1Ket ni Jehova nakisao cada Moises ken Aaron, a kinunana,
2No iti maysa a tao adda tumaud a letteg, iti cudil ti lasagna wenno latlat, wenno aglaslasilas, ket agbalin a sakit a cucutel iti cudil ti lasagna, Deut. 24:8.maipanto ngarud ken Aaron, a padi, wenno iti maysa cadagiti annacna a lallaki a padi:
3Ket ti padi imatangannanto ti sacsakiten iti cudil ti lasag; ket no ti dutdut iti sacsakiten nagpuraw, ket ti langa ti sacsakiten naun-uneg ngem iti cudil ti lasagna, dayta ti sakit a cucutel; ket ti padi amirisennanto, ket ikeddengnanto nga isu saan a nadalus.
4Ket no ti yan ti lasilas nagpuraw iti cudil ti lasagna, ket agparang a saan a naun-uneg ngem iti cudil, ket ti dutdut iti dayta saan a nagpuraw, no casta ti padi ipaingnanto ti adda sacsakitenna iti pito nga aldaw;
5Ket ti padi kitaennanto ti maicapito nga aldaw: ket, adtoy, ta no, ti pannacaimatangna, ti sacsakiten saan a dimmackel, ket ti sacsakiten saan a nagwaras iti cudil, ti padi ngarud ipaingnanto pay laeng iti pito nga aldaw;
6Ket ti padi kitaennanto man met laengen iti maicapito nga aldaw, ket, adtoy, no ti sacsakiten nalitem, ket ti sacsakiten saan a nagwaras iti cudil, ti padi ibatadnanton ngarud nga isu nadalusen: latlat ti adda; Lev. 11:25.ket isu labaannanto dagiti pagan-anayna, ket nadalusto.
7Ngem no ti latlat agwaras iti cudil calpasan ti pannacaiparangna iti padi tapno madalusan, iparangnanto a balbaliwan ti bagina iti padi:
8Ket ti padi imatangannanto, ket adtoy, no ti latlat nagwarasen iti cudil, ti padi ibatadnanto a casta a saan a nadalus: dayta ti cucutel.
9No ti sakit a cucutel adda iti tao, maidatagto ngarud iti padi;
10 Num. 12:10, 12. 2 Ar. 5:27. 2 Cron. 26:20. Ket ti padi kitaennanto; ket adtoy, no adda letteg a puraw iti cudil, ket pinagbalinna a puraw ti dutdut, ket adda nabiag a lasag nga awan cudilna iti letteg.
11Dayta nabayagen a cucutel iti cudil ti lasagna, ket ti padi ibatadnanto nga isu saan a nadalus: bil. 4, 5.dinanto ipapaing, ta isu saan a nadalus.
12Ket no ti cucutel agwaras iti cudil, ket ti cucutel ramanenna amin a cudil ni agcucutel, manipud olona agingga iti sacana, ket ti padi makitanan a casta;
13Ti padi ngarud ammirisennanto; ket, adtoy, no ti cucutel nalungpusna amin ti lasagna, ibatadnanto a nadalus ni nagsacsakit: pimmuraw amin; isu nadalusen.
14Ngem inton agparang kencuanan ti nabiag a lasagna, saanto laeng a nadalus.
15Ket ti padi imatangannanto ti lasagna nga awan cudilna, ket ibatadnanto a saan a nadalus: ti awan cudilna a lasag saan a nadalus: isu dayta ti cucutel.
16Wenno, ti awan cudilna a lasag agsubli, ket agsucat iti puraw, no casta dumatagto iti padi:
17Ket ti padi imatangannanto: ket, adtoy, no ti sacsakiten nagpuraw, ti padi ngarud ibatadnanto a nadalus ni nagsacsakit: isu nadalus.
18Ket no iti cudil ti lasag ti nagtaudan ti Ex. 9:9.letteg, ket immimbagen,
19Ket iti nagsaadan ti letteg tumubo ti letteg a napuraw, wenno lasilas, lumabaga a puraw, no casta maiparangto iti padi;
20Ket ti padi imatangannanto; ket, adtoy, no ti langana nalenlennec ngem iti cudil, ket ti dutdut iti yanna nagpurawen, ti padi ngarud ibatadnanto a saan a nadalus: dayta ti sakit a cucutel, timmaud iti yan ti letteg.
