DAGITI PROVERBIO 22 - Ilokano Form-Based Bible: Ti Biblia (1973)

Nadumaduma nga al-alagaden ken pangpaannad.

1Ti naimbag a pacasasaoan Ecle. 7:1.adadda a pilien ngem iti dackel a kinabacnang, ket ti naayat a parabur adadda ngem pirac ken balitoc.

2Dagiti nabacnang ken napanglaw agsasaracda: ni Jehova ti namarsua Job 31:15. Prov. 14:31.cadacuada amin.

3Ti manakem a tao madlawna ti dakes, ket aglemmeng; ngem ti nanengneng aglayon laeng ket agsagaba.

4Ti gunguna ti napacumbaba ken panagbuteng ken Jehova, Sal. 112:3.kinabacnang, dayaw, ken biag.

5Sisiit ken silsilo addada iti dalan ti naulpit: ti mangsalimetmet iti cararuana siadayunto cadacuada.

6 Ecle. 12:1. Efe. 6:4. Iruammo ti ubing iti dalan a rebbengna a papanan, ket uray intono lacayen saannanto a pagpanawan.

7Ti nabacnang iturayanna ti napanglaw; ket ti umutang adipen ni nagpautang.

8 Job 4:8. Os. 10:13. Ti agmula ti kinadangkes agapitto iti kinadacsangasat; ket ti pang-or ti rungsotna cumapuyto.

9 2 Cor. 9:6. Ti addaan naparabur a mata benditonto; ta Prov. 19:17. Luc. 14:13, 14.mangted iti tinapayna cadagiti napanglaw.

10Pagtalawem ti mananguyaw, ket ti ringgor pumanawto; wen, ti ringgor ken pannacaibabain agsardengto.

11 Sal. 101:6. Ti agayat iti kinadalus ti puso, gapu iti talunggading dagiti bibigna ti ari gayyemnanto.

12Dagiti mata ni Jehova salacnibanda ti addaan pannacaammo; ngem rebbekenna dagiti sasao ti nagulib a tao.

13 Prov. 26:13. Ti nasadut cunana, Adda leon idiay ruar; mapisangpisangacto iti lanlansangan.

14Ti ngiwat ti gangannaet a babai nauneg a dariwangwang: ti guraen ni Jehova matnagto sadiay.

15Ti kinamaag maicapet iti puso ti ubing; Prov. 13:24; 19:18; 23:13; 29:15, 17.

ngem ti pagbaot ti pannursuro iccatennanto nga yadayu kencuana.

16Ti mangparigat iti napanglaw tapno mapaaduna ti magungunana, ken ti mangted iti nabacnang, Prov. 28:22.pumanglawto laeng.

17Yallingagmo ta lapayagmo, ket denggem dagiti sasao ti masirib, ket isaadmo ta pusom iti pannacaammoc.

18Ta nacaay-ayo a banag no cupicupam ida ita unegmo, no mapasingkedanda amin cadagita bibigmo.

19Tapno ti panagtalecmo adda coma ken ni Jehova, impacaammoc ida kenca itoy nga aldaw, wen kenca.

20Saanco aya nga insurat kenca dagiti mangnibinibi a banbanag maipapan cadagiti balbalacad ken pannacaammo.

21 Luc. 1:3, 4. Tapno maipacaammoc kenca ti kinaagpayso dagiti sasao ti pudno, 1 Ped. 3:15.tapno maisublim coma dagiti sasao ti pudno cadagiti mangibaon kenca?

22 Zac. 7:10. Dica tacawan ti napanglaw, gapu ta napanglaw; Job 5:4. Sal. 94:5.dica met parigaten ti sililiday Sal. 127:5.iti ruangan:

23 Sal. 12:5; 35:10; 68:5; 140:12. Ta ni Jehova icanawananto ti biangda, ket rabsutennanto ti biag dagiti mangrabsut cadacuada.

24Dica makigayyem iti tao a managpungtot; ket iti narungsot a tao dicanto makicuyog:

25Di la ket ta masursurom dagiti daldalanna, ken macaalaca iti silo iti cararuam.

26 Prov. 6:1. Saanca coma a maysa cadagiti mangyunnat cadagiti im-imada, wenno cadagiti mangpatalged cadagiti ut-utang:

27No awanto ti pagbayadmo, apay nga Prov. 20:16.alaendanto ta iddam ita babam?

28 Deut. 19:14. Dica yalis ti cadaanan a dolon, nga incabil dagiti dadackelmo.

29Makitam ti maysa a tao a sireregta iti pagsapulanna? agtacderto iti saclang dagiti ar-ari; dinto agtacder iti saclang dagiti nanomo a tattao.