1Ita urnosem ti bagim met laeng cadagiti buybuyot, O anac a babai dagiti buybuyot; isu nanglacub ti maibusor cadatayo; cabilendanto iti pingping ti ocom ti Israel iti 1 Ar. 22:24.maysa a sarucod.
2Ngem sica, Mat. 2:6. Juan 7:42.Belen Efrata, sica a bassitca cadagiti rinibribu ti Juda, kenca rumuarto ti maysa nga umay caniac nga agbalin nga agturay iti Israel; a dagiti Os. 6:3.iruruarna nanipudda idi ugma, Sal. 90:2. Juan 1:1.nanipud iti kinaagnanayon.
3Gapuna a yawatnanto ida, agingga iti pannawen daydiay nga agpasical macapasngay; calpasanna ti bil. 7, 8.tidda cadagiti cacabsatna agawiddanto cadagiti annac ti Israel.
4Ket isu tumacderto, ket taraonannanto ti pangenna iti pigsa ni Jehova, iti dayag ti nagan ni Jehova a Diosna: ket mataginayondanto: ta iti casta isu dackelto agingga cadagiti pungto ti daga.
5Ket daytoy a Efe. 2:14.
lalaki isunto ti talnatayo. Intono ti Asirio umayto iti dagatayo, ken intono bumaddec cadagiti palaciotayo, ibangontayto a bumusor kencuana pito a pastor, ken walo a panguloen a lallaki.6Ket dadaelendanto ti daga ti Asiria iti campilan, ken ti daga ni Nimrod cadagiti pagsercanna: ket isu ruc-atannatayto iti Asirio, intono isu umay iti dagatayo, ken intono bumaddec iti sacup ti beddengtayo.
7Ket ti tidda ni Jacob addanto iti tengnga dagiti adu nga il-ili Deut. 32:2.cas linnaaw nga aggapu ken Jehova, cas cadagiti arbis iti rabaw ti root, a saanda nga urayen ti tao, ket di met aguray cadagiti annac dagiti tattao.
8Ket ti tidda ni Jacob addanto cadagiti nasnacion, iti tengnga dagiti adu nga il-ili, cas maysa a leon iti tengnga dagiti an-animal iti bakir, cas maysa nga urbon a leon cadagiti pangen ti carnero: isu, a no lumasat, mangbaddec ken mangpisangpisang, ket awan ti siasinoman a mangruc-at.
9Ti imam maitayag coma iti ngatoen dagiti cabusormo, ket amin dagiti cabusormo, madadaeldanto coma.
10Ket maaramidto Isa. 2:11.iti dayta nga aldaw, cuna ni Jehova, a Hag. 2:22. Zac. 9:10.dadaelecto dagiti cabayom iti tengngam, ken dadaelecto dagiti luganmo.
11Ket dadaelecto dagiti il-ili ti dagam, ket rebbaecto amin dagiti sarikedkedmo.
12Ket dadaelecto dagiti 2 Ar. 9:22. Jer. 47:9, 12. Nah. 3:4.kinamanagsalamangca iti imam; ket awanton ti mammuyonmo:
13Ket dadaelecto dagiti kinitikitam a ladladawan ken dagiti monmon iti tengngam; ket saanmonton a pagrucbaban ti aramid dagiti im-imam;
14Ket parutecto dagiti Jer. 17:2.Asheram iti tengngam; ket dadaelecto dagiti il-ilim.
15Ket aramidecto ti pannagbales babaen ti unget ken pungtot cadagiti nacion a saan a nangipangag.
Who We AreWhat We EelieveWhat We Do
2025 by iamachristian.org,Inc All rights reserved.
