ti panangaywanco a mangibangon, ken agmula cadacuada, cuna ni Jehova.

29Cadagidiay nga D. Un. 5:7. Eze. 18:2, 3.al-aldaw didanto saoenen, Dagiti amma kinnanda dagiti naalsem nga uvas, ket dagiti ngipen dagiti ubbing maalinoda.

30Ngem tunggal maysa matayto gapu iti bucodna a kinadakes: tunggal tao a mangan cadagiti naalsem nga uvas, dagiti ngipenna met laeng maalinodanto.

31Adtoy, Heb. 8:8-12.dagiti al-aldaw dumtengda, cuna ni Jehova, a mangaramidacto iti maysa a baro a tulag iti balay ni Israel, ken iti balay ni Juda:

32Saan a cas idi tulag nga inaramidco cadagiti ammada, idi aldaw a panangibinco Deut. 1:31.tapno aonec ida iti daga nga Egipto; daydi a tulagco dinadaelda, nupay siac idi ti Jer. 3:14.asawa a lalaki cadacuada, cuna ni Jehova.

33 Jer. 32:40. Heb. 10:16. Ngem daytoy ti tulag nga aramidecto iti balay ti Israel iti calpasan dagidiay nga aldaw, cuna ni Jehova; Eze. 11:19; 36:26, 27. 2 Cor. 3:3.Isaadconto ti lintegco iti unegda, ken isuratconto iti pusoda; ket siacto ti Diosda, ket isudanto ti ilic.

34Ket saandanto a mangisuro tunggal tao iti caarrubana, ken tunggal tao iti cabsatna, a cunana, Ammoem ni Jehova; ta isuda Isa. 54:13.amin am-ammodacto, Jer. 6:13.manipud iti cababassitan agingga iti cadadackelan cadacuada, cuna ni Jehova: ta Jer. 33:8; 36:3.pacawanecto ti kinadakesda, ket saanconto a lagipenen ti basolda.

35Castoy ti cuna ni Jehova, a mangted ti init a maipaay a lawag Gen. 1:16. Sal. 72:5, 17.iti aldaw, ken dagiti alagaden ti bulan ken Jer. 33:25.dagiti bitbitwen a maipaay a lawag iti rabii, isu a Isa. 51:15.mangtignay iti baybay tapno dagiti dalluyonna agungorda; ni Jer. 10:16.Jehova dagiti buybuyot ti naganna:

36No dagitoy nga alagaden suminada Sal. 148:6. Isa. 54:9, 10. Jer. 23:20, 21, 25.iti masangoanac, cuna ni Jehova, iti casta ti capuonan ti Israel aggibusto met ti casasaadna a nacion iti saclangco iti agnanayon.

37Castoy ti cuna ni Jehova: Jer. 33:22, 26.No ti langit iti ngato mabalin a rucoden, ken dagiti nacaibangonan ti daga mabalin a sukimaten iti baba, iti casta ibellengconto met amin a capuonan ti Israel, gapu iti amin nga inaramiddan, cuna ni Jehova.

38Adtoy, dagiti al-aldaw dumtengda, cuna ni Jehova, a ti ili maibangonto ken Jehova Neh. 3:1; 12:39.manipud iti torre ni Hananeel agingga iti 2 Ar. 14:13.ruangan ti suli.

39Ket ti tali a pagrucod Eze. 40:8. Apoc. 11:1.mapanto pay laeng a sililinteg agingga iti turod a Gareb, ket agsicconto iti Goa.

40Ket Jer. 7:31, 32.ti amin a lobong dagiti bangcay, ken dagiti dapdapo, ken amin a taltalon agingga iti waig a Cedron, Rom. 23:15.agingga ti suli ti ruangan ti cabayo nga agpadaya, Joel 3:17.nasantoanto ken Jehova; isu saanto a maparut, ket saanto met a marugpo iti agnanayon.