JOB 15 - Ilokano Form-Based Bible: Ti Biblia (1973)

Ti maicadua a bitla ni Elifaz a Temanita, tubngarenna ti atap ni Job.

1Idin simmungbat ni Job 2:11.Elifaz a Temanita, ket kinunana,

2Ti tao a Job 12:3; 13:2.masirib sumungbat aya coma agraman Job 16:3.ubbaw a pannacaammo, ken punnoenna ti bagina iti casaor?

3Iti barengbareng a panagsao aya ti pakisupiatna, wenno cadagiti bitbitla aya a saan a macatulong?

4Wen, iccatem ti buteng, ket tipdem ti panagdaydayaw iti saclang ti Dios.

5Ta ti kinadangkesmo isurona ta ngiwatmo, ket piliem ti dila ti nasicap.

6Ta bucodmo a ngiwat dusaennaca, ket saan a siac; wen, dagiti bucodmo a bibig mamanecnecda a maibusor kenca.

7Sica aya ti umuna a tao a nayanac? Wenno naipasngayca aya iti casacbayan dagiti turturod?

8Nangngegmo aya ti Jer. 23:18.nalimed a patigmaan ti Dios? Ket cabucbucudam aya laeng iti sirib?

9 Job 13:2. Ania aya ti ammom, a dicami ammo? Ania aya ti maawatam, nga awan cadacami?

10 Job 12:12; 32:6, 7. Cadacami adda nga agpadpada ub-ubanan ken lallacay unay a tattao, a laclacayda ngem ni amam.

11Bassit aya dagiti pangliwliwa ti Dios a maipaay kenca, ti met laeng sao a naalumamay nga agturong kenca?

12Apay ta pusom ipanawnaca? Ken apay dagita matam agkiremkiremda,

13Tapno iturongmo ta espiritum a maibusor iti Dios ken palubosam a rumuar dagiti sasao ita ngiwatmo?

14 Job 24:4-6. Ania ti tao, tapno nadalus coma? Ken ti mayanac iti babai, tapno nalinteg coma?

15Adtoy, saan nga agtalec cadagiti Job 5:1.sasantona: wen, dagiti langlangit saanda a nadalus iti imatangna:

16Ad-adda pay ti maysa a macarimon ken agrupsa, Job 34:7. Sal. 73:10.ti maysa a tao a manginum iti kinadangcoc a cas la danum!

17Iparangarangconto kenca, denggennac; ket ti nakitac ipalawagconto:

18(A dagiti mamasirib a tattao Job 8:8. Isa. 3:9.imbagada nanipud cadagiti ammada, ket isu dida inlemmeng;

19Cadagidiay laeng a ti daga maited, ket Joel 3:17.awan ti gangannaet a limmasat cadacuada):

20Ti nadangcoc a tao agbannog a situtuoc cadagiti amin nga aldawna, ti met laeng bilang dagiti tawen a naaywanan a maipaay iti mamarigat.

21Maysa nga aweng dagiti pakigtotan adda cadagiti lapayagna; 1 Tes. 5:3.iti kinarang-ay ti managdadael umay iti rabawna.

22Dina patien nga agsublinto a rumuar iti kinasipnget, ket mayuray a maipaay iti campilan.

23 Sal. 59:15; 109:10. Agcallautang iti ruar a gapu iti tinapay, a cunana, Sadino ti yanna? Ammona a ti aldaw ti kinasipnget addan nga agdama kencuana.

24Rigat ken talipungaw ti mamagbuteng kencuana: agballigida a maibusor kencuana, cas maysa nga ari a sisasagana iti gubat.

25Agsipud ta inyunnatna ti imana a maibusor iti Dios, ket patangsitenna ti bagina a maibusor iti Mannacabalin;

26Agtaray a sisisickil ti tengngedda a maibusor kencuana; agraman cadagiti napuscol a bungcong dagiti calasagna;

27 Sal. 17:10; 73:7; 119:70. Agsipud ta inabbonganna ti rupana iti kinalucmegna, ket inurnongna ti lucmeg iti rabaw dagiti lomlomona;

28Ket nagnaed cadagiti naglangalang nga ili, cadagiti balbalay a saan a nagnaedan dagiti tattao. A naisaganada nga agbalin a ginabgabsoon;

29Dinto agbacnang, dinto agtuloy ti cucuana, dinto maipalawa dagiti tagicuaenna iti daga.

30Isu dinanto panawan ti kinasipnget; ti darang gangoennanto dagiti sangsangana, ket gapu iti sangaw ti ngiwat ti Dios pumanawto.

31Saan coma nga agtalec iti kinaubbaw, nga allilawenna ti bagina: ta ti kinaubbaw isunto ti gungunana.

32 Job 22:16. Sal. 55:23; 102:24. Manungpalto iti sacbay ti pannawenna, ket ti Isa. 9:14.sangana dinto lumangto.

33Isu regregennanto ti Isa. 18:5.naganus a bunga a cas iti uvas, ket tinnagennanto ti sabongna a cas iti olivo,

34Ta ti bunggoy ti nadangkes eppuesto. Ket ti apuy runawennanto dagiti toltolda ti pannocsoc.

35 Sal. 7:14. Isa. 59:4. Nagsicugda iti ranggas ket agipasngayda iti kinadangkes. Ket ti pusoda mangisagana iti allilaw.