1Ket naaramid idi 2 Ar. 18:13. 2 Cron. 32:1.maicasangapulo ket uppat a tawen ni ari Ezekias, a ni Sennakerib nga ari ti Asiria simmang-at a maibusor cadagiti amin a nasarikedkedan nga il-ili ti Juda, ket innalana ida.
2 Aginga bil. 37:38. 2 Ar. 18:17-19, 37. Ket ti ari ti Asiria imbaonna nanipud Lakis agingga iti Jerusalem ken ni ari Ezekias ni Rabsaces a caduana ti maysa a dackel a buyot. Ket isu nagtacder iti denna ti calasugan ti nangatngato a tangke iti calsada ti talon ti agpappapuscol iti lupot.
3Idin immay kencuana ni Eliakim nga anac ni Helcias, isu a Isa. 22:15.mayordomo idi, ken ni Sebna nga escriba, ken ni Joah nga anac ni Asaf a registrador.
4Ket ni Rabsaces kinunana cadacuada, Cunaenyo ita ken ni Ezekias, Castoy ti cuna ti dackel nga ari, ti ari ti Asiria, Ania a pagtalcan dayta a kencuana agtaleccayo?
5Cunac, ti patigmaanmo ken ti pigsam a maipaay iti gubat bin-igda amin nga ubbaw a sasao: ita siasino aya ti pagtalcam, a sica immalsaca a maibusor caniac?
6Adtoy, sica agtalecca iti cayo dayta Eze. 29:6, 7.naparpar a runo, a ti met laeng Egipto, isu a no ti maysa a tao agsadag, isu sumrecto iti imana, ken isu ti salputenna: Isa. 30:3; 31:1.casta ni Faraon nga ari ti Egipto cadagiti isu-amin nga agtalec kencuana.
7Ngem no cunaem caniac, Agtaleccami ken ni Jehova a Diosmi: saan aya nga isu daydi, a dagiti dissona a nangato ken dagiti altarna iniccat ni Ezekias, ket kinunana iti Juda ken iti Jerusalem, Agcararagcayto iti sangoanan daytoy nga altar?
8Ita ngarud, agdawatac kenca, nga iccam coma ni apoc nga ari ti Asiria cadagiti pammatalged, ket iccancanto iti dua ribu a cabcabayo, no mabalinmo ti mangisaad cadagiti agsacay cadacuada.
9Casano ngarud ti pannacabalinmo a mamagtuckiad iti rupa ti maysa a capitan dagiti cababassitan cadagiti ad-adipen ni apoc, Sal. 20:7.ket isaadmo ti panagtalecmo iti Egipto a gapu cadagiti luglugan ken tattao nga agcacabayo?
10Ket ita immuliac aya a diac kinaddua ni Jehova a bumusor itoy a daga tapno dadaelec? Ni Jehova kinunana caniac, Sumang-atca a maibusor itoy a daga, ket dadaelem.
11Idin da Eliakim ken Sebna ken Joah kinunada ken ni Rabsaces, Agdawatac kenca, agsaoca cadagiti ad-adipenmo iti pagsasao ti Siria; ta isu ti maawatanmi: ket dica coma makisao cadacami iti pagsasao dagiti Judio, cadagiti lapayag dagiti tattao nga addada iti rabaw ti bacud.
12Ngem ni Rabsaces kinunana, Imbaonnac ni apoc aya ken ni apom ken iti sica, a mangisao cadagitoy a sasao? saannac nga imbaon aya cadagiti tattao nga agtugaw iti rabaw ti bacud, a makicaan cadacayo iti iblengda, ken makicainum cadacayo iti isbuda met laeng?
13Idin ni Rabsaces timmacder, ket imkis iti natbag a timec iti pagsasao dagiti Judio, ket kinunana, Denggenyo dagiti sasao ti dackel nga ari, ti ari ti Asiria.
14Castoy ti cuna ti ari, ni Ezekias dinacayo coma allilawen; ta dinacayto mabalin nga isalacan:
15Ket ni Ezekias dinacayto met coma pagcammatalken ken ni Jehova, a cunaenna, Ni Jehova ispalennatayto a di bumurong; daytoy nga ili saanto a maited iti ima ti ari ti Asiria.
16Dicayo ipangag ni Ezekias: ta castoy ti cuna ti ari ti Asiria, Makicappiacayo caniac, ket rumuarcayo agingga caniac; ket mangancayo tunggal maysa iti uvasna, ken tunggal maysa iti higosna, ken uminumcayo tunggal maysa cadagiti danum ti tangkena met laeng;
17 2 Ar. 13:11. Agingga iti umayac ket ipancayo iti maysa a daga a cas iti dagayo, maysa a daga ti trigo ken baro nga arac, maysa a daga ti tinapay ken cauvasan.
18Agannad cayo di la ket ta ni Ezekias mauyutannacayo, a cunana, Ni Jehova ispalennatayto. Adda aya asinoman cadagiti didios dagiti nasnacion a nangisalacan iti dagana iti ima ti ari ti Asiria?
19Sadino aya ti yan dagiti didios ti Hamath ken ti Arfad? sadino aya ti yan dagiti didios ti Sefarvaim? ket inispalda aya ti Isa. 7:9.Samaria iti imac?
20Siasinoda aya cadagiti amin a didios itoy a dagdaga, a nangispal idi iti dagada iti imac, tapno ni Jehova ispalanna coma ti Jerusalem iti imac?
21Ngem nagulimecda, ken dida sinungbatan iti maysa a balicas; ta isu ti imbilin idi ti ari a kinunana, Dicayo sumungbat kencuana.
22Idin immayda ken ni Ezekias da Eliakim nga anac ni Helcias, nga isu idi ti mayordomo, ken ni Sebna nga escriba, ken ni Joah nga anac ni Asaf, a registrador, a sigigisgis dagiti cawesda, ket imbagada kencuana dagiti sasao ni Rabsaces.
Who We AreWhat We EelieveWhat We Do
2025 by iamachristian.org,Inc All rights reserved.
