1Agtacderacto iti rabaw ti Isa. 21:8.pagbantayac, ken tumugawacto iti rabaw ti torre, ket cumitaacto a mangmatmat iti aniaman nga isaonanto caniac, ken no ania ti isungbatconto iti maipapan iti unnoyco.
2Ket ni Jehova simmungbat caniac, ket kinunana, Isa. 8:1.Isuratmo ti sirmata, ket Deut. 1:5.aramidem a nabatad cadagiti tapi, tapno napardas coma a basaen.
3Ta ti Dan. 10:14.sirmata agpaay pay laeng iti nadutocan a pannawen, ken agsiglat a tumorong iti pannacatungpal, ket saanto nga agulbod: nupay no agtactac, isu urayem; ta pudno nga Heb. 10:37, 38.umayto, a dinto agbayag.
4Adtoy, ti cararuana pimmalangguad, saan a nalinteg kencuana; ngem Juan 3:36. Rom. 1:17. Gal. 3:11.ti nalinteg agbiagto a gapu iti pammatina.
5Ket sabali pay gapu ta ti arac mangliliput, ti lalaki napalangguad a di agtaeng iti balayna, a mangpadackel iti calicagumna a cas ken ni Tanem, ket isu umasping ken ni patay, a di mabalin a penneken, no di ket urnongenna kencuana dagiti amin a nasnacion, ket gabsuonenna kencuana dagiti amin nga il-ili.
6Amin dagitoy didanto aya mangisingasing iti maysa a pangngarig a maibusor kencuana, ken mairabrabac a proverbio a maibusor kencuana, ket cunada, Asi pay daydiay a mangpaadu iti dina cucua! casanonto ti capautna? ket gabsuonenna kencuana dagiti tanda ti salda?
7Didanto aya tumacder a kel-laat dagiti mangcagatto kenca, ken agriingdanto dagiti mangtutuoc kenca, ket sicanto ti agpaay a samsam cadacuada?
8Agsipud ta sinamsammo dagiti Isa. 33:1.adu a nasnacion, amin dagiti matda cadagiti il-ili samsamendacanto, bil. 17.maipuon iti dara dagiti lallaki, ken ti panangranggas naaramid iti daga, iti ili ken iti amin nga agnaed kencuana.
9Asi pay daydiay a Jer. 22:13.manggun-od iti dakes a gunguna a maipaay iti balayna, tapno mangisaad iti umocna iti ngato, ket maispal coma iti ima ti dakes!
10Sica nangigacatca iti bain iti balaymo, iti panangdadaelmo iti adu nga il-ili, ket nagbasolca a maicaniwas ita cararuam.
11Ta ti bato umkisto manipud iti bacud, ket ti busuran iti cacayoan sumungbatto kencuana.
12Asi pay daydiay a mangbangon iti maysa nga ili Eze. 24:9. Mik. 3:10. Nah. 3:1.babaen ti dara, ken mangpasingked iti ili babaen ti kinadangkes!
13Adtoy, saan aya a nagtaud ken ni Jehova dagiti buybuyot a Jer. 51:58.dagiti tattao agbannogda iti maipaay iti apuy, ken dagiti nasnacion agbannogda iti maipaay iti kinaubbaw?
14Ta ti daga mapunnonto iti Isa. 11:9.pannacaammo iti dayag ni Jehova, a cas dagiti dandanum abbonganda ti taaw.
15Asi pay daydiay a mangted ti inumen ken ni caarubana, sica a manggampor ita gamutmo, ket isu bartekem met, tapno makitam coma ti kinalamolamoda!
16Sica mapnoca iti bain, ket saan a dayag: uminumca met, ket casca la iti di nacugit; ti copa ti ima a canawan ni Jehova dumtengto kenca, ket ti nacaarariec a bain abbongannanto ta dayagmo.
17Ta ti panangranggas a naaramid iti Isa. 14:8. Jer. 22:23.Libano abbongannacanto, ken ti panagdadael dagiti an-animal, a namagbuteng cadacuada; maipuon iti dara dagiti lallaki, ken agpaay iti panangranggas a naaramid iti daga, iti ili ken iti amin nga agnaed kencuana.
18 Isa. 44:10. Ania aya ti magun-od iti ladawan a kinitikitan, a ti mangaramid isu ti nangkitikit kencuana; ti sinucog a ladawan, ti mangisursuro met laeng cadagiti ul-ulbod, a ti nangbalabala iti langana agtalec kencuana, iti panangaramidna cadagiti umel a bulto?
19Asi pay daydiay nga agcuna iti cayo, Agriingca; iti umel a bato, Tumacderca! Mangisuronto aya daytoy? Adtoy, nga isu nacalupcupan iti balitoc ken pirac, ket awan ti aniaman nga anges iti unegna.
20Ngem ni Jehova adda Sal. 11:4.iti nasantoan a Sof. 1:7.templona: agulimec coma ti isu-amin a daga iti saclangna.
Who We AreWhat We EelieveWhat We Do
2025 by iamachristian.org,Inc All rights reserved.
