DAGITI PROVERBIO 16 - Ilokano Form-Based Bible: Ti Biblia (1973)

Nadumaduma a ballaag a maipapan iti biag ken cababalin.

1Dagiti pakinakem ti puso biang ti tao; ngem ti sungbat ti dila Mat. 10:19, 20.biang ni Jehova.

2 Prov. 21:2. Amin dagiti daldalan ti maysa a tao nadalusda cadagiti matana met laeng; ngem ni Jehova gantingenna dagiti espiritu.

3 Sal. 37:5; 55:22. Mat. 6:25. Luc. 12:22. 1 Ped. 5:7. Icumitmo dagiti ar-aramidmo ken ni Jehova, ket dagiti pangpanggepmo mapasingkedandanto.

4Ni Jehova inaramidna Isa. 43:7. Rom. 11:28.tunggal banag iti pacaipaayanna; wen, Ex. 9:16.uray dagiti nadangkes a maipaay iti aldaw ti ranggas.

5Isu-amin a natangsit ti pusona macarimon ken ni Jehova; uray ti ima ken ima agpinnetpetda, isu saanto a di madusa.

6 Dan. 4:27. Gapu iti caasi ken kinapudno mapacawan ti kinadakes; ket gapu iti panagbuteng ken ni Jehova dagiti tattao panawanda ti dakes.

7No dagiti daldalan ti maysa a tao macaayayoda ken ni Jehova, pakicappiaenna kencuana uray dagiti cabcabusorna.

8 Prov. 15:16. Nasaysayaat ti bassit, a cacuyogna ti kinalinteg, ngem ti adu a masapulan a cacanunong ti kinakillo.

9 Prov. 19:21. Ti puso ti tao dardarepdepenna ti dalanna, ngem ni Jehova ti mangiturong cadagiti addangna.

10Ti nadiosan a panangikeddeng adda cadagiti bibig ti ari; ti ngiwatna saanto nga agsalungasing iti panangipato.

11 Lev. 19:36. Ti apag-isu a titimbengan ken cacatian cucua ida ni Jehova; amin dagiti panimbeng iti supot aramidna.

12Maysa a macarimon cadagiti ar-ari ti panagaramid iti kinadangkes; Prov. 25:5; 29:14.ta ti trono maipasdec babaen ti kinalinteg.

13 Prov. 14:35. Dagiti sililinteg a bibig isuda dagiti macaayayo cadagiti ar-ari; ket ayayatenda ti agsao iti nalinteg.

14Ti rungsot ti maysa nga ari cas cadagiti babaonen ni patay; ngem ti masirib a tao pagtalnaennanto.

15 Job 29:24. Iti lawag ti langa ti ari adda biag; Job 29:23.ket ti paraburna cas ulep ti maududi a tudo.

16 Prov. 8:10, 11, 19. Anian a kinasaysayaat ti pananggun-od iti kinasirib ngem iti balitoc! Wen, ti pananggun-od iti pannacaawat adadda a pilien ngem iti pirac.

17Ti calsada ti nalinteg isu ti ipapanawna iti dakes; ti mangsalimetmet iti dalanna salacnibanna ti cararuana.

18Ti Prov. 29:23.kinatangsit umununa ngem ti pannacadadael, ket ti napalangguad nga espiritu casacbayan ti pannacatnag.

19 Prov. 29:23. Isa. 57:5. Nasaysayaat ti kinapacumbaba ti espiritu cadagiti napanglaw, ngem ti pannakibingay iti sinamsam cadagiti natangsit.

20Ti mangicancano iti sao masaracannanto ti imbag; Sal. 2:12; 34:8; 125:1. Isa. 30:18. Jer. 17:7.ket siasinoman nga agcammatalec ken ni Jehova, isu ti naragsac.

21Ti masirib ti pusona managanto iti manakem; ket ti kinasam-it dagiti bibig degdeganna ti pannacasursuro.

22Ti pannacaawat isu ti Prov. 10:11.ubbog ti biag iti tao nga agicut; ngem ti pacatubngaran dagiti maag isu ti kinamaagda.

23 Sal. 37:30. Mat. 12:34. Ti puso ti masirib isurona ti ngiwatna; ket nayonanna ti pannacasursuro dagiti bibigna.

24Dagiti nacaay-ayo a sasao arigda la Prov. 15:26. Sal. 19:10.rara, nasam-itda iti cararua, ket salun-at cadagiti tultulang.

25 Prov. 14:12. Adda dalan a cas la nalinteg iti maysa a tao, ngem ti panungpalanna daldalan ni patay.

26Ti ganas ti agtrabajo a tao agtrabajo a gapu kencuana; ta ti ngiwatna ti mangdagdag.

27Ti tao nga awan cais-iscanna sigsigpenna ti ranggas; ket cadagiti bibigna adda Sant. 3:6.bumarbara nga apuy.

28Ti naulpit a tao agiracurac iti ringgor; ti Prov. 18:8.managarasaas Prov. 17:9.mapaadayuna dagiti nadecket a gagayyem.

29Ti tao a nauyong masulisugna ti caarrubana, ken iturongna iti dalan a saan a naimbag.

30Daydiay agkidem tapno agpakinakem cadagiti nadangkes a banbanag; ken mangem-em cadagiti bibigna mangpaltuad iti dakes.

31Ti ubanan nga olo Prov. 20:29.balangat ti kinadayag; no masaracanto iti dalan ti kinalinteg.

32Ti nabannayat nga agpungtot Prov. 19:11.nasaysayaat ngem ti nabileg; ket ti macatengngel iti espirituna, nasaysayaat ngem ti mangparmec iti maysa a pagilian.

33 Oc. 20:9. Ti gasat maipisoc iti saclot; ngem ti dagup ti pannacaikeddengna biang ni Jehova.