1Agragragsaccayo ken Jehova, Sal. 32:11.dacayo a sililinteg; naarnged ti panangidaydayaw a maipaay iti Sal. 147:1.nalinteg.
2Agyamancayo ken Jehova a buyogen ti arpa: cantaanyo cadagiti panangidaydayaw a danggayan ti pagtocaran a sangapulo dagiti cuerdasna.
3 Sal. 40:3; 144:9. Isa. 42:10. Apoc. 5:9; 14:3. Cantaanyo iti baro a canta; laingenyo ti agcutengteng a buyugen ti napigsa nga aweng.
4Ta ti sao ni Jehova nalinteg; ket amin nga aramidna naaramid iti kinamatalec.
5 Sal. 11:7. Ayatenna ti kinasingpet ken kinalinteg: ti daga sipupunno iti Sal. 119:64.kinamanagayat ni Jehova.
6 Gen. 1:6, 7. Heb. 11:3. 2 Ped. 3:5. Gapu iti sao ni Jehova naaramid dagiti langlangit, ken dagup ti buyotda gapu iti sangaw ti ngiwatna.
7 Gen. 1:9. Isu pagtitiponenna dagiti dandanum ti baybay a cas gabsoon: ipenpenna dagiti mangliwengliweng cadagiti pagpenpenan.
8Agbuteng coma ti amin a daga ken Jehova: siaaripapa coma kencuana dagup dagiti agnaed toy lubong.
9Ta Gen. 1:3. Sal. 148:5, 6.nagsao, ket natungpalen; nagbilin, ket napatibkeran.
10 Neh. 4:15. Ni Jehova paawanenna ti tinong dagiti nasnacion; ket paawasenna dagiti pampanunot dagiti il-ili.
11Ti balacad ni Jehova agtalinaed a natibker iti agnanayon, dagiti pampanunot ti pusona agpaut cadagiti amin a capcaputotan.
12 Deut. 7:6. Sal. 65:4. Nagasat ti nacion a ti Diosna isu ni Jehova, ti ili a pinilina a pagtawidenna met laeng.
13Ni Jehova simamatmat manipud langit; buybuyaenna amin dagiti annac dagiti tattao;
14Manipud ayan ti taengna tannawaganna amin dagiti agnaed ditoy daga,
15Isu a mangsucog cadagiti puspusoda amin, a mangututob cadagiti amin nga ar-aramidda.
16 Sal. 44:6. Awan ti ari a maisalacan gapu iti kinaadu ti buyot: maysa a tao a napigsa saan a maispal gapu iti dackel a bileg.
17Ti cabayo maysa nga Sal. 20:7. Prov. 21:31.ubbaw a pacaisalacanan; saanna met a maispal iti siasinoman gapu iti naindaclan a bilegna.
18 Job 36:7. 1 Ped. 3:12. Kitaem, ti mata ni Jehova sisisiput cadagiti agbuteng kencuana, cadagiti manginanama iti kinamanagayatna;
19Tapno ispalenna ti cararwada ken patay, ken Sal. 37:19.taginayonenna ida a sibibiag iti panagbisin.
20Ti cararwatayo nagururay ken Jehova: Deut. 33:29.isu ti saranay ken calasagtayo.
21Ta ti pusotayo agragsacto Zac. 10:7. Juan 16:22.kencuana, gapu ta nagtalectayo iti nasantoan a naganna.
22Agpaay cadi cadacami ta kinamanagayatmo, O Jehova, a cas iti pananginanamamin kenca.
Who We AreWhat We EelieveWhat We Do
2025 by iamachristian.org,Inc All rights reserved.
