DAGITI PROVERBIO 31 - Ilokano Form-Based Bible: Ti Biblia (1973)

Patigmaan ti maysa nga ina iti anacna nga ari. Pagilasinan ti maicari a babai.

1Dagiti sasao ni Ari bil. 4. Prov. 16:1.Lemuel; ti padto nga insuro kencuana ni inana.

2Ania, anacco? Ket ania, O Isa. 49:15.anac toy tianco? Ket ania, O anac dagiti carcaric?

3 Prov. 5:9. Dica itden ta pigsam cadagiti babbai, casta met dagiti dalanmo iti Deut. 17:17. 1 Ar. 11:1. Neh. 13:26.macadadael cadagiti ari.

4 Ecle. 10:17. Saan a maipaay cadagiti ar-ari, O Lemuel, saan a maipaay cadagiti ar-ari ti panaginum iti arac; saan met a maipaay cadagiti piprincipe ti panagcuna, Sadino ti ayan ti naingel nga inumen?

5 Os. 4:11. Di la ket ta uminumda, ket malipatanda ti linteg, ket killoenda ti kinajusticia iti siasinoman a mapaldaangan.

6 Sal. 104:15. Iccam iti naingel nga inumen daydiay nganngani mapucawen, ken arac iti daydiay sipapait ti cararuana:

7Bay-am ta uminum, ket malipatanna ti kinapanglawna, ket dina coma malagipen ti kinay-ay-ayna.

8 Job 29:15, 16. Lucatam ta ngiwatmo nga iservim iti umel, Est. 4:16.iti pacaringgoran dagiti amin a mapaspasia.

9Luctam ta ngiwatmo, Lev. 19:15. Deut. 1:16.mangocomca a sililinteg, ken salimetmetam ti kinajusticia cadagiti napanglaw ken nacurapay.

10 Prov. 12:4; 18:22. Ti natalunggadingan a babai asino ti macasarac? Ta ti pategna nangatngato ngem rubrubi.

11Ti puso ti asawana sitatalec kencuana, ket saanto a macurangan iti magunguna.

12 Ni babai mangipaayto kencuana iti naimbag a saan ket a dakes cadagiti amin nga al-aldaw ti panagbiagna.

13Isu agbiruc iti de lana ken lino. Ket aramidenna a siaayat cadagiti im-imana.

14Arig la cadagiti sasacayan ti lumalaco: paaddaenna ti tinapayna manipud iti adayu.

15Bumangon met no rabii pay laeng, ket Luc. 12:42.iccanna iti canen ti familiana, ken iti aramidenda cadagiti tagabuna a babbai.

16Panpanunotenna ti maysa a talon, ket gatangenna; iti gapuanan dagiti im-imana macamula iti maysa nga inuvasan.

17Baricsanna dagiti lomona iti kinabileg, ket papigsaenna dagiti tackiagna.

18Maricnana a ti tagilacona magungunaan; ti pagsilawanna saan a maiddep nga agpatnag.

19Iyiggemna dagiti imana iti rueda, ket dagiti imana captenda ti tacbian.

20 Efe. 4:28. Heb. 13:16. Iyucradna ti daculapna cadagiti napanglaw; wen, iyunnatna dagiti imana cadagiti nacurapay.

21Saan nga agbuteng iti nieve a maipaay iti familiana; ta dagup ti familiana sipapagan-anay iti escarlata.

22Agaramid iti agservi kencuana met laeng nga apap a napuscol; ti pagan-anayna nalapat a lienzo ken purpura.

23Ni asawana Prov. 12:4.mabigbig cadagiti Rut. 3:11; 4:1, 2.ruruangan, no makipagtugaw cadagiti panglacayen iti daga.

24Agaramid cadagiti cawcawes a lienzo ket ilacona ida, ken agyawat cadagiti barbarikes iti lumalaco.

25Kinabileg ken kinatacneng ti pagcawesna; ket pagcatawaanna ti pannawen a dumteng.

26Luctanna ti ngiwatna a buyugen ti kinasirib; ket ti linteg ti kinamanagayat adda iti dilana.

27Imatanganna a nalaing dagiti daldalan ti familiana, ket saan a mangan iti tinapay ti kinasadut.

28Dagiti annacna bumangonda, ket naganenda a naingasatan; ti met asawana, ket idaydayawna a cuncuna:

29Adu nga inanac a babai nagaramidda a maicari unay, ngem sica atiwem amin ida.

30Ti imnas mangallilaw, ket ti kinasaya-at ubbaw; ngem ti babai nga agbuteng ken ni Jehova maidaydayawto.

31Iccam iti gapuanan dagiti im-imana; ket dagiti aramidna mangidaydayawda coma kencuana cadagiti ruruangan.