DAGITI SALMO 20 - Ilokano Form-Based Bible: Ti Biblia (1973)

Cararag iti Panagballaigi cadagiti Cabusor. Iti agpangolo a Musico. Salmo ni David.

1Ni Jehova sungbatannaca coma iti aldaw ti ducot; Prov. 18:10.ti nagan ti Dios ni Jacob itan-ocnaca coma;

2Ibaonannaca coma iti badang manipud iti 2 Cron. 20:8. Sal. 73:17.santuario, ket pabilgennaca coma manipud Sal. 128:5.Sion;

3Lagipenna coma amin dagiti datdatonmo, ket acoenna coma ti pinuuran a sacrificiom; (Selah)

4 Sal. 21:2. Itdenna coma kenca ti tarigagay ta pusom, ket tungpalenna coma amin a bagbagam.

5 Sal. 9:14. Agballigicamto iti panangisalacanmo, ket Sal. 60:4.iti nagan ti Diostayo ibayogtayto dagiti wagaywaytayo: Ni Jehova tungpalenna coma amin dagiti dawatmo.

6Ita ammocon a ni Jehova salacnibanna ti Sal. 2:2.pinulotanna; sungbatannanto manipud iti nasantoan a langitna babaen iti mangisalacan a pigsa ti macanawan nga imana.

7 Prov. 21:31. Isa. 31:1. Dadduma agcammatalecda cadagiti luglugan, ket dadduma cadagiti cabcabayo; 2 Cron. 32:8.ngem datayo dacawatentayo ti nagan ni Jehova a Diostayo.

8Isuda macusbo ket mapadsoda; ngem datayo nabangontayo, ket agtacdertayo a sililinteg.

9Mangisalacanca, Jehova: ti Ari sungbatannacami coma no umawagcami.