21Ngem no ti padi imatangannanto, ket adtoy, awan dutdut a nagpuraw idiay, ket saan a nalenlennec ngem iti cudil, ngem ket di nalitem; ti padi ngarud ipaingnanto bayat dagiti pito nga aldaw:
22Ket no dayta agwaras iti cudil, ti padi ngarud ibatadnanto a saan a nadalus: dayta ti sacsakiten.
23Ngem no ti lasilas adda laeng iti tinaudanna, ket saan a nagpacpakilo, dayta ti nagpiglatan ti letteg; ket ti padi ibatadnanto a nadalus.
24Wenno no ti lasag iti yan ti cudil a nasinit iti apuy, ket ti nasalunat a lasag ti nasinit aglasilas a lumabaga ken pumuraw, wenno puraw;
25No casta ti padi ammirisennanto daydiay; ket, adtoy, no ti dutdut iti yan ti lasilas agpuraw, ket ti nagparanganna nalenlennec ngem ti cudil; dayta ti cucutel, timmaud iti yan ti nasinit: ket ti padi ibatadnanto a saan a nadalus: dayta ti sakit a cucutel.
26Ngem no ti padi ammirisennanto daydiay, ket, adtoy, awan puraw a dutdut iti yan ti lasilas, ket saan a nalenlennec ngem ti cudil, ngem nalitem; ti padi ngarud ipaingnanto bayat dagiti pito nga aldaw:
27Ket ti padi ammirisennanto iti maicapito nga aldaw: no nagwaras iti cudil, ti padi ngarud ibatadnanto nga saan a nadalus: dayta ti sacsakiten a cucutel.
28Ket no ti lasilas adda laeng iti nagsaadanna, ket saan a nagsacnap iti cudil, ngem nalitem; dayta ti letteg ti nasinit, ket ti padi ibatadnanto a nadalus: ta dayta ti pagpiglatan ti nasinit.
29Ket no ti maysa a lalaki wenno babai adda sacsakitenna iti olo wenno timid,
30Iti casta ti padi imatangannanto ti sacsakiten; ket, adtoy, no ti langana nalenlennec ngem ti cudil, ket adda boocna nga amarillo a nalapat, no casta ti padi ibatadnanto a saan a nadalus: isu dayta ti dogoldogol, dayta ti cucutel ti olo wenno timid.
31Ket no ti padi maimatanganna ti sacsakiten a dogoldogol, ket, adtoy, ti langana saan a nalenlennec ngem ti cudil, ket awan ti boocna a nangisit, ti padi ngarud ipaingnanto ni agsacsakit iti dogoldogol iti pito nga aldaw:
32Ket iti maicapito nga aldaw ti padi imatangannanto ti sacsakiten; ket, adtoy, no ti dogoldogol saan a nagwaras, ket awan ti amarillo a boocna, ket ti langa ti dogoldogol saan a nalenlennec ngem ti cudil.
33Makiskisanto ngarud, ngem saan a kiskisan ti dogoldogol; ket ti padi ipaingnanto pay laeng ni agsacsakit iti dogoldogol cadagiti pito nga aldaw.
34Ket iti maicapito nga aldaw ti padi imatangannanto ti dogoldogol, ket adtoy, no ti dogoldogol saan a nagwaras iti cudil, ket ti langana saan a nalenlennec ngem ti cudil; ti sacerdote ibatadnanto ngarud a nadalus: ket labaannanto dagiti pagananayna, ket nadalus.
35Ngem no ti dogoldogol nagwaras iti cudil, calpasan ti panagdalusna,
36Iti casta ti padi imatangannanto; ket, adtoy, no ti dogoldogol nagwaras iti cudil, ti padi dinanto sapulen ti amarillo a booc; isu saan a nadalus.
37Ngem no iti pannacaimatangna saan a nagpacpakilo ti dogoldogol, ket tinuboan ti nangisit a booc; ti dogoldogol immimbagen isu nadalus: ket ti padi ibatadnanto a nadalus.
38Ket no lalaki wenno babai ti adda lasilasna iti cudil ti lasagna, uray pay puraw a lasilas;
39Iti casta ti padi imatangannanto; ket, adtoy, no dagiti lasilas iti cudil ti lasagda nalitem a puraw, dayta ti curad, nagtaud iti cudil, isu nadalus.
40Ket no ti booc ti tao nagparut iti olona, isu ti calbo; nupay casta nadalus.
41Ket no ti boocna nagparut iti akinsango a paset ti olona, isu ti ludingas nupay casta nadalus.
