DAGITI SALMO 34 - Ilokano Form-Based Bible: Ti Biblia (1973)

Ni Jehova Mangimaton ken Mangispal. Salmo ni David; idi binaliwanna ti langana iti saclang ni Abimelech isu a namassia kencuana, ket pimmanaw.

1Idaydayawconto ni Efe. 5:20.Jehova cadagiti amin a tiempo: ti pannacaidaydayawna agnanayonto nga adda iti ngiwatco.

2Ti cararwac pagpaspasindayagnanto ni Sal. 69:30. Luc. 1:46.Jehova: dagiti naemma mangngegdanto, ket agrag-oda.

3O bumuyogcayo caniac a mangipangrona ken Jehova, ket itan-octayo coma nga agtitimpuyog ti naganna.

4 Mat. 7:7. Binirbirocco ni Jehova, ket isu sinungbatannac, ket inispalnac cadagiti amin a panagbutbutengco.

5Kimmitada kencuana, ket Isa. 60:5.nagraniagda; ket dagiti ruprupada uray caanoman didanto agmalmalanga.

6Toy nanumo a tao imkis, ket dinengngeg ni Jehova, ket insalacanna cadagiti amin a ducducotna.

7 Ex. 23:20, 23. Ti angel ni Jehova Gen. 23:2. Zac. 9:8.alicubcubenna dagiti agbuteng kencuana, ket ispalenna ida.

8 1 Ped. 2:3. O nanamenyo ket kitaenyo ta ni Jehova naimbag: Sal. 2:12.nagasat ti tao a cumamang kencuana.

9O agbutengcayo ken Jehova, dacayo a sasantosna; ta awan pagcurangan cadagiti agbuteng kencuana.

10Dagiti Job 4:10, 11.urbon a leon makiranganda, ket agsagabada iti bisin; Sal. 37:25.ngem dagiti mangbiroc ken Jehova saandanto a macurangan iti aniaman a naimbag.

11Umaycayo, dacayo nga annac, tumimudcayo caniac: isurocto cadacayo ti panagbuteng ken Jehova.

12 1 Ped. 3:10-12. Siasino a tao ti agcalicagum iti biag, ken agayat iti adu nga al-aldaw, tapno macakita iti imbag?

13Aluadam ta dilam iti dakes, ken dagita bibigmo 1 Ped. 2:22.iti panagsaoda iti kinasicap.

14 Sal. 37:27. Job 28:28. Pagpanawam ti dakes, ket aramidem ti imbag; Rom. 14:19. Heb. 12:14.birokem ti talna, ket isu ti surotem.

15 Job 36:7. Sal. 33:18. Dagiti mata ni Jehova sisisirayda cadagiti sililinteg, ket dagiti lapayagna silulucatda iti ickisda.

16 Jer. 44:11. Ti rupa ni Jehova maibusor cadagiti agaramid iti dakes, Job 18:17.tapno gupdenna ti pacalaglagipan cadacuada ditoy daga.

17 Dagiti nalinteg nagickisda ket dinengngeg ni Jehova, ket inispalna ida cadagiti amin a ducducotda.

18Ni Jehova adda iti Sal. 51:17; 147:3. Isa. 61:1.asideg cadagiti sitatarumpingay ti pusoda, ket isalacanna dagiti sibabawi ti espirituda.

19 2 Tim. 3:11, 12. Adu dagiti sicsicor ti nasingpet; ngem ni Jehova ispalenna cadacuada amin.

20Aluadanna amin a tultulangna: Juan 19:36.awan uray maysa cadacuada ti mabongtol.

21Ti dakes patayennanto ti nadangkes; ket dagiti gumurgura iti nasingpet madusaandanto.

22 Sal. 71:23. Ni Jehova subbotenna ti cararwa dagiti ad-adipenna; ket cadagiti cumamang kencuana awanto ti madusaan.