DAGITI ARAMID 14 - Ilokano Form-Based Bible: Ti Biblia (1973)

Ti naimbag a damag maicascasaba idiay Iconio. Listra ken Derbe.—Irarangayna ken dagiti pannacairurumenda.—Panagsublida idiay Antioquia.

1Ket napasamac idiay bil. 19, 21. D. Ara. 13:51.Iconio, a nagcucuyogda a simrec D. Ara. 13:14.iti sinagoga dagiti Judio, ket nagsaoda iti nagbanaganna, namati dagiti adu unay a Judio ken Griego.

2Ngem dagidi Judio a di namati D. Ara. 13:50.riniribucda ti nakem dagiti Gentil a bumusor cadagidi cacabsat.

3Nagbayagda ngarud ti adu nga aldaw, a nagsasao a sitatalged iti Apo, a nangpanecnec iti D. Ara. 20:32.sao ti paraburna, nga impalubosna a dagiti imimada inaramidda dagiti datdatlag ken pagsidsiddaawan.

4Ngem nagcaddua dagiti tattao iti Ili; ket dagiti dadduma nakitimpuyogda cadagidi Judio, ngem dagidi sabali nakitimpuyogda cadagiti bil. 14.Apostol.

5Ket idi a dumuclos coma dagidi Judio ken dagidi Gentil, agraman dagidi panguloenda, a mangcabil ken mangubor cadacuada,

6Naamadda daytoy, ket napanda Mat. 10:23.naglemmeng cadagiti Il-ili ti Licaonia, D. Ara. 16:2; 20:4. 2 Tim. 3:11.Listra ken Derbe, ken iti daga a caparanget:

7Ket idiay incascasabada ti evangelio.

8Ket idiay Listra agtutugaw idi ti maysa a tao a D. Ara. 3:2.nacapuy dagiti sacsacana, pilay nanipud idi nayanac, isu nga saan a nagna uray caano.

9Daytoy nangngegna ni Pablo nga agsasao; isu nga idi a minatmatanna, ket idi makitana nga adda pammatina Mar. 10:52.a maagasan,

10Kinunana a nagpuccaw: Tumacderca nga aglinteg dagiti sacsacam. D. Ara. 3:8.Ket limmagto ket nagna.

11Ket dagidi adu a tao, idi nakitada ti inaramid ni Pablo, impigsada ti timecda a nagcuna iti pagsasao idiay Licaonia: D. Ara. 8:10; 28:6.Dagiti dios bimmabada cadatayo a cas la tattao.

12Ket ninaganda ni Bernabe ti Jupiter ket ni Pablo, Mercurio, ta daytoy isu idi ti nangnangrona a mangisasao.

13Ket daydi padi ni Jupiter, a ti templona adda idi iti sangoanan ti Ili, nangyeg cadagiti toro ken balangat iti sangoanan dagiti ruangan, ket cayatna coma ti mangidaton agraman cadagiti adu a tao.

14Ket idi mangngeg daytoy bil. 4.da apostol, Bernabe ken Pablo, Mat. 26:65.pinigisda dagiti pagananayda ket nagpucpuccawda a simmaranget cadagiti adu a tao.

15Ket cuncunada: Lallaki, D. Ara. 10:26.apayapay aramidenyo dagitoy? Tattaocami met a cas iti kinataoyo, ket ipacaammomi cadacayo ti naimbag a damag, tapno manipud cadagitoy Deut. 32:21. 1 Cor. 8:4.palangguad a banag agsublicay coma Mat. 16:16.iti Dios a sibibiag, Sal. 146:6.a nagaramid iti langit ken daga, ken ti taaw ken ti isu-amin nga adda cadacuada:

16Isu a cadagiti caputotan a limmabas, Sal. 81:12. D. Ara. 17:30.impalubosna cadagiti amin a nacion, a nagnada cadagiti daldalanda.

17Ngem D. Ara. 17:27. Rom. 1:20.saanna a binaybay-an nga awan macasacsi kencuana, a nagararamid ti imbag, Lev. 26:4. Sal. 68:9. Mat. 5:45.ken iniccannacayo cadagiti tudtudo ti langit, ken nabunga a tiempo, a pinunnona dagiti puspusoyo ti Sal. 104:15, 27.taraon ken ragsac.

18Ket uray pay cadagitoy a sao nagistay dida nabalinan a pinasardeng dagidi adu a tao iti panangigay-atda ti daton cadacuada.

19Idin D. Ara. 13:45, 50.dimteng dagiti Judio a taga D. Ara. 13:14.Antioquia ken bil. 1.Iconio, ket idi a sinulbogda dagiti adu a tao, 2 Cor. 11:25.inuborda ni Pablo, ket ginuyudguyodda nga inruar iti Ili, nga impapanda a natay.

20Ngem idi nga isu linicmut dagidi adalan, timmacder ket simrec iti Ili; ket iti cabigatan napan agraman ken Bernabe idiay bil. 6.Derbe.

21Ket idi a naicascasabada ti evangelio iti daydi nga Ili ken nacaisursuroda cadagiti adu nga adalan, nagsublida idiay Listra ken Iconio ken Antioquia,

22A D. Ara. 15:32, 41.pinatibkerda dagiti cararua dagiti adalan, a binagbagaanda ida nga agtalinaedda iti pammati, ket kinunada a Mar. 10:30. Luc. 22:28, 29. Juan 16:33.masapul a lasatentayo dagiti adu a rigrigat iti iseserrectayo iti pagarian ti Dios.

23Ket iti calpasan ti panangtudingda cadagiti D. Ara. 11:30.panglacayen a maipaay iti tungal Iglesia, ket iti calpasan iti panagcararagda a napacuyogan cadagiti panagayunar intalecda ida iti Apo, a pinatida.

24Ket limmabasda idiay D. Ara. 13:13, 14.Pisidia, ket immayda sadi Pamilia.

25Ket iti calpasan ti panangipacaammoda iti sao idiay Perge, simmalogda idiay Atalia;

26Ket nanipud sadiay naglayagda a napan idiay D. Ara. 11:26.Antioquia, isu a nacaidatonanda iti D. Ara. 13:43.parabur ti Dios, a maipaay iti aramid a tinurposda.

27Ket idi a nacagtengda ken naurnongda ti Iglesia, sinaritada dagiti amin a banag nga inaramid ti Dios nga inaramatna ida ken no 1 Cor. 16:9. 2 Cor. 2:12. Col. 4:3.casano ti pananglucatna ti ruangan ti pammati cadagiti Gentil.

28Ket nakipagnaedda idiay iti nabayag cadagidi adalan.