DAGITI SALMO 135 - Ilokano Form-Based Bible: Ti Biblia (1973)

Panangidaydayaw cadagiti nacascasdaaw nga Ar-aramid ni Jehova. Kinaubbaw dagiti didiosen a pagcararagan.

1Idaydayawyo ni Jehova. Idaydayawyo ti nagan ni Jehova; Sal. 134:1.idaydayawyo, O dacayo nga ad-adipen ni Jehova,

2Dacayo nga agyan iti balay ni Jehova, Sal. 92:13; 116:19.cadagiti paraangan ti balay ti Diostayo.

3Idaydayawyo ni Jehova; ta ni Jehova naimbag: cantaenyo dagiti panangidaydayaw iti naganna, Sal. 147:1.ta nacaayayo.

4Ta ni Deut. 7:6, 7; 10:15.Jehova pinilina ni Jacob a maipaay kencuana, ket ti Israel tapno Ex. 19:5.cucuana a bucod.

5Ta ammoc Sal. 95:3.a ni Jehova dackel, ket ti Apotayo dacdackel pay ngem amin a didiosen.

6Aniaman a nagayatan ni Jehova, dayta ti inaramidna, sadi langit ken ditoy daga, cadagiti baybay ken cadagiti amin a yuyeng;

7Isu a mamagpangato cadagiti alingasaw manipud cadagiti pungto toy daga; isu a mamagkimat a maipaay agtudo; isu a mangparuar iti angin Job 38:22.cadagiti pagidulinanna;

8Isu a nangdanar iti inauna nga anac sadi Egipto, anac ti tao man ken ti animal;

9 Ex. 7:10-14. Isu a nangibaon cadagiti pagilaslasinan ken datdatlag iti tengngam, O Egipto, ken Faraon, ken cadagiti amin nga ad-adipenna;

10 Sal. 136:17-22. Isu a nagcabil cadagiti adu a nasnacion, ken namapatay cadagiti nabileg nga ar-ari,

11Ni Num. 21:21-26, 33-35.Sehon nga ari dagiti Amorreo, ken ni Og nga ari ti Basan, ken Job 12:7-24.amin a pagpagarian sadi Canaan,

12Ket intedna ti dagada nga impatawid, tawiden ti Israel nga ilina.

13Ti naganmo, Sal. 102:12.O Jehova, agnanayon; ti malaglagip a naganmo, O Jehova, agpapan cadagiti amin a caputotan.

14Ta ni Jehova ocomennanto ti ilina, ket Sal. 90:13.pagbabawiannanto maipuon cadagiti ad-adipenna.

15 Aginga bil. 18. Sal. 115:4-8. Dagiti didiosen dagiti nasnacion pirac ken balitoc, ti aramid dagiti im-ima dagiti tattao.

16Adda ngiwngiwatda, ngem dida agsao; adda matmatada, ngem dida macakita;

17Adda laplapayagda, ngem dida macangngeg; awan met a pulos ti panaganges cadagiti ngiwatda.

18Dagiti mangaramid cadacuada umaspingdanto met cadacuada; wen, tunggal maysa nga agcammatalec cadacuana.

19 Sal. 115:9, 10, 12; 118:2, 3. O balay ni Israel, benditoenyo ni Jehova: O balay ni Aaron, benditoenyo ni Jehova:

20O balay ni Levi, benditoenyo ni Jehova: dacayo nga agbuteng ken Jehova, benditoenyo ni Jehova.

21Bendito coma ni Jehova manipud Sion, Sal. 132:13.isu nga agnaed sadi Jerusalem. Idaydayawyo ni Jehova.