1Ket mangaramidcanto iti Aginga bil. 8. Ex. 38:1-7. Eze. 43:13.altar a cayo ti acacia, lima a sico ti caatiddugna, ken lima a sico ti caacabana; ti altar agcacarucodto dagiti uppat a bangirna: ket ti catayagnanto tallo a sico.
2Ket mangaramidcanto iti sarsara ti altar iti rabaw dagiti uppat a sulsulina; dagiti sarana sangsangcapasetdanto kencuana: Num. 16:38.ket calupcupamto iti suer.
3Ket mangaramidcanto cadagiti rangrangana a pagiccan cadagiti dapdapo, ken sopsopladna, ken bacbacana, ken cadagiti pagadaw iti lasag, ken cadagiti pagiccan cadagiti beggang: amin nga al-alicamenna aramidemto iti suer.
4Ket yaramidamto iti maysa a barandillas nga iniket a suer ket mangaramidcanto iti rabaw ti barandillas ti uppat a singsing a suer cadagiti uppat a sulsulina.
5Ket isu icabilmonto iti babaen ti ngarab nga aglawlaw iti altar iti baba, tapno mayaplag ti iniket iti guddua ti catayag ti altar.
6Ket yaramidamto ti altar cadagiti pagassiwan, pagassiwan a cayo ti acacia, ket calupcupamto ida iti suer.
7Ket dagiti pagassiwan maicabildanto cadagiti singsing, ket dagiti pagassiwan agyandanto cadagiti dua a sikigan ti altar a pamaclayan.
8Masulloopan iti tinabla ti aramidemto: Ex. 25:40; 26:30.cas idi naipakita kenca iti bantay, castanto ti aramidenda.
9 Aginga bil. 19. Ex. 38:9-20. Ket mangaramidcanto iti paraangan ti tabernaculo: iti abagatanen ti akinabagatan a bangir iti pagparaanganan addanto cortina a tinibbay a lienzo a nalapat, nga sangagasut a sico ti caatiddug iti maysa a bangir:
10Ket duapulonto dagiti adadigina, ket dagiti batbatayda duapulo, a suer; dagiti calcallawit dagiti adadigi ken dagiti putputiputda piracdanto.
11Ket casta met iti bangir iti amianan a nagatiddug addanto cortina a sangagasut a sico ti caatiddugda, ket dagiti adadigina duapulo, ken dagiti batbatayda duapulo a suer; dagiti calcallawit dagiti adadigi ken dagiti putputiputda pirac.
12Ket maipaay iti caacaba ti paraangan iti bangirna iti laud addanto cortina a limapulo a sico; dagiti adadigida sangapulo, ket dagiti batbatayda sangapulo.
13Ket ti caacaba ti paraangan iti bangir ti akindaya a dayaen limapulonto a sico.
14Dagiti cortina iti Eze. 41:2, 26.maysa a bangir ti ruangan sangapulonto ket lima a sico; dagiti adadigida tallo, ket dagiti batbatayda tallo.
15Ket iti sabali a bangir addanto cortina a sangapulo ket lima a sico; dagiti adadigida tallo, ket dagiti batbatayda tallo.
16Ket iti ruangan ti paraangan addanto cortina a duapulo a sico, nga azul, ken purpura, ken escarlata, ken Ex. 26:36.tinabid a lienzo a nalapat, a gapuanan ti managborda; dagiti adadigida uppat, ket dagiti batbatayda uppat.
17Amin nga adadigi ti paraangan iti aglawlaw maputiputandanto iti pirac; dagiti calcallawitda pirac, ket dagiti batbatayda suer.
18Ti pagatiddugan ti paraangan sangagasutto a sico, ket ti caacabana limapulo iti uray adino, ket lima a sico ti catayag, ti nalapat a lienzo a tinabid, ket dagiti batbatayda suer.
19Dagup dagiti al-alicamen ti tabernaculo iti amin a pacaaramatanna, ken amin dagiti paspasocna ken amin dagiti paspasoc ti paraangan suerdanto.
20Ket sica Lev. 24:2.ibilinmonto cadagiti annac ti Israel nga mangyegdanto kenca iti nadalus a lana ti olivas a linebbec a pagsilaw, tapno maseggedan ti maysa a pagsaingan a agnanayon.
21Iti uneg ti tolda ti gimong, iti Ex. 26:31, 33.ruar ti abbong nga adda iti sango ti pamanecnec, da Ex. 30:8. 1 Sam. 3:3. 2 Cron. 13:11.Aaron ken dagiti annacna aywanandanto a sioornos Ex. 28:43; 29:9, 28. Lev. 3:17; 16:34. Num. 18:8, 23; 19:21.manipud iti malem agingga iti bigat iti sango ni Jehova: isu ti maalagadto nga agnanayon cadagiti putputotda a maipaay cadagiti annac ti Israel.
Who We AreWhat We EelieveWhat We Do
2025 by iamachristian.org,Inc All rights reserved.
