LEVITICO 18 - Ilokano Form-Based Bible: Ti Biblia (1973)

Ti panaggaabig dagiti asideg nga agcabagian ken sabsabali a kinarugit maiparitda.

1Ket ni Jehova nakisao ken Moises, a kinunana,

2Ibagam cadagiti annac ti Israel, ket cunam cadacuada, Ex. 6:7. Lev. 11:44.Siac ni Jehova a Diosyo.

3 Eze. 20:7, 8. Iti cas cadagiti ar-aramid iti daga sadi Egipto, isu a nagnaedanyo, dicayto ar-aramiden: ket iti cas cadagiti ar-aramid iti daga sadi Canaan, isu a pangipanac cadacayo, Ex. 23:24.dicayto ar-aramiden; dicayto met pagdalanan dagiti al-alagadenda.

4 Deut. 4:1, 5. Eze. 20:19. Dagiti bilbilinco isuda ti aramidenyonto ket dagiti ipaalagadco salimetmetanyonto tapno isuda ti pagdalananyo; siac ni Jehova a Diosyo.

5Iti casta sungpotenyonto dagiti ipaalagadco ken bilbilinco; nga no aramiden ti tao, Eze. 20:11, 13, 21. Rom. 10:5. Gal. 3:12.agbiagto cadacuada; siac ni Jehova.

6Awanto cadacayo ti dumenna iti siasinoman nga asideg a cabagianna, tapno lucaisanna ti bagi nga ibainna: siac ni Jehova.

7 Aginga bil. 16. Lev. 20:11-21. Ti bagi nga ibain ni amam, uray ti bagi nga ibain ni inam, dicanto lucaisan: isu ni inam; dicanto lucaisan ti bagi nga ibainna.

8 Gen. 49:4. Deut. 22:30; 27:20. 1 Cor. 5:1. Ti bagi nga ibain ti asawa ni amam dicanto lucaisan: bagi nga ibain ni amam dayta.

9 Eze. 22:11. Ti bagi nga ibain ni cabsatmo a babai nga anac ni amam, wenno anac a babai ni inam, nayanac man iti balay, wenno nayanac iti sadino man, dicanto met lucaisan ti ibainda a bagi.

10Ti bagi nga ibain ti babai nga annac ti anacmo a lalaki, wenno ti babai nga anac ni anacmo a babai, uray ti bagida nga ibain dicanto lucaisan; gapu ta ti ibainda a bagida ibainmo met.

11Ti bagi nga ibain ti babai nga anac ni asawa ni amam, isu a pinutot ni amam, isu cabsatmo a babai, dicanto lucaisan ti bagina nga ibainna.

12Dicanto lucaisan ti bagi nga ibain ti babai a cabsat ni amam; isu asideg a cabagian ni amam.

13Dicanto lucaisan ti bagi nga ibain ti babai a cabsat ni inam: ta isu asideg a cabagian ni inam.

14Dicanto lucaisan ti bagi nga ibain ti lalaki a cabsat ni amam, dicanto dumenna ken asawana: isu ikitmo.

15 Gen. 38:26. Eze. 22:11. Dicanto lucaisan ti bagi nga ibain ti manugangmo a babai: isu asawa ni anacmo a lalaki; dicanto lucaisan ti bagi nga ibainna.

16 Deut. 25:5. Mat. 22:24. Mar. 12:19. Luc. 20:38. Dicanto lucaisan ti bagi nga ibain ti asawa ni cabsatmo a lalaki: bagi nga ibain ni cabsatmo dayta.

17Dicanto lucaisan ti bagi nga ibainna (ti maysa a babai,) ken ti anacna a babai; dicanto alaen ti babai nga anac ni anacna a lalaki, wenno ti babai nga anac ti anacna a babai, tapno lucaisam ti ibainna a bagina; isuda cabagianna ida nga asideg; dayta isu ti kinadakes.

18Ket sica dicanto alaen ti cabsat a babai ni asawam a babai, 1 Sam. 1:6, 8.tapno casalisalna, tapno lucaisam ti bagi nga ibainna, a cadua ni asawam iti bayat ti panagbiagna.

19 Lev. 20:18. Ket sica dicanto adanian ti maysa a babai tapno lucaisam ti bagi nga ibainna, iti bayat ti caaddana a saan a nadalus gapu iti panagsangailina.

20 Ex. 20:14. Ket sica dicanto caidda a caabig ti asawa ti padam a tao, ta mamulitanca kencuana.

21Ket sica dicanto mangted iti uray la no maysa iti putotmo a 2 Ar. 16:3; 21:3; 23:10.ipasrecmo ida iti apuy ken 1 Ar. 11:7, 33. D. Ara. 7:43.Moloch; dicanto met ipabpabareng ti nagan ti Diosmo: siac ni Jehova.

22 Lev. 20:13. Rom. 1:27. 1 Cor. 6:9. 1 Tim. 1:10. Dicanto caidda ti lalaki a cas ibilang a babai: daytoy ti kinarimon.

23 Lev. 20:15, 16. Ket sica dicanto caidda ti uray ania nga animal a mulitam ta bagim kencuana; casta met ti siasinoman a babai dinto agyan iti sango ti maysa nga animal tapno makicaidda; gampor daytoy.

24 Mat. 15:19, 20. Mar. 7:21, 22, 23. Lev. 20:23. Deut. 18:12. Dicay mulmulitan ti bagbagiyo iti uray ania cadagitoy nga aramid: ta amin cadagitoy namulitan dagiti nasnacion nga iyadayoc iti sangoananyo;

25 Num. 35:34. Jer. 2:7. Ket ti daga namulitan: Isa. 26:21. Jer. 14:10; 25:2. Os. 8:13; 9:9.isu ti gapuna nga impasarungcarco ti kinadakesna idiay, ket ti daga isaruana dagiti agnaed kencuana.

26Isu ti gapuna a dacayo salimetmetanyo dagiti pagalagadac, ken dagiti bilbilinco, ket dicayto ar-aramiden ti uray ania cadagitoy a nacarimrimon; uray no cadaraanyo, uray no gangannaet a makitubo cadacayo;

27(Ta amin dagitoy a kinarimon naaramiden idi dagiti tattao nga immun-una ngem dacayo, iti daga, ket ti daga namulitan:)

28Tapno ti daga dinacay met isarua, no mamulitanyo, a cas idi panangisaruana iti nacion nga immun-una ngem dacayo.

29Ta siasinoman a mangaramidto iti uray ania cadagitoy a kinarimon, dagiti met laeng mangaramid cadagitoy, maipusaydanto iti ilida.

30Isu ti gapuna a salimetmetanyonto ti ipaannongco Lev. 20:23.tapno dicay ar-aramaten ti uray ania a nacarimrimon nga awid a naaramid idi awancay pay, ken tapno dicay mulmulitan cadagitoy ti bagbagiyo: siac ni Jehova a Diosyo.