EZEQUIEL 29 - Ilokano Form-Based Bible: Ti Biblia (1973)

Ti padto a maicaniwas iti Egipto.

1Iti maicapul-lo a tawen, iti maicapul-lo a bulan, iti maicapul-lo ket dua nga aldaw ti bulan, ti sao ni Jehova dimteng caniac, a kinunana,

2Anac ti tao, isangom ta rupam a maibusor ken ni Faraon nga ari ti Egipto, ket agipadtoca iti maibusor kencuana, ken Isa. 19:1. Jer. 25:19.maicaniwas iti amin nga Egipto;

3Agsaoca, ket cunam, Castoy ti cuna ni Apo Jehova: Adtoy, bumusorac kenca, Faraon nga ari ti Egipto, ti Sal. 44:19; 74:13. Isa. 27:1. Jer. 46:22.dackel nga olimaw nga adda iti tengnga dagiti carayanna, a nagcuna, Ti carayanco cucuac a bucod, ket isu inaramidco a maipaay caniac met laeng.

4Ket Eze. 38:4.mangicabilacto cadagiti callawit cadagiti sangim, ket padecketecto dagiti ican dagiti carayanmo cadagiti sicsicmo; ket isangatcanto manipud iti tengnga dagiti carayanmo, agraman dagiti amin nga ican dagiti carayanmo isuda a dumket cadagiti sicsicmo.

5Ket ibellengcanto iti let-ang, sica ken amin ti ican dagiti carcarayanmo: matuangcanto iti nalawa a tay-ac; Jer. 8:2; 25:33.saancanto a matiptipon wenno maururnong; intedca a maipaay a taraon cadagiti an-animal ti daga ken cadagiti tumatayab ti langit.

6Ket amin dagiti agnaed ti Egipto mabigbigdanto a siac ni Jehova, agsipud ta isuda ti 2 Ar. 18:21. Isa. 36:6.sarucod a runo iti balay ti Israel.

7Idi Isa. 20:5; 30:3, 5. Jer. 2:30.iniggamanda ta imam, nabungtolca, ken pinigismo amin dagiti abagada; ket idi nagsanggirda kenca, sica nabungtolca, ken pinagpigergermo dagiti lomlomoda.

8Gapuna castoy ti cuna ni Apo Jehova: Adtoy, yegconto ti campilan kenca, ket pucawecto kenca ti tao ken animal.

9Ket ti daga ti Egipto langalangto ken let-ang; ket mabigbigdanto a siac ni Jehova. Agsipud ta kinunana, Ti carayan cucuac, ket isu inaramidco;

10Adtoy, ngarud, bumusorac kenca, ken bumusorac cadagiti carcarayanmo, Eze. 30:12.ket aramidecto ti daga ti Egipto a naananay a let-ang ken langalang, Ex. 14:2. Jer. 44:1.manipud iti torre ti Seveneh agingga met laeng iti beddeng ti Etiopia.

11Awan ti saca ti tao a lumabasto kencuana, wenno saca ti animal a lumabasto kencuana, ket dinto met mapagnaedan bayat ti uppat a pulo a tawen.

12Ket aramidectoEze. 30:7.ti daga ti Egipto a langalang iti tengnga dagiti dagdaga a langalang; ket dagiti il-ilina iti nagtengngaan dagiti il-ili a naracrac langalangdanto bayat ti uppat a pulo a tawen, Jer. 46:19. Eze. 30:23, 26.ket iwarasconto dagiti taga Egipto cadagiti nasnacion, ket iwaracto ida cadagiti dagdaga.

13Ta castoy ti cuna ni Apo Jehova: Iti Isa. 19:23. Jer. 46:26.panaggibus dagiti uppat a pulo a tawen urnongecto dagiti Egipcios manipud cadagiti il-ili a nacaiwarasanda;

14Ket pagbaliwecto ti pannacacayaw ti Egipto, ket pasubliecto ida iti daga ti Eze. 30:14.Patros, iti daga a nacayanacanda; ket idiay isudanto ti nanomo a pagarian.

15Isunto ti canomoan cadagiti amin a pagpagarian; ket dinto met maitan-oken cadagiti nasnacion: ket pabassitecto ida, tapno saandanton nga agturay cadagiti nasnacion.

16Ket isu saanton a Eze. 30:2, 3; 36:4, 6.pagtalcan ti balay ti Israel, a mangipalagip ti kinadakes, no isuda tumaliawdanto a cumita cadacuada: ket mabigbigdanto a siac ni Apo Jehova.

17Ket naaramid idi maicaduapulo ket pito a tawen, iti umuna a bulan, iti damo nga aldaw ti bulan, ti sao ni Jehova dimteng caniac, a kinunana,

18Anac ti tao, ni Jer. 25:9.Nabucodonosor nga ari ti Babilonia pinagservina ti buyotna iti dackel a Eze. 26:7, 8.panagservi a maibusor iti Tiro: tunggal olo nagcalvo, ket tunggal abaga narunot; nupay casta awan idi ti gongonana, uray ti buyotna, a naggapu iti Tiro, gapu iti panagservi a pinagservina a maicaniwas kencuana.

19Gapuna castoy ti cuna ni Apo Jehova: Adtoy, Eze. 30:10, 12, 24, 25.itedconto ti daga ti Egipto ken Nabucodonosor nga ari ti Babilonia; ket isu ipanawnanto ti kinaaduna, ket alaenna ti tinucmaanna, ken alaenna ti samsamna; ket isuinto ti gongona ti buyotna.

20Intedco kencuna ti daga ti Egipto a cas gongonana gapu iti panagservina, agsipud ta nagaramidda iti maipaay caniac, cuna ni Apo Jehova.

21Iti dayta nga aldaw Sal. 132:17.pgtuboecto ti sara iti balay ti Israel, ket Eze. 24:24.pagsaoencano iti tengngada; ket mabigbigdanto a siac ni Jehova.