DAGITI SALMO 104 - Ilokano Form-Based Bible: Ti Biblia (1973)

Panangaluad ni Jehova cadagiti amin nga Ar-aramidna.

1Benditoem ni Jehova, bil. 35.O cararwac, O Jehova a Diosco, sica naindaclanca unay; Sal. 93:1.nacawesanca iti dayaw ken kinadayag:

2Sica a mangbungon kenca met laeng iti lawag a cas la pannacapagananaymo; a mangbistrad cadagiti langlangit a Isa. 40:22.cas maysa a cortina;

3 bil. 13. Amos 9:6. A mangicabil cadagiti busuran dagiti silsiledna iti uneg dagiti dandanum; Isa. 19:1.a pagbalinenna a luganna dagiti ul-ulep; 2 Sam. 22:11. Sal. 18:10.a magna iti rabaw dagiti paypayac ti angin;

4 Heb. 1:7. A mamagbalin cadagiti an-angin a babaonenna; Sal. 103:21.cadagiti gilgil-ayab ti apuy a ministrona;

5Isu a nangicabil cadagiti pamuon toy daga, a dinto maisina uray caanoman.

6Isu inabbongam iti caadalman ti baybay a cas la pannacapagananayna; dagiti dandanum nagtacderda a Gen. 7:19.nangatngato ngem dagiti banbantay.

7 Isa. 50:2. Iti panangtubngarmo nagtalawda; iti timec ti gurroodmo nagdardarasda.

8(Bimmangon dagiti banbantay, limnec dagiti tantanap) Job 38:10, 11.a napan cadagiti yan a pinarnuaymo a naisangrat cadacuada.

9Sica nangicabilca iti beddeng tapno Job 26:10. Jer. 5:22.dida ballasiwen; Gen. 9:11-16.tapno dida sunotanen a lapunusen toy daga.

10Isu ibaonna dagiti ub-ubbog cadagiti tantanap; agtarayda cadagiti babaet dagiti banbantay;

11Itdenda ti inumen iti tunggal animal iti tay-ac; dagiti atap nga asno pedpedenda ti wawda.

12Iti sibayda dagiti tumatayab cadagiti langlangit adda pagnaedanda; iyesngawda ti timecda iti babaet dagiti sangsanga.

13Isu siboganna dagiti banbantay manipud cadagiti silsiledna: ti daga mapno iti bunga dagiti gapuanam.

14 Gen. 1:29, 30. Sal. 147:8, 9. Pagtuboenna ti root a maipaay cadagiti vacvaca, ken ti mula nga agservi iti tao; tapno isu maparnuayna ti Job 28:5. Sal. 136:25.taraonna iti daga,

15 Oc. 9:13. Jer. 31:12. D. Ara. 14:17. Ken ti arac a mamaragsac iti puso ti tao, ken lana a mamagsilnag iti rupana, ken tinapay a mamakired iti puso ti tao.

16Dagiti caycayo ni Jehova mapnoda iti tubbog; dagiti Oc. 9:15.cedro ti Libano, Num. 24:6.nga immulana;

17Isu a pagaramidan dagiti bilbillit cadagiti um-umocda: no maipanggep iti cannaway, dagiti saleng isuda ti balayna.

18Dagiti natayag a banbantay ti pagyanan dagiti calding nga atap; dagiti batbato isuda ti apon Prov. 30:26.dagiti conejo.

19 Gen. 1:14. Dinutocna ti bulan a pagbaliwan ti tiempo: ti init ammona ti ilelennecna.

20Aramidem ti sipnget, ket isu ti rabii, kencuana dagiti amin nga an-animal ti cabakiran agsawarda.

21 Joel 1:20. Job 39:1. Dagiti urbon a leon ugaanda ti tucmaanda, ket birokenda ti taraonda nga aggapu iti Dios.

22Ti init sumingising, agpapanawda, ket agculmegda iti uneg dagiti rukibda.

23Ti tao mapan iti Gen. 3:19.aramidna ken iti trabajona agingga iti rumabii.

24 Prov. 3:19. O Jehova, anian a nagadu dagiti ar-aramidmo! Nainsiriban ti panangaramidmo cadacuada amin: ti daga napno iti pagsanicuaam.

25Addayta ti baybay, dackel ket nalawa, isu a yan dagiti agcucunolcunol a banbanag a di-mabilang, babassit man ken dadackel nga an-animal.

26Adda idiay a magna dagiti sasacayan; Job 41:1.adda ballena, nga inaramidmo a makiayayam sadiay.

27 Sal. 136:25; 145:15. Dagitoy agurayda amin kenca, tapno iccam ida iti taraon iti maiparbeng a tiempo.

28Iccam ida, isuda acuyenda; ucradem ta imam, isuda mapnecda iti imbag.

29 Sal. 77:12. Ilingedmo ta rupam isuda agducotda; Job 34:14, 15. Sal. 146:4.iccatem ti angesda, matayda, Gen. 3:19.ket agpulangda iti catatapucda.

30Sica ibaonmo ti Espiritum, maparsuadan; ket pabaroem ti langa ti daga.

31Ti dayag ni Jehova agpaut coma nga agnanayon; Gen. 1:31.pagrag-oan coma ni Jehova dagiti ar-aramidna:

32Isu a taldiapanna toy daga, ket agpigerger; Sal. 144:5. Ex. 19:19.calbitenna dagiti banbantay, ket agasucda.

33 Sal. 63:4. Cancantaacto ni Jehova cas capaut ti panagbiagco: cancantaacto ti panangidaydayaw iti Diosco bayat ti caaddac.

34Toy panagpanunotco nasam-it coma kencuana: pagrag-oacto ni Jehova.

35 Sal. 37:38. Dagiti managbasol maibusda coma ditoy daga, ket maawanda coma dagiti nadangkes. Benditoem ni Jehova, O cararwac. Idaydayawyo ni Jehova.