DAGITI SALMO 58 - Ilokano Form-Based Bible: Ti Biblia (1973)

Cararag tapno madusa dagiti nadangkes. Ken agpangolo a Musico; maitonos iti Altashheth. Salmo ni David. Michtam.

1Pudno aya met laeng nga iti kinaulimec agsaocayo iti kinalinteg? Agipatocayo aya met laeng a sililinteg, O dacayo nga annac dagiti tattao?

2Saan, iti uneg ti puso agaramidcayo iti kinadakes; Timbengenyo ti ranggas dagiti im-imayo ditoy daga.

3Dagiti nadangkes naisupadidan manipud iti aanacan: sumiasidan apaman a mayanacda, nga agsaoda cadagiti ulbod.

4 Sal. 140:3. Ecle. 10:11. Ti gitada cas gita ti uleg: Jer. 8:17.casda la carasaen a tuleng a rinepcanda ti lapayagda,

5A dina mangngeg ti timec Ecle. 10:11.dagiti manangayaw, uray pay dagiti calaingan a mangayaw.

6Pusiem dagiti ngipngipenda, cadagiti ngiwatda, Job 4:10.O Dios; pusiem dagiti sangsangi dagiti cabanbannoaganna a leon, O Jehova.

7 Jos. 7:5. Sal. 112:10. Aglunagda cadi a cas danum nga agayus a nataray: no isirigna dagiti panana, arig la coma maputed.

8Casda la coma bisucol a marunaw ken agpucaw, Job 3:16. Ecle. 6:3.

cas iti alis ti maysa a babai, a saan a nacakita iti init.

9 Ecle. 7:6. Sacbay ti pannacaricna dagiti bangam cadagiti apuy ti sisiit, Job 27:21.isu pucawennanto ida iti alipugpug, ti nalangto ken ti macset agpada.

10 Sal. 32:11. Ti nalinteg agrag-onto no makitana Isa. 63:3. Apoc. 14:20.ti pammales: ibuggonanto dagiti sacsacana Sal. 68:23.iti dara ti nadangkes;

11 Sal. 92:15. Tapno iti casta dagiti tattao cunaendanto, pudno nga adda gunguna cadagiti nalinteg: pudno nga adda Dios a Sal. 9:8.mangocom ditoy daga.