1Cadagidi nga aldaw ni Ezekias Aginga bil. 8. 2 Ar. 20:1-6; 9:11.nagsakit iti macapatay. Ket ni Isaias a mammadto nga anac ni Amoz immay kencuana, ket kinunana kencuana, Castoy ti cuna ni Jehova, Urnosem ti balaymo; ta mataycanto, ket dicanto agbiag.
2Idin ni Ezekias intaliawna ti rupana iti diding, ket nagcararag ken ni Jehova,
3Ket kinunana, Lagipem ita, Neh. 13:14.O Jehova, gumawawaac kenca, no casano ti pannagnac idi ita saclangmo iti kinapudno ken iti maysa a natarnaw a puso, ket inaramidco daydiay a naimbag ita imatangmo. Ket ni Ezekias nagsangit iti nasaem.
4Idin immay ti sao ni Jehova ken ni Isaias a kinunana,
5Inca, ket cunaem ken ni Ezekias, Castoy ti cuna ni Jehova, ti Dios ni David nga amam, Nangngegco ti cararagmo, nakitac dagiti luluam: adtoy, nayonac dagiti al-aldawmo iti sangapulo ket lima a tawen.
6Ket ispalencanto ken daytoy nga ili iti ima ti ari ti Asiria, ken salacnibacto Isa. 37:35.daytoy nga ili.
7Ket daytoyto ti pagilasinan kenca nga aggapu ken ni Jehova, a ni Jehova aramidennanto daytoy a banag nga insaona:
8 2 Ar. 20:9, 10. Adtoy, aramidecto ti aniniwan cadagiti gerger, a bimmaba iti cuadrante ni Acaz iti init, nga agsanud iti sangapulo a gerger. Iti casta ti init nagsanud iti sangapulo a gerger iti cuadrante a bimmabaanna.
9Ti surat ni Ezekias nga ari ti Juda, idi nagsakit, ken naimbagan iti sakitna.
10Kinunac, Iti matoon dagiti al-aldawco innacto cadagiti ruangan ni Tanem. Naiccat caniac dagiti tidda dagiti tawenco.
11Kinunac, Diacto makita ni Jehova, ni Jehova met laeng Sal. 27:13; 116:9.iti daga dagiti nabiag: diac macakitan iti tao agraman cadagiti agnaed iti lubong.
12 Job 7:6. Ti pagtaengac mayalis, ken mayadayu caniac a 2 Cor. 5:1.cas maysa a tolda ti agpaspastor: linucotco ti biagco a cas la maysa nga agabel; lapsutennacto iti pagablan: manipud iti aldaw agingga iti rabii paggibusennac.
13Nagtalnaac agingga iti bigat; a cas maysa a leon, casta ti panangbungtolna cadagiti amin a tultulangco: manipud iti aldaw agingga iti rabii met laeng pagturpusennac.
14Cas la maysa a salsallapingaw, wenno tipor, casta ti panagit-itco; Isa. 59:11.nagunonnoyac a cas la calapati; Sal. 69:3.dagiti matac cumapuyda a gapu iti panangitangad: O Jehova, maparigatac, sica cadi ti talgedco.
15Ania ti saoecto? isu nagsao caniac, ken isu met laeng inaramidna: magnaacto a sipapacumbaba iti amin dagiti tawenco 1 Ar. 21:27.gapu iti pait toy cararuac.
16O Apo, gapu cadagitoy a banbanag dagiti tattao agbiagda; ket idiay amin ti yan ti biag ti espirituc: gapuna a paimbagennac, ken pagbiagennac.
17Adtoy, maipaay iti talnac naaddaanac iti dackel a kinapait: ngem sica inayatmo toy cararuac insalacanmo iti dariwangwang ti panagrupsa; ta sica imbacalmo amin a basbasolco iti licudam.
18 Sal. 9:5; 30:9; 88:11; 115:17. Ecle. 9:10. Ta ni Tanem dinaca mabalin a dayawen, ni patay dinaca rambacan: Sal. 28:1.dagiti umulog iti dariwangwang dida mabalin nga inanamaen ti kinapudnom.
19Ti sibibiag, ti sibibiag, dayawennacanto, cas aramidec ita nga aldaw: Deut. 4:9. Sal. 78:3, 4.ti ama ipacaammonanto ti kinapudno cadagiti annac.
20Ni Jehova madadaan a mangisalacan caniac: gapuna a cantaentayto dagiti cancantac agraman gamgamigam a kinuerdasan iti amin nga aldaw dagiti biagtayo iti balay ni Jehova.
21 2 Ar. 20:7. Ket ni Isaias kinunana idi, Mangalada coma ti sangcatipkel nga higos, ket itapalda iti bosalina, ket umimbagto.
22Ni 2 Ar. 20:8.Ezekias kinunana met idi, Ania ti pagilasinan a siac umuliacto iti balay ni Jehova?
Who We AreWhat We EelieveWhat We Do
2025 by iamachristian.org,Inc All rights reserved.
