JOSUE 1 - Ilokano Form-Based Bible: Ti Biblia (1973)

Ti panangcumit ni Jehova ken Josue. Ni Josue isaganana ti panagballasiw iti Jordan.

1Ket naaramid iti calpasan ti ipapatay ni Moises nga adipen ni Jehova, a ni Jehova nagsao ken ni Josue nga anac ni Nun, a Ex. 24:13.catulongan ni Moises, a kinunana,

2 Deut. 34:5. Ni Moises nga adipenco natayen: tumacderca ngarud ita, ket ballasiwem daytoy Jordan, sica ken isu-amin daytoy nga umili, iti daga isu nga itedco cadacuada, cadagiti met laeng annac ti Israel.

3 Deut. 11:24. Ti tumunggal disso a ti dapan ti sacam baddekennanto, dayta itedconto cadacayo, a cas insaoc idi ken ni Moises.

4 Gen. 15:18. Ex. 23:31. Num. 34:3, 14. Manipud iti let-ang ken iti daytoy Libano agingga iti dackel a carayan, ti carayan nga Eufrates, isu-amin a daga dagiti Jetteos, ken aginggana iti dackel a taaw iti agpalelennecan ti init, isunto ti beddengyo.

5 Deut. 7:24. Awan ti siasinoman a tao a macagawayto kenca cadagiti isu-amin nga al-aldaw ti panagbiagmo: bil. 17. Ex. 3:12.cas iti caaddac idi ken ni Moises casta met tiDeut. 31:8, 23.caaddacto kenca; dicanto Deut. 31:6, 8. Heb. 13:5.baybay-an ken dicanto met panawan.

6 Deut. 31:6. Bumilegca ket umingelca; ta sicanto ti mamagtawid cadagitoy a tattao iti daga nga insapatac cadagiti ammada nga itedco cadacuada.

7Isuna laeng a bumilegca ken umingelca unay, tapno tungpalem nga aramiden iti cas mayalubog iti isu-amin a linteg, a ni Moises nga adipenco imbilinna kenca: Deut. 5:32.saanmo a pagpanawan uray iti macanawan uray iti macatigid, tapno agbanagcanto a sisasayaat iti sadinoman a papanam.

8Daytoy a libro ti linteg dinto umadayo ita ngiwatmo: no di ket iti aldaw ken iti rabii Sal. 1:2.panpanunotemto, tapno tungpalem nga aramiden ti cas mayalubog iti isua-min nga adda a naisurat kencuana: ta iti casta parang-ayemto ti dalanmo ket iti casta addanto naimbag a banagmo.

9 Deut. 31:7, 8, 23. Saanco aya nga imbilin kenca? Bumilegca, ket umingelca: saanca nga agbuteng ket Deut. 1:29; 7:21.dica met agcullayaw: ta ni Jehova a Diosmo adda kenca iti sadinoman a papanam.

10Idin ni Josue binilinna dagiti Jos. 8:33; 23:2.turturayen ti ili, a kinunana,

11Magnacayo ket lasatenyo daytoy a pacarso ket ibilinyo cadagiti tattao, a cunayo, Mangsaganacayo iti taraon: Jos. 3:2.ta iti uneg ti tallo nga al-aldaw bumallasiwcayto itoy Jordan tapno sumreccayo nga agtagicua iti daga, a ni Jehova a Diosyo itedna cadacayo, tapno isu ti tagicuaenyo.

12Ket ni Josue nagsao cadagiti Rubenitas, ken cadagiti Gaditas, ken iti caguddua ti caputotan ni Manases, a kinunana,

13Lagipenyo ti sao nga imbilin ni Moises, nga adipen ni Jehova cadacayo, a Num. 32:20, 28.kinunana, Ni Jehova a Diosyo iniccannacayo iti inana, ket itednanto daytoy a daga.

14Dagiti assawayo, annacyo ken dagiti an-animalyo agyandanto iti daga a ni Moises intedna cadacayo iti ballasiw ti Jordan; ngem bumallasiwcayto a siiigam, amin dagiti lallaki a napigsa ken maingel iti Ex. 13:18. Jos. 4:1.masangoanan dagiti cacabsatyo, ket tulonganyonto ida:

15Inggana iti ni Jehova maitednan iti inana cadagiti cacabsatyo, a cas iti pannangtedna cadacayo, ket isuda Jos. 22:4.tagicuaendanto met ti daga a ni Jehova a Diosyo itedna cadacuada: ket iti casta agsublicayton iti daga a pagtagicuaanyo, ket isu ti tagicuaenyo, isu a ni Moises nga adipen ni Jehova intedna cadacayo iti ballasiw ti Jordan nga agturong iti leleggacan ti init.

16Ket idin simmungbatda ken ni Josue, a kinunada, Amin nga imbilinmo cadacami aramidenminto, ket mapancamto iti uray sadino a pangibaonam cadacami.

17Cas iti panangipangagmi idi ken ni Moises cadagiti isu-amin a banbanag, casta met ti panangipangagminto kenca: ni Jehova a Diosmo adda coma laeng kenca a cas iti kinaaddana idi bil. 5. 1 Sam. 20:13.ken ni Moises.

18Uray siasino a Deut. 1:26.sumalungasingto iti bilinmo, ket saan a dumngegto cadagiti sasaom iti amin nga ibilinmonto kencuana, mapapatayto; isuna laeng a bil. 6, 7, 9. 1 Cor. 16:13.bumilegca ken umingelca.