42Ngem no iti calbo, wenno iti ludingas adda lumabaga a puraw a sacsakiten; dayta ti cucutel a tumaud iti calbo, wenno iti ludingas.
43Imatanganto ngarud ti padi, ket, adtoy, no ti letteg ti sacsakiten lumabaga a puraw iti calbona wenno ludingasna, cas iti langa ti cucutel iti cudil ti lasag;
44Isu ti tao nga agcucutel, saan a nadalus: ti padi ibatadnanto nga ipatalged nga isu saan a nadalus; ti sacsakitenna adda iti olona.
45Ket ti agcucutel nga agsacsakit, dagiti pagan-anayna maray-abdanto, ket ti booc ti olona mawacrayto, ket Eze. 24:17, 22. Mik. 3:7.abbongannanto ti akingato a bibigna, ket agpuccawto, D. Un. 4:15.Saan a nadalus, saan a nadalus.
46Dagup dagiti aldaw a panagbayag kencuana ti sacsakiten, maibilangto a saan a nadalus; isu saan a nadalus: agwaywayasto iti pagnaedanna; Num. 5:2; 12:14. 2 Ar. 7:3; 15:5. 2 Cron. 26:21. Luc. 17:12.iti ruar ti pacarso ti pagtaengannanto.
47Ti met pagan-anay nga adda cucutel, pagan-anay man a de lana wenno pagan-anay a lienzo;
48Uray pay iti gan-ay, wenno iti pacan; ti lienzo, wenno ti de lana, uray iti lalat, wenno uray isu-amin a naaramid iti lalat;
49No ti sakit Lev. 14:37.bumerde wenno lumabaga iti pagan-anay wenno iti lalat, wenno iti gan-ay wenno ti pacan, wenno iti uray ania nga aruaten a lalat; dayta ti sakit a cucutel, ket rebbengna ti maiparang iti padi:
50Ket ti padi imatangannanto ti sakit, ket ipacni daydiay a nagsakit cadagiti pito nga al-aldaw:
51Ket iti maicapito nga aldaw imatangannanto ti sakit: no ti sakit nagwaras iti pagan-anay, uray iti gan-ay, wenno iti pacan, wenno iti lalat, nga uray ania a pacaaramatan ti lalat; ti sakit isu ti cucutel a mamagrucop; isu saan a nadalus.
52Ket puurannanto ti pagan-anay, uray ti gan-ay wenno pacan, ti de lana wenno lienzo, wenno ti uray ania nga aruaten a lalat, a pagyanan ti sakit: ta dayta isu ti cucutel a mamagrucop; mapuuranto iti apuy.
53Ket no ti padi kitaennanto, ket adtoy, ti sakit saan a nagwaras iti pagan-anay, uray iti gan-ay, wenno iti pacan, wenno iti uray ania nga aruaten a lalat;
54Ti padi ngarud ibilinnanto a labaandanto ti aruaten nga yan ti saket, ket ipacninanto pay iti pito nga aldaw:
55Ket ti padi kitaennanto iti calpasan ti pannacaugas ti sakit; ket, adtoy, no ti sakit saan a nagusaw, ket ti sakit saan a nagwaras, saan a nadalus; ipuurmonto iti apuy: isu ti maysa a panagrucop nupay no ti panagcalbo adda iti ruar man wenno iti uneg.
56Ket no ti padi kitaenna, ket, adtoy, ti sakit nagusaw calpasan ti pannacaugasna, iccatennanto ngarud iti aruaten, wenno iti lalat, wenno iti gay-ay wenno iti pacan:
57Ket no agparang pay laeng iti aruaten, uray iti gan-ay, wenno iti pacan, wenno iti uray ania nga aruaten a lalat, agwarwaras: puuramto iti apuy dayta a yan ti sakit.
58Ket ti pagan-anay, uray ti gan-ay, wenno pacan, wenno ania nga aruaten a lalat nga labaamto, no maiccat ti sakit, ipiduamto a labaan, ket nadaluston.
59Daytoy ti alagaden ti sakit a cucutel iti pagan-anay a de lana wenno lienzo, uray iti gan-ay wenno iti pacan, wenno iti uray ania nga aruaten a lalat, tapno pangibatad iti kinadalus, wenno saanna a kinadalus.
Who We AreWhat We EelieveWhat We Do
2025 by iamachristian.org,Inc All rights reserved.
