ISAIAS 24 - Ilokano Form-Based Bible: Ti Biblia (1973)

Ti panangocom ni Jehova cadagiti nasnacion.

1Adtoy, ni Jehova aramidenna ti daga nga agongaong, ken aramidenna a langalang, ken isu balictadenna, ken iwarawarana dagiti agtaeng kencuana.

2Ket Os. 4:9.castanto, a no casano iti umili, casta met iti padi; no casano iti adippen, casta met iti apona, no casano iti tagabu a babbai, casta met iti apona a babai; no casano iti aggatang, casta met iti aglaco; no casano iti mamautang, casta met iti umutang; no casano iti manggun-od iti anac ti piracna, casta met iti mangted iti anac ti pirac kencuana.

3Ti daga agongaongto unay, ken aglangalangto a naananay; ta ni Jehova insaona daytoy a sao.

4Ti lubong agdung-aw ken aglabas, ti lubong malpes ken aglabas, dagiti nangato a tattao ti daga malpesdanto.

5 Num. 35:33. Ti lubong met narugitan babaen cadagiti agtaeng kencuana; agsipud ta naglabsingda cadagiti linteg, kinaniwasda dagiti bilbilin, Isa. 33:8.rinacracda ti agnanayon a tulag.

6Gapuna a ti panangilunod inalun-unna ti daga, ken dagiti agtaeng kencuana nasaracan ida a nacabasol: gapuna a dagiti agtataeng iti daga mapuuranda, ket bassit a tattao ti malabasan.

7Ti baro nga arac Isa. 16:8, 9. Joel 1:10, 12.agdung-aw, ti cayo ti uvas malpes, amin dagiti naragsac a puso agsainnecda.

8Ti ragsac Jer. 7:34.ti pandereta agsardeng, manungpal ti daranudor dagiti agragrag-o, ti ragsac ti arpa agsardeng.

9Didanto uminum iti arac a buyogan ti maysa a canta; ti naingel nga inumen napaitto cadagiti manginum kencuana.

10 Isa. 34:11. Ti maracrac nga ili marsuod; tunggal balay maripcan, tapno awan ti tao a macastrec.

11Adda maysa a panagickis cadagiti calcalsada a gapu iti arac; amin a rag-o agcudrep, ti ragsac ti daga pimmanawen.

12Panaglangalang isu ti mabati iti ili, ket ti ruangan maracrac a marba.

13Ta castoyto iti tengnga ti lubong iti nagtetengngaan dagiti il-ili a Isa. 17:6.cas iti pannacagungon ti maysa a cayo nga olivo, a cas iti Isa. 1:9.panagadadas cadagiti bungbunga no ti panagburas nalpasen.

14Dagitoy idackeldanto ti timecda, Isa. 35:10.agriawdanto; maipaay iti kinadayag ni Jehova agickisda iti natbag manipud iti baybay.

15Gapuna nga idaydayawyo ni Jehova iti daya, iti Mal. 1:11.nagan met laeng ni Jehova, a Dios ti Israel cadagiti Isa. 11:11.purpuro ti taaw.

16Manipud caadayuan a paset ti daga nacangngegcami cadagiti cancanta: Dayaw iti nalinteg. Ngem kinunac, Cumpesac, cumpesac, asiac pay! Isa. 21:2.ti manangliliput agaramid a sililiput unay; wen, ti manangliliput agaramid a sililiput unay.

17Ti buteng, Jer. 48:43, 44.ken ti dariwangwang, ken ti silo, naiparabawda kenca, O agnaed iti daga.

18Ket maaramidto, a ti agtalaw nga aggapu iti daranudor ti buteng matnagto iti dariwangwang; ket ti rumuar iti tengnga ti dariwangwang masiloanto; ta dagiti tawa sadi Gen. 7:1.ngato nalucatanda, ken dagiti pamuon ti daga Sal. 18:7.agkintayegda.

19Ti daga maburac a matalipupus, ti daga mapisi nga agsina, ti daga magungon a napigsa unay.

20Ti daga agbarbariringto a cas maysa a tao a Isa. 19:14.nabartec, Isa. 1:8.ken maitoltolod nga agsublisubli a cas maysa nga indayon; ket dagiti labsingna dumagsento kencuana, ken mapasagto, ket saanto a bumangonen.

21Ket maaramidto Isa. 2:11.iti dayta nga aldaw, a ni Jehova dusaennanto ti buyot dagiti nangato iti ngato ken Sal. 76:12.dagiti ar-ari ti daga iti rabaw ti daga.

22Ket maurnongdanto, a cas cadagiti balbalud a maurnong iti dariwangwang, ken mapupocdanto iti pagbaludan; ket iti calpasan dagiti adu nga al-aldaw masarungcarandanto.

23Isunton Mat. 24:29.ti pannacariribuc ti bulan, ket ti init mabainanto; ta ni Apoc. 11:15.Jehova dagiti buybuyot agarinto idiay Heb. 12:22.bantay Sion, ken sadi Jerusalem; ket iti sangoanan dagiti panglacayenna addanto dayag.