ESDRAS 1 - Ilokano Form-Based Bible: Ti Biblia (1973)

Ti bilin ni Ciro a maipapan iti templo. Dagiti gamgameng ti templo maisublida.

1Idi umuna a tawen ni Ciro nga ari ti Persia, tapno ti sao ni Jehova iti pannacaaramat ti 2 Cron. 36:22-23.ngiwat ni Jeremias matungpal coma, ni Jehova tinignayna ti espiritu ni Ciro nga ari ti Persia iti casta isu nangaramid ti maysa a panangiwarragawag iti amin a pagarianna, ket incabilna met idi surat, a kinunana,

2Castoy ti cuna ni Ciro nga ari ti Persia, Isu-amin a pagpagarian ti daga inted caniac ni Jehova, a Dios ti langit Isa. 44:28; 45:1, 13.ket incumitna caniac nga isu ibangonac ti maysa a balay idiay Jerusalem, nga adda sadi Juda.

3Uray siasinoman nga adda cadacayo amin nga ilina, ti Diosna adda coma kencuana, ket sumang-at coma idiay Jerusalem, nga adda sadi Juda, ket bangonenna ti balay ni Jehova, ti Dios ti Israel Dan. 6:26.(isu Dios), nga adda idiay Jerusalem.

4Ken uray siasinoman a mabati, iti uray ania a dissoa paggangannaetanna, dagiti lallaki ti dissona isu ti tulonganda coma iti pirac, ken iti balitoc, ken cadagiti cucua, ken cadagiti animal, sabali laeng ti daton ti sibubulos a nakem a maipaay iti balay ti Dios nga adda idiay Jerusalem.

5Idi a casta timmacder dagiti pangpangoloen dagiti balbalay dagiti amma ti Juda, ken ti Benjamin, ken dagiti papadi, ken dagiti Levitas, amin met laeng a ti espirituda tinignay ti Dios tapno sumang-at a mangbangon ti balay ni Jehova nga adda idiay Jerusalem.

6Ket amin dagiti adda idi iti aglicmut pinapigsada dagiti im-imada cadagiti al-alicamen a pirac, balitoc, sansanicua ken an-animal, ken banbanag a napateg, sabali laeng ti amin a naidaton iti sibubulos a nakem.

7Casta met a ni ari Ciro Esd. 5:14; 6:5.inruarna dagiti al-alicamen ti balay ni Jehova, nga innala idi ni Nabucodonosor idiay Jerusalem, ket 2 Cron. 36:7.incabilna idi iti balay dagiti didiosna;

8Dagidiay met laeng ni Ciro nga ari ti Persia innalana iti pannacaaramat ti ima ni Mitridates a Esd. 7:21.tesorero, ket Esd. 5:14.binilangna ida ken Sesbassar, a pangolo ti Juda.

9Ket daytoy ti bilang dagidiay: tallopulo a patilambo a balitoc, sangaribu a patilambo a pirac, duapulo ket siam nga immoco.

10Tallopulo a malucong a balitoc, malmalucong a pirac ti maicadua a kita uppat a gasutda ket sangapulo ket dagiti sabsabali nga al-alicamen sangaribuda.

11Amin dagiti al-alicamen a balitoc ken pirac lima ribuda ket uppat a gasut. Amin dagitoy innala ni Sesbassar, idi dagiti naggapu iti pannacacayaw naisang-atda a naigapu iti Babilonia agingga iti Jerusalem.