EZEQUIEL 13 - Ilokano Form-Based Bible: Ti Biblia (1973)

Dagiti naulbod a mammadto mababalawda.

1Ket ti sao ni Jehova dimteng caniac, a kinunana,

2Anac ti tao, agpadtoca iti maibusor cadagiti mammadto ti Israel nga agipadpadtoda, ket cunaem cadagiti agipadpadto ti nagtaud iti bucodda a puso, Denggenyo ti sao ni Jehova.

3Castoy ti cuna ni Apo Jehova, Asi pay dagiti agpadpadto a nanengneng, a surotenda ti bucodda nga espiritu ket awan ti nakitada.

4O Israel, dagiti mammadtom casda la cadagiti aso, ti bakir cadagiti disso nga awan ti matagtagitao.

5Dicayo simmang-at

11Cunaem cadagiti agpalitada iti saan a natemplaan a masa nga isu matuangto; umayto ti tudo a manglapunos; ket dacayo, O dadackel nga uraro matuangcayto; ket ti nadawel nga angin mangdadaelto kencuana.

12Adtoy, no ti bacud matuangton, saanto aya a maisao cadacayo, Sadino ti yan ti dakes a masa a pinagpalitadayo kencuana?

13Gapuna castoy ti cuna ni Apo Jehova: isu burakecto babaen ti angin a nadawel iti pungtotco; ket addanto manglayus a tudo babaen ti lucsawco, ken dadackel nga uraro a sirurungsot a mangibus kencuana.

14Casta ti panangracracconto iti bacud a pinalitadayo iti saan a natemplaan a masa, ket isu ipababacto iti daga, tapno ti pamuonna malucasanto; ket matuangto, ket maibuscayonto iti tengngana: ket mabigbigyonto a siac ni Jehova.

15Castoy ti panangtungpalconto iti pungtotco iti bacud, ken cadagiti nangpalitada kencuana iti saan a natemplaan a masa; ket cunacto cadacayo, Awanen ti bacud, ken dagidiay met a nagpalitada kencuana;

16 Nga isuda, dagiti mammadto ti Israel a mangpadto ti maipapan iti Jerusalem, ken macakita cadagiti sirmata ti talna a maipaay kencuana, ket awan ti talna, cuna ni Apo Jehova.

17Ket sica, anac ti tao, sumangoca a maibusor cadagiti annac a babbai ti ilim, dagidiay agpadto iti aggapu ti bucodda a puso; ket agipadtoca iti maibusor cadacuada,

18Ket cunam, Castoy ti cuna ni Apo Jehova; Asi pay dagiti babbai nga agdait cadagiti pungpungan a maipaay iti amin a sico, ken agaramid cadagiti panpano a maipaay iti olo dagiti tao iti amin a catayag tapno aganup cadagiti cararua. Anupanyo aya dagiti carcararua iti ilic, ket ispalenyo dagiti carcararua a sibibiag a maipaay cadacayo met laeng?

19Ket dacayo binassawangandac iti nagtengngaan ti ilic gapu cadagiti rinakem a cebada Prov. 28:21.ken pispisi a tinapay, tapno papatayenyo dagiti carcararua a saan coma a matay, ket biagenyo dagiti carcararua a saan coma nga agbiag, gapu iti panangulbodyo iti ilic a dumngeg cadagi tiri.

20Gapuna castoy ti cuna ni Apo Jehova: Adtoy, bumusorac cadagiti punganyo, a panganupyo cadagiti cararua a patayabenyo, ket rabsutecto ida manipud cadagiti tackiagyo; ket bulosacto dagiti cararua, dagiti met laeng cararua nga anupenyo a patayaben.

21Pigisecto met dagiti panoyo, ket ispalecto ti ilic iti imayo, ket awandanton iti imayo tapno panganup; ket mabigbigyonto a siac ni Jehova.

22Ta gapu cadagiti ulbod Jer. 28:16.pinagladingityo ti puso ti nalinteg, isuda a diac pinagleddaang, ket pinabilegyo dagiti im-ima dagiti nadangkes, tapno isu saan coma a sumina iti dakes a dalanna, ket maispal a sibibiag;

23Gapuna Eze. 12:24. Mik. 3:6.dicayto macakitan cadagiti sirmata nga ulbod, wenno macabuyon cadagiti padpadles: ket ispalecto ti ilic iti imayo; ket mabigbigyonto a siac ni Jehova.